Nye bøker

Ei avveksling frå skjermen

Lenge sidan du har lest dikt eller kanskje du er spesielt glad i lyrikk?

Då kan det vere verd å sjekke ut diktsamlinga Ho av Christine Kjellstrøm Melby, utgitt i år frå Samlaget.

Dikta i denne samlinga har tema som einsemd, kjærleikssorg og framandgjering. Sant nok trasige tema, men likevel noko dei fleste har kjent på. Melby set ord på vanskelege tankar og følelsar som ein kan kjenne seg att i. Samstundes har dikta hennar den kvaliteten at dei kan vere gåtefulle og gi ein noko å gruble på.

Sjølv om dikta ikkje gjer deg direkte glad, kan dei likevel gi motivasjon, for det er noko med det at når andre gir uttrykk for vanskelege følelsar, så blir dine eigne vanskelege følelsar litt mindre.