ວົງຈອນການພັດທະນາລະບົບ

ວົງຈອນການພັດທະນາລະບົບ (System Development life Cycle)

ວົງຈອນການພັດທະນາລະບົບ SDLC

      ການພັດທະນາຊອບແວ ຕາມປົກະຕິແລ້ວຈະປະກອບໄປດ້ວຍກຸ່ມກິດຈະກຳ 3 ສ່ວນ ຫລັກໆ ຄື ການວິເຄາະ (Analysis ), ການອອກແບບ (Design) ແລະ ການຳໄປໃຊ້ (Implementation) ເຊິ່ງກິດຈະກທັງສາມນີ້ ສາມາດໃຊ້ງານ ໄດ້ດີກັບໂຄງສ້າງຊອບແວ ຂະນາດນ້ອຍ ໃນຂະນະທີ່ໂຄງການຊອບແວ ຂະນາດໃຫຍ່ ມັກຈຳເປັນຕ້ອງໃຊ້ແບບ ແຜນ ການພັດທະນາຊອບແວຕາມແນວທາງຂອງ SDLC ຈົນຄົບທຸກກິດຈະກຳໂດຍປະກອບດ້ວຍ ໄລຍະຕ່າງໆດັ່ງນີ້

• ໄລຍະທີ່ 1 ການວາງແຜນໂຄການ(Project Planning Phase)

• ໄລຍະທີ່ 2 ການວິເຄາະ (Analysis Phase)

• ໄລຍະທີ່ 3 ການອອກແບບ (Design Phase)

• ໄລຍະທີ່ 4 ການນຳໄປໃຊ້ (Implementation Phase)

• ໄລຍະທີ່ 5 ການບຳລຸງຮັກສາ(Maintenance Phase)

ໄລຍະທີ 1 ການວາງແຜນໂຄງການ ( Project Planning Phase )

      ເປັນຂະບວນການພື້ນຖານໃນຄວາມເຂົ້າໃຈຢ່າງຖ່ອງແທ້ວ່າ ເປັນຫຍັງຕ້ອງສ້າງລະບົບໃຫມ່ ທິມງານຕ້ອງພິຈາລະນາວ່າ ຈະຕ້ອງດຳເນີນງານ ຕໍ່ໄປແນວໃດ ກ່ຽວກັບຂະບວນການສ້າງລະບົບໃຫມ່ ໃນບົດບາດຂອງນັກວິເຄາະລະບົບຕ້ອງສຶກສາເຖິງຂອບເຂດ ຂອງປັນຫາທີ່ ຜູ້ໃຊ້ລະບົບກຳລັງປະສົບປັນຫາຢູ່ ແລະ ຈະດຳເນີນການແກ້ໄຂແນວໃດ ສຶກສາເຖິຄວາມເປັນໄປໄດ້ວ່າ ລະບົບໃຫມ່ທີ່ຈະພັດທະນາຂຶ້ນມານັ້ນມີຄວາມເປັນໄປໄດ້ ແລະ ຄຸ້ມຄ່າທີ່ຈະລົງທຶນ ຫລື ບໍ່

ໄລຍະທີ 2 ການວິເຄາະ Analysis Phase

      ໄລຍະການວິເຄາະຈະຕ້ອງມີຄຳຕອບກ່ຽວກັບຄຳຖາມ ວ່າໃຜເປັນຜູ້ທີ່ໃຊ້ລະບົບ ແລະ ມີຫຍັງແດ່ ທີ່ຈະຕ້ອງເຮັດ ໃນໄລຍະນີ້ນັກວິເຄາະລະບົບຈະຕ້ອງດຳເນີນ ການໃນຂັ້ນຕອນຂອງການວິເຄາະລະບົບງານ ປະຈຸບັນ (Current System) ເພື່ອນຳມາພັດທະນາ ແນວຄວາມຄິດສຳຫລັບ ລະບົບໃຫມ່  (New System)

