simba-aralan for Pre-Communicants

• LAYUNIN: 

Aral: Maunawaan ng mga bata na sa ika-apat na utos "Igalang Mo Ang lyong Ama At Ina", ang pangunahing masuyong paggalang sa mga magulang na kailangan para sa kabutihan ng pamilya at sambayanan (KPK 1050)

Asal: Maipadama ang pagmamahal, pagkalinga at respeto sa mga

Dasal: Buong pusong maisama sa pananalangin ang mga magulang at nakatatanda

• BALIK-ARAL:  Ano ang mga natatandaan sa nagdaang pag-aaral.

• PAHAYAG KRISTIYANO:

Ang presensiya ng Diyos ay ipinadadama sa atin sa pamamagitan ng ating mga magulang at mga nakatatanda sa simbahan, paaralan at komunidad na kumakalinga Sa atin. Kaya dapat lang natin silang suklian ng paggalang at pagmamahal. Matutunan sana natin na gumawa ng mabuti at maging masunurin sa ating mga magulang at nakatatanda. Sila din ay ating aalagaan sa kanilang pagtanda.

Mababasa natin sa Banal na Biblia ang utos na tayong mga anak ay dapat sumunod sa utos ng ating ama at ina, "Aking anak, utos nga ng ama mo ay sundin, huwag mong tatalikuran, ng inang giliw. Sa puso mo ay iukit at turo itanim mo sa isip" (Kawikaan 6:20-21). 

Hinihingi ng ikaapat na utos ang paggalang sa magulang mula sa bata at maging sa mga matatanda. Karaniwang turo ito sa Biblia. (KPK. 1021)

Ang ganitong pag-uugali ng paggalang sa magulang ang ipinakita ni Jesus kina Maria at Jose sa kanyang lingid na buhay nang patuloy na lumaki si Jesus. (KPK. 1022)

Ang masuyong paggalang ng mga anak sa mga magulang ay dapat ipagkaloob (KPK. 1051):

• Hindi dahil sa kanilang aktuwal na kakayahan kapakinabangan, o likas na kabutihang-asal kundi dahil sa kanilang pagiging magulang

• Hindi lamang para sa kabutihan ng bawat pamilya, kundi dahil sa kailangan ito para mismo sa sambayanan.

• Na magkapantay pareho sa ama at ina.

Ang pamilya, bilang pinagmumulan ng kalalagayan ng buhay ng tao ay maari tignan bilang (KPK. 1054):

• Isang tipanang ugnayan na itinatag ng Diyos mula sa paglikha, na nagpapakita ng higit sa pag-ibig pampamilya.

• Ang Simbahang-pantahanan na sa pamamagitan ng Binvag ay nakikibahagi sa Santatluhang Pakikipag-isa sa Pag-ibig ng Diyos, at nagsisilbing paaralan ng pagiging alagad at gawang-kabanalan ng Kristiyano.

Ang pangunahin at mahalagang bahagi ng lipunan, na kinasasaligan ng at nagpapalusog sa mabuting asal sa kapwa na kinakailngan para sa mismong lipunan.

PAGPAPAHALAGANG PANGKATAUHAN: Tanong at Sagot sa mga Sitwasyon

Sitwasyon - May mga bisitang dumating ang iyong mge magulang sa inyong bahay, ano ang iyong gagawin? 

Tanong 1: Ano ang inyong gagawin? 

Mga Posibleng Sagot:

1. pagmamano sa mga bisita 

2. paggalang at pagsagot ng "po" at "opo" 

Tanong 2: Anu-ano ang mga mabuting kaugalian na ipinapakita ng mga bata sa mga bisitang dumating?

PAGLALAHAT: Awitin ang "I Love You Tatay, I Love You Nanay, I Love You Ate, I love you Kuya. (Sa himig ng awiting "Buhay ng Kristiyano ay Masayang Tunay").