Корякин Сергей Иванович 

Статус: Погибший
Дата рождения: 18.09.1996
Дата смерти: 22.05.2024
Место рождения: Намский улус, с.Намцы
Место смерти: Донецкая область, с.Старомайорское
Тип службы: Доброволец
Дети (кол-во): 3
Мирная профессия: Охранник

Позывной "Медведь", 394 полк, отряд Шторм, личный номер мт-19263

Корякин Сергей Иванович.

Корякиннар ыал улахан оҕолоро Корякин Сергей Иванович балаҕан ыйын18 күнүгэр 1996 сыллаахха күн сирин көрбүтэ. Ийэтэ Корякина Алена Васильевна, аҕата Корякин Иван Иванович.

2000 с. 4 саастааҕар «Хатыҥчаана» детсадка барбыта. 2003 с. Хатыҥ-Арыы орто оскуолатыгар үөрэнэ киирбитэ. Спортивнай күрэхтэргэ көхтөөхтүк кыттара, спорт көрүҥнэриттэн ордук сөбүлээн фудболунан дьарыктанара. Хатыҥ-Арыы орто оскуолатын 9 кылааһынан үөрэнэн бүтэрбитэ. Ол кэнниттэн Намнааҥы киэһээҥи (Вечернэй) оскуоланы бүтэрбитэ. 2014 с. олоҕун аргыһын – кэргэнин Айыынаны көрсөн, олус эрдэ, эдэр саастарыгар ыал буолбуттара.

Ыал буолаат аармыйаҕа повестка кэлэн, ытык иэһин төлүү инженернай войскаҕа сулууспалыы барбыта. Аармыйаҕа Сергей сүрдээх ситиһиилээхтик сылдьыбыта. Младшай сержант, взвод хамандыыра буолбута. Командование кинини сүрдээхтик сыаналыырын туоһутунан буолар, кинини бүттүүн Россия үрдүнэн байыаннай уокуруктар икки ардыларыгар ыытыллар улахан күрэхтэригэр, бүттүүн Забайкальскай байыаннай уокурук хамаандатын састаабыгар киллэрбиттэрэ, Москва куоракка 2 ыйы быһа сылдьыбыттара. Күрэххэ 3-с миэстэни ылбыттара. Командование Сергей төрөппүттэригэр  махталын тиэрдибитэ. Биһиги сүрдээҕин үөрбүппүт, Сергейинэн киэн туттубуппут.

Корякиннар дьиэ кэргэттэрэ үс кэрэчээн оҕоҕо күн сирин көрдөрбүттэрэ, элбэх оҕолоох ыал статуһун ылбыттара. Сергей бэйэтэ майгыта олус сымнаҕас, үтүө санаалаах, олоххо актыыбынай позициялаах, чугас дьонугар туох кыалларынан көмөлөһөр, үлэһит, барыга бары дьоҕурдаах этэ. Биһиги тэрилтэбитигэр, «Оҕо эйгэтин «Түөлбэтигэр», 2016 сылтан үлэлээбитэ. Үлэлии сылдьан былырыын 2023 сыл балаҕан ыйын 4 күнүгэр контракт түһэрсэн байыаннай дьайыыга барбыта. Балаҕан ыйын 1 күнүгэр кэлэн: «Мин СВО-ҕа бардым».- диэн эмискэччи этэн барыбытын соһуппута. Ол күн, коллектив барыта турунан, Сергейи атаарыы остуолун тэрийбиппит, алгыс тылбытын эппиппит. Аармыйаҕа ситиһиилээхтик сылдьыбыт, бэйэтигэр эрэнэ сананарбуолан байыаннай дьайыыга барбыт буолуохтаах.

Сергей Иванович биһиэхэ үлэлээбитин тухары, бэйэтин үчүгэй, эппиэтинэстээх үлэһит быһыытынан көрдөрбүтэ. Ханнык да үлэттэн чаҕыйан турбакка барытын толорон, үлэлээн иһэр этэ. Эдэр, күүһэ-уоҕа да баар буолан туох баар хара, ыарахан үлэни, охранниктыырын таһынан, толорон кэлбитэ. Ол курдук сайын аайы 100-тэн тахса оҕолоох лааҕырга ас таһара, завхоз да, рабочай да оруолун сүрдээх эппиэтинэстээхтик толороро. Коллективка түргэнник киирбитэ, коллегаларыгар өрүүтүн күүс-көмө буолара. Майгыта үчүгэй буолан бары кинини сөбүлүүллэрэ. Спортка коллектив хамаандатыгар куруутун баара, профсоюзнай күрэххэ баратыгар көхтөөхтүк кыттара, биһиги тэрилтэбит чиэһин элбэхтик көмүскээн турар.