      ຈຸດປະສົງຫລັກຂອງໄລຍະການວິເຄາະຄື ຈະຕ້ອງສຶກສາ ແລະ ສ້າງຄວາມເຂົ້າໃຈໃນ ຄວາມຕ້ອງການຕ່າງໆ ທີ່ໄດ້ລວບລວມມາ ດັ່ງນັ້ນ ການລວບລວມຄວາມຕ້ອງການ (Requirements Gathering) ຈິ່ງຈັດເປັນງານສ່ວນພື້ນຖານຂອງການວິເຄາະລະບົບ ໂດຍ ຂໍ້ມູນຄວາມຕ້ອງການເຫລົ່ານີ້ ນັກວິເຄາະລະບົບ ຈະນຳມາວິເຄາະເພື່ອທີ່ຈະປະເມີນວ່າຄວນມີ ຫຍັງແດ່ທີ່ລະບົບໃຫມ່ຕ້ອງດຳເນີນການ ແລະ ດ້ວຍເຫດນີ້ເອງ ການກຳຫນົດລາຍລະອຽດກ່ຽວ ກັບຄວາມຕ້ອງການຂອງຜູ້ໃຊ້ (User Requirements) ຈະທະວີ ຄວາມສຳຄັນຫລາຍຂຶ້ນເປັນ ລຳດັບສຳຫລັບລະບົບທີ່ມີຄວາມສັບຊ້ອນສູງ ແລະ ນັກວິເຄາະລະບົບຕ້ອງເອົາ ໃຈໃສ່ກັບການ ລວບລວມຄວາມຕ້ອງການຈາກຜູ້ໃຊ້ ບໍ່ຄວນກຳນົດຄວາມຕ້ອງການຂຶ້ນເອງ ໂດຍໃຊ້ຄວາມ ຄິດ ສ່ວນຕົວຂອງຕົນເອງເປັນຫລັກ ຫລື ປະເມີນຄວາມຕ້ອງການ ຂອງຜູ້ໃຊ້ລະບົບບໍ່ເຂົ້າ ກັບ ຈຸດປະສົງ ແລະ ຫາກມີການພັດທະນາລະບົບຕໍ່ໄປຈົນແລ້ວ ລະບົບງານທີ່ໄດ້ ກໍ່ຈະບໍ່ກົງກັບ ຄວາມຕ້ອງການຂອງຜູ້ໃຊ້ລະບົບ ຢ່າງແທ້ຈິງ ເຮັດໃຫ້ຕ້ອງມີການປັບແກ້ ຫລື ປ່ຽງແປງ ພາຍຫລັງ

ໄລຍະທີ 3 ການອອກແບບ (Design Phase)

ເປັນການພິຈາລະນາວ່າ ລະບົບຈະດຳເນີນການໄປໄດ້ແນວໃດ ເຊິ່ງກ່ຽວຂອ້ງ ກັບຍຸດທະວິທີການ ຂອງການອອກແບບທີ່ວ່າດ້ວຍການຕັດສິນ ໃຈວ່າຈະພັດ ທະນາ ລະບົບໃຫມ່ດ້ວຍແນວ ທາງໃດ ເຊັ່ນ ພັດທະນາຂຶ້ນເອງ ຊື້ໂປແກມສຳເລັດຮູບ ຫລື ວ່າຈ້າງບໍລິສັດພັດທະນາລະບົບໃຫ້ ເປັນຕົ້ນ

