Vor/SSG

Vinnuaðferðir:

• Útsaumur: Nemendur læra algeng útsaumspor (varpleggur, tunguspor, lykkjuspor, krosssaumur o.s.frv.), þau velja spor en eru einnig hvött til að sauma frjálsan saum. Þeim er kennt að byrja að sauma sporin og ganga frá endum.

• Litun og þrykking: umgengi og tækni við notkun mismunandi tegunda taulita kennd, svo sem hnútabatik, vaxbatik, stenslagerð og tauþrykk.

• Vélsamur: Þræðing, yfirþræðing rifjuð upp, kennt að spóla og þræða undirtvinna upp. Æfa að sauma miða við saumfót og sikksakka.

• Smyrna og/eða "progging": nemendur læra að smyrna eða nota “progging” aðferðina, sú aðferð er ensk (ekki er til íslenskt orð yfir hana,) en hún er svipuð smyrna aðferðin nema þar eru efnisafgangar nýttir í upphleyptan loðinn textílinn.

Kennsluaðferðir ofl.:

Helstu kennsluaðferðir í textílmennt eru verkleg- og sýnikennsla. Textílmennt er kennd 1x í viku, í 80 mín, í eina önn.

Verkefnin eru:

1. Við fyrsta verkefnið eru notaðar allavegna tvær vinnuaðferðir, útsaum eða taulitun, ásamt vélsauminum. Nemendur skreyta efni og velja sína megin skreytingaaðferð (þ.e. útsaum og/eða einhverskonar taulitun). Nemendur teikna sjálfir munstur eða velja tilbúin munstur eftir sínum áhuga- og hugarefnum. Síðan nýta nemendur skreytta efnið í vélsaumsverkefni, einhverskonar fylgihlut (púði, pennaveski, taska, hulstur eða lítið skart o.s.frv. ) Einnig má skreytingin standa ein og sér t.d. sem veggmynd.

2. Næsta verkefni er nytjahlutur ( lítil motta, púði eða álíka), þá búin til með smyrna eða “progging” vinnuaðferðinni, þau gera munstur eða einlitan flöt . Einnig er velkomið að skapa hlut sem þessar aðferðir kalla fram, sumir hafa gert leikræna hluti, grímu, hárkollu.

3. Valverkefni: Þegar tími og áhugi er fyrir hendi er rými fyrir auka- eða heimavinnu og þá er reynt að vinna út frá áhuga sem kviknar hjá nemendum.

Pinterest “Textíl í Hvassó” ( hugmyndabanki kennara og nemenda )