Саныырга ыарахан...
Саныырга ыарахан...
Анал байыаннай дьайыы кыттыылаа5а «Таас»- диэн позывнойдаах Марков Иван Николаевич.
Анал байыаннай дьайыы кыттыылаа5а «Таас»- диэн позывнойдаах Марков Иван Николаевич.
Мин, анал байыаннай дьайыы кыттыылааҕа Иван Николаевич Марков Нам улууһун, 1 Хомустаах нэһилиэгэр Сардана Кирсановна, Николай Реворьевич Марковтарга 2001 сыллаахха от ыйын 16 күнүгэр төрөөбүтүм. Оҕо сааһым төрөөбүт түөлбэбэр Хомустаахха ааспыта, аҕам сылгылаах буолан кыра эрдэхпиттэн аҕабын батыһа сылдьан сайынын сылгыларбытыгар оттуурбут, кыһынын дьиэбит таһыгар сылгы аһатарбыт. Аҕам миэхэ өрүү сүбэ-ама буолааччы, үөрэтээччи, “Тыаҕа таҕыстахха хайаан да сиргин-уоккун аһатар буол, айылҕаттан көрдөһө сырыт” – диэн. Дьэ, ол үөрэтиитэ Байыаннай эппэрээссийэҕэ тиийбиппэр сүрдээх күүс-көмө, абырал буолбута. Улаатан оскуоланы бутэрэн баран Дьокуускай куорат №16 промышленнай техникумҥа Слесарь-сантехник идэтигэр үөрэммитим, үөрэхпин бүтэрэн кэлээт аҕам дьиэ тутуунан дьарыктанара, ол биригээдэтигэр киирэммин аҕабын кытта үлэлээн саҕалаабытым. Өрөспүүбүлүкэбит араас улуустарыгар, нэһилиэктэригэр, дьон олорор алаһа дьиэлэрин тутан, үөрүүлэрин махталларын тэҥҥэ үллэстибиппит. Армия хас биирдии уолга наадалаах,ол аҕа иитиититтэн тутулуктаах, аҕам армия уол оҕоҕо наадатын туһунан наар кэпсиирэ. 2019 сыллаахха Ытык иэспин төлүү армияҕа барбытым. Забайкальскай кыраайга, Борзя куоракка 36-с туспа гвардейскай мотострелковай биригээдэзэ сулууспалаабытым. Сулууспалыыр кэммэр үс ый Чечня өрөспүүбүлүкэтигэр Грознайга командировкаҕа баран кэлбитим. Армия олоҕо диэн, туспа сокуоннаах быраабылалардаах буоллаҕа. Уол оҕо ханнык да балаһыанньаҕа, ыксаллаах түгэҥҥэ, Ийэ сири көмүскүүр, Аҕа дойдуга бэриниилээх буола иитиллэн, эриллэн, мускуллан олоххо көрүүтэ атын, бэлэмнээх буолар. Дьэ, ити курдук ытык иэспин төлөөммүн биир сыл службалаан дойдубар кэлбитим. Армияттан кэлээт куоракка үлэ булан үлэлээбитим, сайынын тахсан аҕабар оттоһооччубун. Биһиги өрүү иллээх-эйэлээх олоҕу эрэмиппит, ол эрэн 2022 сыллаахха Украина дойдутун кытта анал байыаннай дьайыы саҕаламмыта. Мин куоракка үлэлии сылдьаммын эр киһи Ийэ дойдутун көмүскүөхтээх диэн санааттан, бэйэм баҕа өттүнэн 2024 сыллаахха, тохсунньу 10 күнүгэр хантараак баттаабытым. Боотур - 12 этэрээтигэр киирэммин ый кэриҥэ бэлэмнэниини ааспытым, командирбыт “Злой” диэн позывнойдаах, этэрээппитигэр 15 киһи баара, бары кылгас уонна өйдөнүмтүө позывной ылыммыппыт, мин “Таас” - диэн позывнойдаммытым, олунньу ыйга Улан-Үдэ куоратыгар тиийэммит пулеметчик идэтигэр сүүрбэ хонуктаах үөрэҕи ,бэлэмнэниини ааһаммын Барс -2 этэрээтигэр киирэммин Украина сиригэр-уотугар Донецкай, Луганскай народнай Республикаҕа Херсон куоратыгар тиийбитим. Манна хайдах курдук кутталлаа5ын,ыараханын тиийэн эрэ баран билэ5ин, ол куттал адаптациятын ааһаҕын,өр баҕайы буолар,ол кэниттэн үөрэнэн хаалаҕын,күннээҕи түбүгүн курдук буолар Ытык иэс курдук ылынаҕын. Барс -2 этэрээппит хамандыыра Сеялов Георгий Гаврильевич позывнойа “Рекс” ,биһиги сыалбыт- сорукпут, инники кирбиигэ Кисловка, Ивановка, Тарасовка, Дубановка дэриэбинэлэригэр өстөөх киирбэтин, диэн улахан муостаны харабыллыыр , маныыр эбээһинэстээх этибит. Манна кэлэн өйдөөтүм фронт диэн сылаалаах,биир да мүнүүтэ ,сөкүүндэ да тохтообот үлэ эбитин, сүүһүнэн миэтэрэ уһуннаах окуопаны ,баар дьону барытын сэнэрээт сиэбэтин туһугар аҕыйах хаамыы буола -буола, өҕүллэн иһэр гына хаһабыт.Тыыннаах буолар туһугар буор бөҕө хаһыллар, утуйарга, сынньанарга тутуу бөҕө ыытыллар.Манна уопсайынан ,ханна да сэрэхтээх сир .Өйдөөбөккө сэрэҕэ суох биир сыыһа хамсаныыҥ тыыҥҥын быһаарар. Сахабыт Республиката Анал байыаннай дьайыы саҕаланыаҕыттан, гуманитарнай көмө үчүгэйдик оҥоһуллар, атын регион уолаттара ымсыыраллар этэ. Херсон куоракка бэйэм дойдубуттан Нам,1 Хомустааҕыттан сылдьар Колесов Диманы, Делиграсов Ильяны уолаттары көрсөн үөрүү-көтүү бөҕө буолбуппут,бу бириэмэҕэ Нам улууһуттан гуманитарнай көмө, посылкалар тиийбит этилэр, көмөнү Нам улууһун МТ баһылыгын солбуйааччыта Николаев Филипп Васильевич салайааччылаах делегация аҕалбыт, дьонум ыыппыт посылкаларын Филипп Васильевичтан тутаммын үөрүүм өссө үрдээбитэ, араас омук уолаттарын кытта биир өлүүгэ, биир сүтүүгэ сылдьаҕын, туох баарынан тиис-уос үллэстэҕин. Дьэ, сэриигэ ыарахан билиҥҥи үйэ сэриитин техниката дрон эмискэ кэлэн кыранаата тамныыр. Тула өттүгэр кэлэн түһэр миинэ сэнэрээт ахсаана да ааҕыллыбат, ким эрэ таптаран ыһыы-хаһыы, киһи тулуйбат дьулаан хартыыната...... Эдэр -эмэн уолаттар, табаарыстарбыт суох буолбуттара, бу курдук суруйарга, саныырга олус ыарахан. Мин Хантараагым бүтэн дойдубар этэҥҥэ, өлүөр эчэйиитэ суох эргиллэн кэлбитим. Төрөөбүт дойдубар дьоммор-сэргэбэр, ийэбэр, аҕабар, кинилэр быыстала суох көмөлөрүгэр, мин туспар сүрэхтиин-быардыын ыалдьаннар, алгыс ыытаннар тыыннаах эргиллэн кэлбиппэр махталым муҥура суох. Билигин Дьокуускай куоракка олоробун, үлэлиибин, тапталлаахпын көрсөн ыал буолбутум, кыра киһичээммитин күүтэбит. Өрүүтүн эйэлээх олох буоллун, оҕолорбут, сиэннэрбит сэрии ыар тыынын билбэтиннэр! Республикабыт, улууспут сайдарын туһугар туруулаһан үлэлиэхпит, кэлэр кэнчээри ыччаппыт кэскилин туһугар, эйэлээх олоҕу уһансыахпыт. Кыайыы биһиги туспутугар буолуоҕа