ນອກຈາກນີ້ໄລຍະການອອກແບບຈະກ່ຽວຂ້ອງກັບການອອກແບບທາງສະຖາປັດຕະຍະກຳລະບົບ ທີ່ກ່ຽວຂ້ອງກັບອຸປະກອນ ຮາດແວຣ ຊອບແວຣ ແລະ ເຄືອຂ່າຍ, ການອອກ ແບບ ລາຍງານ (OutDesign) ການອອກແບບຫນ້າຈໍເພື່ອປະຕິສຳພັນກັບຜູ້ໃຊ້ (User Interface), ການອອກແບບຝັງງານລະບົບ (System Flowchart), ເຊິ່ງລວມເຖິງລາຍລະອຽດ ຂອງ ໂປແກມ (Specific Program) ຖານຂໍ້ມູນ (Database) ແລະ ຂໍ້ມູນທີ່ກ່ຽວຂ້ອງ ແນວໃດ ກໍ່ຕາມ ເຖິງວ່າ ກິດຈະກຳບາງສ່ວນຂອງໄລຍະອອກແບບນີ້ ສ່ວນໃຫຍ່ຈະຖືກດຳເນີນ ການໄປບາງ ສ່ວນແລ້ວ ໃນໄລຍະຂອງການວິເຄາະ ແຕ່ໄລຍະການອອກແບບ ນີ້ຈະມຸ່ງເນ້ນ ເຖິງການດຳເນີນການແກ້ໄຂປັນຫາແນວໃດ ຫລາຍກວ່າ ໂດຍການນຳຜົນຂອງ ແບບຈຳ ລອງທາງ logical model ທີ່ໄດ້ຈາການວິເຄາະມາພັດທະ ນາເປັນແບບຈຳລອງທາງ Physical Model

ສະຫລຸບໄລຍະຂອງການອອກແບບ ຈະປະກອບໄປດ້ວຍກິດຈະກຳຕ່າງໆດັ່ງຕໍ່ໄປນີ້

• ພິຈາລະນາແນວທາງໃນການພັດທະນາລະບົບ

• ອອກແບບສະຖາປັດຕະຍະກຳລະບົບ( Architecture Design)

• ອອກແບບຖານຂໍ້ມູນ (Database Design)

• ອອກແບບອິນພຸ໊ດ ( Input Design)

• ອອກແບບເອົ໋າພຸ໊ດ (Output Design)

• ອອກແບບ ສ່ວນຕິດຕໍ່ກັບຜູ້ໃຊ້ (User Interface)

• ສ້າງຕົ້ນແບບ (Prototype)

• ອອກແບບໂປແກມ (Structure Chart)

ໄລຍະທີ 4 ການນຳໄປໃຊ້ ( Implementation Phase )

      ໃນໄລຍະການນຳໄປໃຊ້ຈະເຮັດໃຫ້ລະບົບເກິດຜົນຂຶ້ນມາໂດຍການສ້າງລະບົບ ທົດສອບ ລະບົບແລະການຕິດຕັ້ງລະບົບໂດຍຈຸດປະສົງຫລັກຂອງກິດຈະກຳໃນໄລຍະນີ້ ບໍ່ແມ່ນພຽງແຕ່ ຄວາມຫນ້າເຊື່ອຖືຂອງລະບົບ ຫລືລະບົບສາມາດທຳງານໄດ້ດີເທົ່ານັ້ນ ແຕ່ຕ້ອງຫມັ້ນໃຈວ່າຜູ້ໃຊ້ ລະບົບຕ້ອງໄດ້ຮັບການຝຶກອົບຮົມເພື່ອໃຊ້ງານລະບົບ ແລະ ຄວາມຄາດຫວັງໃນອົງກອນທີ່ຕ້ອງ ການຜົນຕອບແທນໃນດ້ານດີກັບການໃຊ້ລະບົບໃຫມ່ ລຳດັບກິດຈະກຳຕ່າງໆ ທຸກກິດຈະກຳຕ້ອງ ເຂົ້າມາດຳເນີນການຮ່ວມກັນໃນໄລຍະນີ້ເພື່ອໃຫ້ລະບົບການປະຕິບັດງານລົງເອີຍເຖິງທີ່ສຸດ

ສະຫລຸບໄລຍະການນຳໄປໃຊ້ ຈະປະກອບມີກິດຈະກຳຕ່າງໆດັ່ງຕໍ່ໄປນີ້

• ສ້າງລະບົບຂຶ້ນມາດ້ວຍການຂຽນໂປແກມ

• ກວດສອບຄວາມຖຶກຕ້ອງທາງດ້ານ Verification

• ແປງຂໍ້ມູນ (Convert Data)

