Ọ̀nìyọ̀n Lásọ́n
Ẹ̀wẹ̀n gbọ́ owùn mi néréùn Ìjẹ̀bú, eréùn wèé rìí yùn, èdè yíyùn rèé, ẹ gbọ́ owùn mi
Ùwọ jáde
Ùwọ jáde nátọkàn mí
Éè súrun náyé mi rìí ḿ lè ṣe
Ojú ẹ wà nọ́kàn mi, ọ̀ọ̀yọ̀n wèé
Bí éè sọ́kùnrẹn mìírẹ̀n nálẹ̀de ká wà wèé
Nígbà kí m bá sù
Màá jí rójú ẹ nérò mí
Irọn ẹ, ẹrun ẹ, ara ẹ
Jáde nátèrò mi, ẹ jọ̀ọ́
Mo fẹ́ nẹ́ ọ̀wọn èrò mìírẹ̀n
Kí m bá lè nẹ́ wọn
Mo mọ̀ fọ ara yíyùn kẹ́ nẹ́
Ṣùgbọ́n, mí ì fẹ́ ẹ mọ́
Wo lọ nátèrò mi, ẹ jáde kíá
Ùwọ jáde
Ùwọ ti bẹ̀rẹ̀
Ùwọ ti bẹ̀rẹ̀
Ṣé wo mọ̀ ọ́n?
Wíwò ré
Ùwọ ti bẹ̀rẹ̀
Mí ì mọ orúkọ ẹ
Mí ì mọ irunkírun nípa ùwà ẹ
Ṣùgbọ́n, mo mọ̀ fọ ojú ẹ máa ḿ wò mí
Kúdìí kó o mí ṣe é? Ẹ sọ fún mi
Mò mí wá ùdí yẹn
Mo rí ẹ, irọn ẹ
Dede urun kí wo nẹ́
Ùbírọ̀ mi ré,
Ṣé wo nẹ́fẹ̀ẹ́ fún mi?