urdulib

اردو لائبریری

علم کی پیاس ہر انسان کی فطرت میں پائی جاتی اور زندگی کے مختلف پہلووں میں علم کی ضرورت ہر آدمی کو قدم قدم پر محسوس ہوتی ہے۔ دینی کتابیں علم کا ایسا لبریز خزانہ ہے جس کے مطالعہ سے انسان اپنی دینی اور علمی ضروریات کو پورا کرسکتا ہے، اپنی شرعی ذمہ داریوں کو ادا کرسکتا ہے اور معاشرے کی خدمت کرکے ان کو اللہ تعالیٰ کی معرفت، رسول اللہ (صلّی اللہ علیہ وآلہ وسلّم) کی معرفت اور حجتِ خدا کی معرفت حاصل میں تعاون کرسکتا ہے تاکہ لوگ اپنے دین سے گمراہ نہ ہوجائیں۔

علم اس قدر اہمیت کا حامل ہے کہ انسان کی ہدایت علم کے ذریعے ہوسکتی ہے۔ ادھر سے سوشل میڈیا جیسے جدید ذرائع فائدہ اور نقصان دونوں کے حامل ہیں۔ اس کے نقصانات اتنے زیادہ ہیں کہ معاشرے کے ہر فرد کو اپنی لپیٹ میں لیے جارہا ہے، لیکن دشمن اگرچہ اس سے غلط فائدہ اٹھا رہا ہے، مگر مومنین کرام اپنے ایمانی جذبے سے متاثر ہوکر اسی ذرائع ابلاغ سے اچھا فائدہ حاصل کرسکتے ہیں اور دوسروں کے لئے بھی اچھے فائدوں کے اسباب فراہم کرسکتے ہیں۔

عالم اسلام کی نئی نسل، فرض شناس روشن فکر حضرات اور دیگر تمام طبقات سے تعلق رکھنے والے افراد کی جانب سے اپنی تہذیب و ثقافت، سیاسی، اجتماعی اور قومی سرنوشت میں دلچسپی، عالمی استکباری قوتوں کی جانب سے شدید اور مسلسل نفسیاتی جنگ اور میڈیا یلغار کا مقابلہ کرنے کی ضرورت اور عالمی میڈیا پر استکباری نظام کے قبضے کے پیش نظر اسلامی تعلیمات کی حفاظت اور ان کے پرچار سے متعلق مسلمانان عالم کے دینی، سیاسی، قومی اور شرعی وظائف دوچندان ہوچکے ہیں۔ دوسری طرف انفارمیشن اور اس سے متعلق ٹیکنولوجیز کے روز بروز بڑھتے ہوئے پھیلاو نے جدید دنیا میں ترقی، ثقافتی گفتگو اور فوری اطلاع رسانی کا زمینہ فراہم کر دیا ہے۔

اسی مقصد سے عصر حاضر کے تقاضوں کو مدنظر رکھتے ہوئے قرآن کریم اور سیرت اہل بیت علیہم السلام کی تعلیمات کی ترویج اور نشر و اشاعت کے لئے علماء کرام کی دینی کتب تک رسائی کی سہولت اردو ڈیجیٹل لائبریری کے عنوان سے فراہم کی گئی ہے اور سائٹ urdulib.com کا اجراء کیا گیا ہے۔

اس ڈیجیٹل لائبریری میں اردو پی ڈی ایف کتابیں اور کالمز urdu books pdf, urdu library, کو شائع کیا جارہا ہے۔ اردو لائبریری کچھ علمائے قم کا علمی منصوبہ ہے جس کے ذریعے سے عوام کو دین کے بارے میں بنیادی معلومات اور روزمرہ زندگی میں پیش آنے والے مسائل کا حل قرآن اور اہل البیت (علیہم السلام) کی روشنی میں فراہم کیا جارہا ہے۔

اسلام اور مسلمانوں کی سرنوشت کے بارے میں احساس وظیفہ رکھنے والے قارئین سے توقع ہے کہ وہ اپنی جانب سے مفید مطالب، مقالات، خبریں، رپورٹس اور اسی طرح اپنی مفید تجاویز، انتقادات اور مشوروں سے نوازتے رہیں گے، تاکہ اس ویب سائٹ کو زیادہ سے زیادہ بہتر بنایا جاسکے۔ وظیفہ شناس علماء، ماہرین، تجزیہ نگاران اور اسکالرز کی جانب سے تعاون اور مدد اس ویب سائٹ کو زیادہ بہتر اور مفید بنانے میں انتہائی موثر ثابت ہوسکتا ہے۔

لوگ اپنی زندگی کو اسلامی طرزِ حیات کے مطابق ڈھالنے کے لئے یہاں سے رہنمائی حاصل کرسکتے ہیں، سوالات پوچھ سکتے ہیں اور پہلے سے شائع کیے گئے سوالات سے اپنی دینی معلومات میں اضافہ کر سکتے ہیں۔

تمام علم دوست مومنین سے گزارش ہے کہ اس علمی اور تحریری منصوبے کا سوشل میڈیا کے ذریعے لوگوں کو زیادہ سے زیادہ تعارف کروائیں تاکہ کثیر تعداد میں لوگ اس سے مستفید ہوسکیں۔

آپ اپنے کالمز، مضامین، کتب اور دیگر معیاری اور مستند تحریریں وحدت، مثبت تعاون اور عقل مندی کے ذریعے جدید دور میں عظیم اسلامی تہذیب و تمدن کے احیاء، تعمیر نو اور ترقی کے جلد از جلد تحقق پانے میں مددگار ثابت ہوں گے اور اس طرح عدالت اور معنویت کی پیاسی دنیا کو وحی محمدی صلی اللہ علیہ و آلہ وسلم کے پاکیزہ چشمے سے سیراب ہونے کا زمینہ فراہم کریں گے۔

شجاعت علی جعفری