User Experience

UX ຫຼື User Experience ຄື ປະສົບການຂອງຜູ້ໃຊ້ງານໃນດ້ານຄວາມຮູ້ສຶກທີ່ຕອບສະຫນອງຕໍ່ການໃຊ້ງານຜະລິດຕະພັນ ຫຼື ລະບົບຕ່າງໆ ຍົກຕົວຢ່າງເຊັ່ນ ຄວາມສະດວກສະບາຍ ໃຊ້ງານງ່າຍ ຄວາມສະໜຸກສະໜານ ຈົນເກີດເປັນຄວາມພໍໃຈສູງສຸດ ຫຼື ເກີດປະສົບການທີ່ດີຂອງຜູ້ໃຊ້ງານນັ້ນເອງ

ສະນັ້ນໃນອີກທາງໜຶ່ງ User experience ຫຼື UX ມີການພັດທະນາມາຈາກຜົນຂອງການປັບປຸງ UI ເມື່ອມີບາງຢ່າງໃຫ້ຜູ້ໃຊ້ໄດ້ໂຕ້ຕອບກັບປະສົບການຂອງພວກທ່ານ ບໍ່ວ່າຈະເປັນແງ່ບວກ ລົບ ຫຼື ເປັນກາງ ສາມາດປ່ຽນວິທີທີ່ຜູ້ໃຊ້ຮູ້ສຶກກ່ຽວກັບການໂຕ້ຕອບເຫຼົ່ານັ້ນ UX ຈຶ່ງເປັນຈຸດທີ່ຕ້ອງພະຍາຍາມສຶກສາ ແລະ ເຮັດຄວາມເຂົ້າໃຈວ່າຜູ້ໃຊ້ງານຕ້ອງການຫຍັງ ແບບໃດພໍໃຈບໍ ກຸ່ມເປົ້າໝາຍມີໃຜດ້ວຍ ມີຫຍັງໜ້າສົນໃຈດ້ວຍ ຢ່າງລະອຽດ ເພື່ອໃຫ້ຕອບໂຈດກັບຜູ້ໃຊ້ງານຫລາຍທີ່ສຸດ ສະນັ້ນອາດປຽບໄດ້ວ່າ UX ຄື “ສາດແຫ່ງຄວາມພະຍາຍາມເຂົ້າໃຈຜູ້ອື່ນເພື່ອປະໂຫຍດອັນສູງສຸດ”

UX Design ຊ່ວຍຫຍັງເຮົາໄດ້ແດ່

User Experience Design (UXD) ສ້າງໃຫ້ເກີດຄວາມພຶງພໍໃຈຂອງລູກຄ້າຕໍ່ການໃຊ້ງານ ແລະ ທັງຫມົດເຖິງປະສົບການຕໍ່ຟັງກ໌ຊັ່ນການໃຊ້ງານການປະຕິສຳພັນຂອງການອອກແບບອີກດ້ວຍ ເຊິ່ງຄວາມສຳຄັນຂອງ UX Design ກໍຄືຄຳນຶງເຖິງປະສົບການຂອງຜູ້ໃຊ້ງານ ສິ່ງທີ່ຜູ້ໃຊ້ (User) ໄດ້ຮັບ ແລະ ລຽງກັນມາເປັນເລື່ອງລາວ ຫຼື Journey ທີ່ເອີ້ນວ່າ "User Experience" ຫຼື UX ນັ້ນເອງ

ຕົວຢ່າງຂອງການໃຫ້ຄວາມສຳຄັນກັບ UX ໃນດ້ານຕ່າງໆ

• Visual Design ຄື ການອອກແບບໜ້າຕາຂອງເວັບໄຊຕ໌ ອາດຈະໃຊ້ເທັກໂນໂລຢີຕ່າງໆ ເພື່ອຕົກແຕ່ງໃຫ້ສວຍງາມ ໜ້າໃຈງາມ ຫາກເປັນເວັບໄຊຕ໌ ສາມາດໃຊເທັກໂນໂລຢີຢ່າງ Bootstrap ເປັນຕົ້ນ

• Usability ຄື ການໃຊ້ງານໄດ້ງ່າຍ ເຊັ່ນ ສາມາດສະໝັກ ເຂົ້າໃຊ້ງານໄດ້ ຊັດເຈນ ບໍ່ສັບສົນ ບໍ່ຊັບຊ້ອນ ຫຼຸດໂອກາດຄວາມຜິດພາດທີ່ອາດຈະເກີດຂຶ້ນໄດ້ ເປັນຕົ້ນ

• Interaction Design ຄື ຮູບແບບການຕອບສະຫນອງຕໍ່ການໃຊ້ງານ ວ່າຈະເກີດຫຍັງຂຶ້ນເມື່ອເຂົ້າເມນູນີ້ ຫຼື ຄລິກທີ່ປຸ່ມນີ້ ຫຼື ປັດໜ້າຈໍຂອງ Apps ເປັນຕົ້ນ

• Accessibility ຄືການຮອງຮັບການເຂົ້າເຖິງໄດ້ຢ່າງບໍ່ມີອຸປະສັກ ເຊັ່ນ ສີຊັດເຈນ ມີຄຳອະທິບາຍ ຫາກໃຊ້ງານຜິດພາດ ເປັນໄປຕາມແນວທາງ Web Content Accessibility Guidelines (WCAG) ຂອງ W3C ເປັນຕົ້ນ

ຄວາມສຳຄັນຂອງ UX

• ຫຼີກລ້ຽງການນຳສະເໜີປຸ່ມຫຼືລິງກ໌ໃດໆ ທີ່ຈະເຮັດໃຫ້ຜູ້ໃຊ້ບໍ່ສົນໃຈທີ່ຈະສັ່ງຊື້-ຊຳລະເງີນ ແຕ່ໃຫ້ສະແດງຄຳກະຕຸ້ນການຕັດສິນໃຈໃນການຊຳລະເງີນ

• ໃຫ້ຄຳແນະນຳສະເພາະບຸກຄົນ ເຊັ່ນ ການຊື້ຜະລິດຕະພັນທີ່ເຈົ້າຊື້ກ່ອນໜ້ານີ້ ການເລືອກວິທີການຈັດສົ່ງທີ່ຕ້ອງການ ເປັນຕົ້ນ

• ສື່ສານຢ່າງຊັດເຈນ ສ້າງຄວາມໜ້າເຊື່ອຖື ຫາກການຊຳລະເງີນສຳເລັດແລ້ວ ຜູ້ຊື້ສາມາດໄດ້ຮັບສິນຄ້າເມື່ອໃດ ແລະ ການຄືນສິນຄ້າສາມາດເຮັດໄດ້ຢ່າງໃດ ເປັນຕົ້ນ