MENSAHE

OBISPO NG DIYOSESIS NG MALOLOS

Pagbati ng kapayapaan!

Isang kongkretong tugon sa hamon ng Taong Pastoral 2026 na may temang Ebanghelisasyon Tungo sa Integridad ay ang summer catechism. Layunin ng programang ito ang pagtuturo sa mga bata upang hubugin ang kanilang kaalaman sa pagsasabuhay ng ating pananampalataya.

Ang katekesis ay ang ""mag-akay tungo sa pagkakaisa kay Cristo: Siya lang ang mag-aakay sa atin na mahalin ang Ama, kasama ng Espiritu Santo at magbabahagi sa atin ng buhay ng Santisima Trinidad." (Katesismo ng Iolesia Katolika 427). Sa tulong ng katekesis, ipinapanalangin natin na ang mga bata ng ating Diyosesis ay makilala ang Ama, na puspos ng "kabutihan at pagmamahal sa lahat niyang mga anak," (KIK 239) gayundin na ang mga batang binyagan ay mas lalong maging kawangis ni Kristo sa kanilang isip, salita at gawa. Umaasa rin tayo na sa gabay ng Banal na Espiritu, ang pananampalatayang apostoliko y magbubunga ng kabanalan at kabutihan sa buhay ng mga batang ating huhubugin at tuturuan.

Bilang mga nakatatanda at guro nila sa pananampalatayang Katoliko, marapat lamang na bigyang-pansin natin ang kanilang paghubog at paglago sa pananampalataya, nang sa gayon ay mas lalong magningning sa kanilang mga sarili ang "bagong buhay kay Kristo' (KIK 1277) na kinamtan nila sa Binyag at pinatatatag ng biyaya ng iba pang mga sakramento.

Pinasasalamatan natin ang Pandiyosesis na Sentro ng Katekesis (PASKA), sa pangunguna ng kanilang direktor na si Reb. P. Enrico C. Crisostomo, sa kanilang pagsusumikap upang mailimbag ang mga aklat na ito na mga naglalaman ng mga araling pampananampalataya, Ipinaaabot din natin ang ating pagtanaw ng utang na loob sa mga kaparian ng ating Diyosesis, na siyang ating mga kamanggagawa sa pagtuturo at paggabay sa Simbahan, ang Bayan ng Diyos, ang Katawan ng ating Panginoong Hesukristo, ang Templo ng Espiritu Santo.

Sa tulong ng mga panalangin ni Maria, ang Inmaculada Concepcion, dalangin natin ang pagyabong ng buhay- pananampalataya rito sa ating Diyosesis, sa pamamagitan ng ating sama-samang pagsusumikap na ituro sa mga bata ang mga atas ng ating Panginoong Hesukristo.

<signed>

+Dennis C. Villarojo, DD

Obispo

Diyosesis ng Malolos

PAUNANG SALITA

Direktor ng Pandiyosesis na Sentro ng Katekesis ng Diyosesis ng Malolos

Ang tema ng Taong Pastoral 2026 sa ating Diyosesis ng Malolos ay Evangelization towards Integrity o Ebanghelisasyon tungo sa Buhay na Tapat at may Dangal. Isa sa mga pangunahing programa ng Diyosesis ng Malolos para magkaroon ng katuparan ang layuning ito ay ang summer catechism o ang pagtuturo sa mga bata na may edad 7-12 sa buong buwan ng Mayo, ang buwan ng Mahal na Birhen.

Bakit mga bata ang tuon ng Diyosesis? Mahal ni Hesus ang mga bata. Ang wika Niyay: "Pabayaan ang mga bata at huwag silang hadlangan sa paglapit sa akin'" (Mateo 19:14). Ang isang tunay na disipulo O tagasunod sa Diyos ay ang puso dapat na katulad ng isang bata,". sapagkat sa mga gaya nila nauukol ang kaharian ng Diyos." (Marcos 10:14)

Ang nilalaman at layunin ng mga malilit na libro o module ay ipinakikita ng dalawang pabalat ng Module A for Pre-Communicants at Module B for Post-Communicants.

Ang pabalat ay may larawan ng isang ina. Ang ina ay simbolo ng Simbahan na nagluluwal, nangangalaga at nagtuturo sa mga bata. Ito rin ay simbolo ni Maria bilang Ina ng Simbahan na nag-aalaga at nagtuturo sa kanyang mga anak, Mapapansin din na may litrato ng bata o mga bata (Module B). Ito ay naglalarawan sa mga Kristiyano na mga anak ng Diyos na nakikinig at tinuturuan ng Inang Simbahan. Makikita na ang bata ay masaya at akay-akay ng ina. Ang layunin ng Ebanghelyo ay ang kagalakan ng pagiging anak ng Diyos. Ayon sa yumaong Papa Francisco, "ang kagalakan ng Ebanghelyo ay pumupuno sa mga puso at buhay ng mga nakadaupang-palad si Hesus" (Evangelii Gaudium 1) Ang mga nilalaman ng unang libro ay ang mga pangunahing panalangin. Kasama rin dito ang pagkilala Sa Diyos bilang Ama na nagsugo ng Kanyang Bugtong na Anak at ng Espiritu Santo. Ang layunin ay matanggap ng mga bata si Hesus bilang kapatid sa pamamagitan ng unang pakikinabang Kapansin-pansin din sa pabalat (Module B) ang larawan ng isang pamilya. Sinisimbolo nito ang pamilya bilang isang malit na Simbahan. Nilalaman ng maliit na librong ito na

ang Simbahan ay Katawan ni Kristo at Templo ng Espiritu Santo. Tinatalakay rin dito ang mga sakramento O tanda na buhay na nagbibigay-biyaya sa Simbahan. At sa huli ay makikita sa librong ito ang mga utos ng Diyos at ang mga espirituwal o korporal na gawa ng awa ng Simbahan

Hindi magkakaroon ng katuparan ang gawaing ito ng pagbabalangkas ng module kundi dahil sa mga sumusunod: ang mga mag-aaral ng Pastoral Theology, ang Configuration Stage IV, Class of Saint Joseph of Cupertino , gayundin ang mga Configuration Stage I, Class of Saint Joseph, Foster Father of Jesus ng Immaculate Conception Major Seminary - Graduate School of Theology, sa mga Religious Catechists of Mary (RCM) sisters, sa mga katekista ng Diyosesis ng Malolos na nagbigay ng kanilang mga kontribusyon, kay Mr. Michael S. Yanga na tumulong na mag-edit sa mga module at kay Mr. Aris C. Bagtas sa kanyang mga likhang-sining na nagsilbing pabalat para sa mga aklat na ito.

<signed>

P. Enrico C. Crisostomo, SThD

Direktor-PASKA