Мин, анал байыаннай дьайыы кыттыылааҕа Иван Николаевич Марков Нам улууһун, 1 Хомустаах нэһилиэгэр Сардана Кирсановна, Николай Реворьевич Марковтарга 2001 сыллаахха от ыйын 16 күнүгэр төрөөбүтүм. Оҕо сааһым төрөөбүт түөлбэбэр Хомустаахха ааспыта, аҕам сылгылаах буолан кыра эрдэхпиттэн аҕабын батыһа сылдьан сайынын сылгыларбытыгар оттуурбут, кыһынын дьиэбит таһыгар сылгы аһатарбыт. Аҕам миэхэ өрүү сүбэ-ама буолааччы, үөрэтээччи, “Тыаҕа таҕыстахха хайаан да сиргин-уоккун аһатар буол, айылҕаттан көрдөһө сырыт” – диэн. Дьэ, ол үөрэтиитэ Байыаннай эппэрээссийэҕэ тиийбиппэр сүрдээх күүс-көмө, абырал буолбута. Улаатан оскуоланы бутэрэн баран Дьокуускай куорат №16 промышленнай техникумҥа Слесарь-сантехник идэтигэр үөрэммитим, үөрэхпин бүтэрэн кэлээт аҕам дьиэ тутуунан дьарыктанара, ол биригээдэтигэр киирэммин аҕабын кытта үлэлээн саҕалаабытым. Өрөспүүбүлүкэбит араас улуустарыгар, нэһилиэктэригэр, дьон олорор алаһа дьиэлэрин тутан, үөрүүлэрин махталларын тэҥҥэ үллэстибиппит. Армия хас биирдии уолга наадалаах,ол аҕа иитиититтэн тутулуктаах, аҕам армия уол оҕоҕо наадатын туһунан наар кэпсиирэ. 2019 сыллаахха Ытык иэспин төлүү армияҕа барбытым. Забайкальскай кыраайга, Борзя куоракка 36-с туспа гвардейскай мотострелковай биригээдэзэ сулууспалаабытым. Сулууспалыыр кэммэр үс ый Чечня өрөспүүбүлүкэтигэр Грознайга командировкаҕа баран кэлбитим. Армия олоҕо диэн, туспа сокуоннаах быраабылалардаах буоллаҕа. Уол оҕо ханнык да балаһыанньаҕа, ыксаллаах түгэҥҥэ, Ийэ сири көмүскүүр, Аҕа дойдуга бэриниилээх буола иитиллэн, эриллэн, мускуллан олоххо көрүүтэ атын, бэлэмнээх буолар. Дьэ, ити курдук ытык иэспин төлөөммүн биир сыл службалаан дойдубар кэлбитим. Армияттан кэлээт куоракка үлэ булан үлэлээбитим, сайынын тахсан аҕабар оттоһооччубун. Биһиги өрүү иллээх-эйэлээх олоҕу эрэмиппит, ол эрэн 2022 сыллаахха Украина дойдутун кытта анал байыаннай дьайыы саҕаламмыта. Мин куоракка үлэлии сылдьаммын эр киһи Ийэ дойдутун көмүскүөхтээх диэн санааттан, бэйэм баҕа өттүнэн 2024 сыллаахха, тохсунньу 10 күнүгэр хантараак баттаабытым. Боотур - 12 этэрээтигэр киирэммин ый кэриҥэ бэлэмнэниини ааспытым, командирбыт “Злой” диэн позывнойдаах, этэрээппитигэр 15 киһи баара, бары кылгас уонна өйдөнүмтүө позывной ылыммыппыт, мин “Таас” - диэн позывнойдаммытым, олунньу ыйга Улан-Үдэ куоратыгар тиийэммит пулеметчик идэтигэр сүүрбэ хонуктаах үөрэҕи ,бэлэмнэниини ааһаммын Барс -2 этэрээтигэр киирэммин Украина сиригэр-уотугар Донецкай, Луганскай народнай Республикаҕа Херсон куоратыгар