Байыаннай дьайыыга сылдьар кэмигэр, Сергейга коллектив төһө кыалларынан көмө оҥорор этибит, дьиэ кэргэнигэр, бэйэтигэр даҕаны. Бэйэтэ кыра эрдэҕиттэн, үлэһит дьиэ кэргэҥҥэ мускуллан улааппыт буолан, барыны бары сатыыра. Дьонноро элбэх сүөһүлээх буоланнар, Сергей аҕатынаан сайыны быһа оттоон тахсаллара. Бэйэтин баҕа санаатын, дьиэ кэргэнин ыратын толорон 2 этээстээх дьиэ туттан киирбитэ. Ол дьиэҕэ ойоҕунаан, оҕолорунаан быр-бааччы олобуттара. Үлэҕэ. Техникаҕа сыһыаннаах, барыны барытын сатыыр, бэртээхэй хаһаайын буолан, дьон тэҥинэн олоҕо баран испитэ. Коллективка убаастанар этэ, ол курдук, дьоннор көрдөстүлэр эрэ болҕомтотугар ылан дьаһайан, көмөлөһөн иһэрэ. 27 эрэ сааһыгар улахан дьиэ кэргэн аҕа баһылыга буолбута, сүрдээх ис киирбэх, бөдөҥ-садаҥ, сиппит-хоппут көрүҥнээҕэ.

Оҕолоругар сүрдээх болҕомтолоох этэ, наһаа учугэйдик оҕолорун бүөбэйдээн, поликлиникаҕа көрдөрөрө, детсадка, оскуолаҕа бэйэтэ таһара. Ол курдук, эдэр дьиэ кэргэн этэҥҥэ дьаһаллан сылдьыбыттара. Сергейы биһиги бастыҥ үлэһит, эппиэтинэстээх, дьиэ кэргэн аҕа баһылыга, оҕолор амарах аҕалара уонна сүрдээх хаһаайыстыбаннай киһи быһыытынан сыаналыыбыт. Байыннай дьайыыга Аҕа дойдутун көмүскүү сылдьан, баар-суох эдэркээн олоҕун толук биэрбитэ олус хомолтолоох. Сергейбыт суох буолбутун туһунан военкоматтан бу дьыл сэтинньи 18 күнүгэр маннык кутурҕаннаах иһитиннэрии кэлбитэ: Гранатометчик мотострелкового отделения мотострелкового отдела (штурмовой) воинской части 25573 при выполнении специальных задач на специальной военной операции по демилитаризации и денацификации действующей власти на территории Украины, 22.05.2024 г. на южно-донецком направлении в ходе упорного удержания позиций погиб. Смерть наступила в период прохождения военной службы и связана с исполнением обязанностей военной службы. За мужество, отвагу и самоотверженность, проявленные при исполнении воинского долга, Корякину Сергею Ивановичу присвоен статус «Ветеран боевых действий».

Кэргэнэ – огдообо, 3 сыры-сыллатааҕы оҕолоро аҕата суох хааллахтара. Дьоҥҥо элэккэй сыһыаннаах буолан элбэх  доҕоттордоох этэ. Биһиги баарбыт тухары Сергей Ивановиһы өйдүү-саныы сылдьыахпыт. Тэрилтэбитигэр Уголок оҥорон кини туһунан үтүө өйдөбүлү иҥэрэргэ, кини туһунан үтүө өйдөбүлү иҥэрэргэ, кини холобурун иитэр-үөрэтэр оҕолорбутугар тиэрдэргэ кыһаныахпыт. Төрөөбүт-үөскээбит дойдуҥ – Намыҥ буора эйиэхэ сымнаҕас тэллэх, сылаас суорҕан буоллун, быдан дьылларга быраһаай, биһиги Сергейбыт!

Оҕо эйгэтин «Түөлбэтэ» тэрилтэ директора Н.Г.Дьячковская

Уонна бииргэ төрөөбүт балта (Корякина: Н.И.Донская