• ຕິດຕັ້ງລະບົບ (System Installation) ແລະ ສ້າງເອກກະສານຄູ່ມື

• ຝຶກອົບຮົມຜູ້ໃຊ້ ແລະ ປະເມີນຜົນລະບົບໃຫມ່

 ສໍາຫຼັບການສ້າງລະບົບ ຫຼື ການຂຽນໂປແກມນັ້ນ ສາມາດໃຊ້ວິທີການຂຽນໂປແກມດ້ວຍພາສາ ຄອມພິວເຕີ ເຊັ່ນ ການໃຊ້ພາສາ Visual Basic,JavaScript, Java ນອກຈາກນີ້ຍັງ ມີເຕັກ ນິກອື່ນໆເຊັ່ນເຄື່ອງ ມືໃນການພັດທະນາແອປພິເຄຊັ່ນ ເຊິ່ງເປັນຊອບແວທີ່ເປັນແຫລ່ງລວມຂອງ ເຄື່ອງມືຕ່າງໆ ຫລາຍໆ ທີ່ໃຊ້ ເພື່ອພັດທະນາແອບພິເຄຊັ່ນ ເຮັດໃຫ້ໂປແກມເມີ້ບໍ່ທຳງານຫນັກ ຄື ເມື່ອກ່ອນ ມີແຕ່ຮຽນຮູ້ ແລະ ປະຍຸກໃຊ້ ເຄື່ອງມືເຫລົ່ານັ້ນ ກໍ່ຈະສາມາດພັດທະນາ ລະບົບຂຶ້ນມາໄດ້ ຈະໃຊ້ເວລານ້ອຍ ໂດຍເຄື່ອງມືດັ່ງກ່າວຈະປະກອບມີ ພາສາເພື່ອການ ໂປແກມ ເຄື່ອງມືສ້າງອິເຕີເພສ ເຄື່ອງມືທົດສອບ ລວມເຖິງເຄື່ອງມືຊ່ວຍຕ່າງໆ

ໄລຍະທີ 5 ການບໍາລຸງຮັກສາ (Maintenance Phase)

ໄລຍະນີ້ຈະໃຊ້ເວລາຍາວນານ ທີ່ສຸດເມື່ອທຽບກັບໄລຍະອື່ນໆ ທີ່ຜ່ານມາ ເນື່ອງຈາກລະບົບຈະຕ້ອງໄດ້ຮັບການບຳລຸງຮັກສາ ຕະລອດໄລຍະເວລາທີ່ມີການໃຊ້ລະບົບ ສິ່ງທີ່ ຄາດຫວັງຂອງຫນ່ວຍງານກໍ່ຄື ຕ້ອງການໃຫ້ລະບົບໃຊ້ງານຍາວນານຫລາຍປີ ລະບົບສາມາດຮອງຮັບເທັກໂນ ໂລຊີໃຫມ່ໆ ໃນອະນາຄົດໄດ້ ດັ່ງນັ້ນໃນຊ່ວງໄລຍະເວລາດັ່ງກ່າວ ຈຶ່ງສາມາດທຳການເພິ່ມເຕິມຄວາມສາ ມາດຂອງລະບົບໃຫ້ມີປະສິດທິພາບສູງຂຶ້ນ ພ້ອມທັງການແກ້ໄຂປັບປຸງໂປແກມ ໃນກໍລະນີທີ່ເຫັນຂໍ້ຜິດພາດ

ສະຫຼຸບໄລຍະການບຳລຸງຮັກສາ ຈະປະກອບມີກິດຈະກຳຕ່າງໆດັ່ງຕໍ່ໄປນີ້

• ການບໍາລຸງຮັກສາລະບົບ ( System Maintenance )

• ການເພິ່ມເຕິມຄວາມສາມາດໃຫມ່ໆ ເຂົ້າໃນລະບົບ ( Enhance System)

• ການສະຫນັບສະຫນຸນງານຂອງຜູ້ໃຊ້ (Support the Users)