月 暗淡的光線

Gue̍h àm-tām ê kng-suànn

照著僥倖的人

Tsiò tio̍h hiau-hīng ê lâng

遠遠望著一空一隙

Hn̄g-hn̄g bāng tio̍h tsi̍t-khang-tsi̍t-khiah

破敗的海岸

Phuà-pāi ê hái-huānn

風中浮沈的性命

Hong tiong phû-tîm ê sìnn-miā

凋零落塗的咒誓

Tiau-lîng lo̍h-thôo ê tsiù-tsuā

怨嘆希望攏變成空

Uàn-thàn hi-bāng lóng piàn-sîng khang

怨嘆命運戲弄

Uàn-thàn miā-ūn hì-lāng

咱是生在亂世的人

Lán sī senn tsāi luān-sè ê lâng

註定無半項

Tsù-tiānn bô puànn hāng

但是我的心中

Tān-sī guá ê sim tiong

有一個願望

Ū tsi̍t ê guān-bāng

想欲將所有的心意

Siūnn beh tsiong sóo-ū ê sim-ì

予你知影

Hōo lí tsai-iánn

混亂的時代 純情的夢

Hūn-luān ê sî-tāi sûn-tsîng ê bāng

我毋是勇敢的人

Guá m̄ sī ióng-kám ê lâng

只有恬恬佮你做伴

Tsí-ū tiām-tiām kap lí tsuè-phuānn

偷偷寫一條歌

Thau-thau siá tsi̍t tiâu kua

等希望的日頭照佇山嶺

Tán hi-bāng ê ji̍t-thâu tsiò tī suann-niá

等和平慢慢靠岸

Tán hô-pîng bān-bān khò-huānn

等飛行機 袂閣來

Tán pue-lîng-ki buē koh lâi

想欲牽你的手

Siūnn beh khan lí ê tshiú

聽海湧的聲

Thiann hái-íng ê siann

等飛行機 袂閣來

Tán pue-lîng-ki buē koh lâi

予我牽你的手 唱這條戀歌

Hōo guá khan lí ê tshiú tshiùnn tsit tiâu luân-kua

資料來源：https://mojim.com/twy105739x16x1.html