Ұлы Отан соғысының ардагерлері
Әбіш Әбділдәұлы
1905 жылы Семей облысы, Павлодар уезі, Ақбеттау болысы қазіргі Баянауылда наурыз айында дүниеге келген. 1912-1914 жылдары Баянауылдағы татар молдасы Киргирім және Бақытай Жуанышбаевтан оқып, хат таныған. «Отанымызға қатер төнді, қолыңа қару ал» деген ұран тастағанда, ол Отан алдындағы азаматтық парызын өтеу үшін аттанады. Бұл 1942 жыл еді. 1942 жылдың жазында І және ІІ Беларусь майдандарында жауға қарсы шайқасты. Екі рет жарақаттанған, госпитальге жатып, жазылғаннан кейін қайта майданға аттанады.
1944 жылдың күзінде алған ауыр жарақаттан соғысқа жарамсыз мүгедек болып танылып, елге оралады. Соғыстағы ерлігі үшін «Даңқ» орденімен, ІІІ дәрежелі «Ерлігі үшін» медальімен марапатталады. 1946 жылдың аяғында Кереку уезінің байланыс бөліміне жұмысқа тұрады. Баяннан 25-30 шақырым жерге почта таратады. 1959 жылдың 5-ші мамырында «Лекер мал жинау пунктіне көшіп келеді. Осы уақыттан бастап ауыл шаруашылығымен айналысады. 1959 жылдан 1974 жылға дейін мал бағу кәсібімен шұғылданады. 1974 жылы 2 –ші маусымында дүние салады.
Марапаттары :
Орден Славы ІІІ степени
«За отвагу» медалі
Мүрсәлім Смағұлұлы
Павлодар облысы, Баянауыл болысындағы Ақшиман ауылының Қарашеңгел жерінде 1910 жылы дүние келген. 1932 жылдан қызмет жолын бастаған. 1938 жылы «Тарақты» ауылдық советінің председателі болып қызмет жасады.
1941 жылы Ұлы Отан соғысы басталып, елге апат төнгенде, Мүрсәлім ата көппен бірге елін қорғауға аттанады. Соғыстан аман-есен оралып, отбасын құрады. Шәкира апай екеуі 12 бала тәрбиелеп өсіреді. Балаларының көбі жоғары білім алып, әр салада қызмет атқарады.
1946 жылдан бастап «Жосалы» ауыланда қызмет жасады. 1957 жылдан бері Лекер қажы ауылында қызмет жасап, бірнеше наградалармен марапатталған. 1988 жылы дүние салды.
Балташұлы Бейсенбай
1915 жылы 9 мамырда Павлодар облысы, Баянауыл аумағы «Желтау» өңірінде дүниеге келген. Еңбек жолын 1935 жылы «Сталин» колхозында механизатор болып бастаған. 1937 жылы әскер қатарына алынып, 1938 жылы Севастополь қаласынан Финляндия соғысына аттанады. Одан соң 1941-1945 жылдары Ұлы Отан соғысына қатысып, аман-есен жеңіспен елге оралады.
1946 жылдан бастап Лекер қажы ауылында жұмыс істейді. 1948 жылы отбасы құрады. Рәш апай екеуі сегіз бала тәрбиелеп өсіреді. 1949 жылдан 1956 жылға дейін «Жосалы-алтын руднигінде слесарь болы жұмыс істеді. 1956 жылдың тамыз айынан бастап Лекер қажы ауылында механизатор болып жұмыс істеді.
1975 жылы мамыр айында еңбек демалысына шығып, өмірінің ақырғы күніне дейін Лекер қажы ауылында тұрды. 1997 жылы қараша айында қайтыс болды.
Ералыұлы Нұрғали
1922 жылдың 14 наурызында «Шонай» орман шаруашылығының жұмыскері Ералы ақсақалдың шаңырағында Нұрғали аға дүниеге келген.