тиийбитим. Манна хайдах курдук кутталлаа5ын,ыараханын тиийэн эрэ баран билэ5ин, ол куттал адаптациятын ааһаҕын,өр баҕайы буолар,ол кэниттэн үөрэнэн хаалаҕын,күннээҕи түбүгүн курдук буолар Ытык иэс курдук ылынаҕын. Барс -2 этэрээппит хамандыыра Сеялов Георгий Гаврильевич позывнойа “Рекс” ,биһиги сыалбыт- сорукпут, инники кирбиигэ Кисловка, Ивановка, Тарасовка, Дубановка дэриэбинэлэригэр өстөөх киирбэтин, диэн улахан муостаны харабыллыыр , маныыр эбээһинэстээх этибит. Манна кэлэн өйдөөтүм фронт диэн сылаалаах,биир да мүнүүтэ ,сөкүүндэ да тохтообот үлэ эбитин, сүүһүнэн миэтэрэ уһуннаах окуопаны ,баар дьону барытын сэнэрээт сиэбэтин туһугар аҕыйах хаамыы буола -буола, өҕүллэн иһэр гына хаһабыт.Тыыннаах буолар туһугар буор бөҕө хаһыллар, утуйарга, сынньанарга тутуу бөҕө ыытыллар.Манна уопсайынан ,ханна да сэрэхтээх сир .Өйдөөбөккө сэрэҕэ суох биир сыыһа хамсаныыҥ тыыҥҥын быһаарар. Сахабыт Республиката Анал байыаннай дьайыы саҕаланыаҕыттан, гуманитарнай көмө үчүгэйдик оҥоһуллар, атын регион уолаттара ымсыыраллар этэ. Херсон куоракка бэйэм дойдубуттан Нам,1 Хомустааҕыттан сылдьар Колесов Диманы, Делиграсов Ильяны уолаттары көрсөн үөрүү-көтүү бөҕө буолбуппут,бу бириэмэҕэ Нам улууһуттан гуманитарнай көмө, посылкалар тиийбит этилэр, көмөнү Нам улууһун МТ баһылыгын солбуйааччыта Николаев Филипп Васильевич салайааччылаах делегация аҕалбыт, дьонум ыыппыт посылкаларын Филипп Васильевичтан тутаммын үөрүүм өссө үрдээбитэ, араас омук уолаттарын кытта биир өлүүгэ, биир сүтүүгэ сылдьаҕын, туох баарынан тиис-уос үллэстэҕин. Дьэ, сэриигэ ыарахан билиҥҥи үйэ сэриитин техниката дрон эмискэ кэлэн кыранаата тамныыр. Тула өттүгэр кэлэн түһэр миинэ сэнэрээт ахсаана да ааҕыллыбат, ким эрэ таптаран ыһыы-хаһыы, киһи тулуйбат дьулаан хартыыната...... Эдэр -эмэн уолаттар, табаарыстарбыт суох буолбуттара, бу курдук суруйарга, саныырга олус ыарахан. Мин Хантараагым бүтэн дойдубар этэҥҥэ, өлүөр эчэйиитэ суох эргиллэн кэлбитим. Төрөөбүт дойдубар дьоммор-сэргэбэр, ийэбэр, аҕабар, кинилэр быыстала суох көмөлөрүгэр, мин туспар сүрэхтиин-быардыын ыалдьаннар, алгыс ыытаннар тыыннаах эргиллэн кэлбиппэр махталым муҥура суох. Билигин Дьокуускай куоракка олоробун, үлэлиибин, тапталлаахпын көрсөн ыал буолбутум, кыра киһичээммитин күүтэбит. Өрүүтүн эйэлээх олох буоллун, оҕолорбут, сиэннэрбит сэрии ыар тыынын билбэтиннэр! Республикабыт, улууспут сайдарын туһугар туруулаһан үлэлиэхпит, кэлэр кэнчээри ыччаппыт кэскилин туһугар, эйэлээх олоҕу уһансыахпыт. Кыайыы биһиги туспутугар буолуоҕа
Иван Марков -Таас
Иван Марков -Таас
Олунньу ый, 2025
Олунньу ый, 2025