Баянауыл орта мектебінің 10-сыныбында оқып жүрген кезінде Ұлы Отан соғысы басталғанда Нұрғалы аға майданға алғашқылардың бірі болып аттанады. Курск түбіндегі шайқаста ауыр жараланып, госпитальге түседі. Елге 1-ші топ мүгедек болып, 1944 жылы мамыр айында оралады.
Ауданда, совхоздарда партия, кеңес органдарында біраз жыл еңбек етеді. 1954 жылы Қарағанды мемлекеттік институтының қазақ тілі мен әдебиет және тарих факультетіне түсіп, 1959 жылы бітіреді . 1959 жылдан бастап ұстаздық еңбегін бастайды. Лекер қажы ауылына 1968 жылы бастауыш мектеп меңгерушісі болып, жергілікті партия комитетінің председателі болып қызмет атқарған. Нұрғали атамыздың алдынан ондаған, жүздеген оқушылар білім алған. 1980 жылдың 30 қараша айында дүние салды.
Ыбырайұлы Мәмен
1922 жылы 9 мамыр Баянауыл ауданы, «Жосалы» совхозы Ақши бөлімшесінде дүниеге келген. Әкесі Ыбырай ұлына молда жалдап арабша оқытады. Матай ата 4-сынып оқып жүрген кезде, әкесі қайтыс болады.
1933 жылы Райисполкомда жұмыс істейді. 1938 жылы жазғы демалыс кезінде, балалар үйінде дүкенші болып қызмет істеген.
1941 жылдары соғыс кезінде Қазақстан жерінен Тюменьге сайман, тамақ таситын экспедитор болады. Соғыс аяқталған соң, 1948 жылы Петроповловскіде малдәрігерлік техникумын бітірген. 1951 жылы «Жосалы», «Бірлік» совхоздарында малдәрігері болып қызмет атқарған. 1963 жылдан Лекер қажы ауылында малдәрігері болып қызмет атқарған. «Еңбек ардагері» медальімен марапатталған. 1993 жылы 11 мамырда дүние салған.
Хабдылмәжит Хайруллин
1925 жыл Павлодар облысы Баянауыл ауданы №3 ауылда дүниеге келген. Ол 1941 жылы екінші дүниежүзлік соғыс басталғанда Баянауылдағы қазақ орта мектебін тәмандап жатқан кез болатын. 1943 жылдың ақпан айында көппен бірге ел қорғауға майданға аттанады. 18 жасар курсант алты ай мотоатқыштар полкінің 27-інші әуе-десанты бригадасының 8-інші дивизияның құрамында әскери жаттығудан өтіп, гвардияның аға сержанты әскери дәрежесін алады. 1943-1945 жылдары әуе-десенттық батальон командирінің көмекшісі болып тағайындалады.
Жаумен шайқаста өзінің әскери міндетін асқан жауапкершілікпен, әрі мінсіз орындайды. Ерлік ешқашан ұмытылмақ емес, батыр жауынгер Хабдылмәжит Хайруллин «1941-1945 жылдардағы Ұлы Отан соғысында Германнияны жеңгені үшін», «1941-1945 жылдардағы Ұлы Отан соғысындағы жеңіске 20 жыл» және басқа да мерейлі медальдармен марапатталды. Хабдылмәжит Хайруллин 1956-1966 жылдары Төртқұдық ТЭС-ында қойма меңгерушісі. 1967-1970 жылдары өз мамандығы бойынша Жосалыда, 1970-1973 жылдары Лекер ауылында есепші болып жұмыс істейді. Зейнетке шыққаннан кейін де еңбектен қол үзіп қалмады. Баянауыл ауданының өз орталығында, Лекер совхозында 10 жылдай мал шаруашылығымен айналысты. Ардагер Хабдылмажит Хайруллин 1986 жылы 61 жасында дүние салды.
Марапттары:
Медальдар:
«За победу над Германией в Великой Отечественной войне 1941 - 1945 гг»
«Двадцать лет победы в Великой Отечественной войне 1941 - 1945 гг.»
Нұрбайұлы Мәулен
05.05.1923 жылы туған 26. 06. 1993 жыл қайтыс болған.