Este curso ofértanse de novo mobilidades en grupo e individuais de longa duración. Pódense consultar as bases da convocatoria e os requisitos de cada mobilidade no  ou a través da seguinte ligazón:

Mobilidades Erasmus+ para o alumnado - Curso 2025-2026   

O prazo de presentación de solicitudes remata o 18 de decembro de 2025. 

Un grupo de 4 alumnos do departamento de inglés fixeron unha inmersión lingüística na Lahden Kansanopisto de Lahti (Finlandia), asistindo a diversas aulas en inglés. Estiveron acompañados pola profesora Blanca Sánchez.

Esta mobilidade Erasmus+ en grupo está asociada a un proxecto eTwinning " Roman Footprint Across Borders" que se está a desenvolver durante este curso na escola. O profesorado que o lidera: Nancy Casielles, Patricia Conde e Vania Rodríguez xunto co seu alumnado están levando a cabo diversas actividades. 

O proxecto rematará coa mobilidade á cidade de Diyarbakir en Turquía, a un centro educativo co que se está colaborando neste proxecto eTwinning.

A alumna Antía Iglesias Iglesias comeza a mediados de abril a súa mobilidade de longa duración a Kalamata (Grecia), onde estará  ata o mes de xuño. Os nosos mellores desexos para esta estancia ilusionante.

A alumna Nakary Jacqueline Silva Ochoa comeza a mediados de febreiro a súa mobilidade de longa duración a Kalamata (Grecia), onde estará  ata o mes de abril. Os nosos mellores desexos.

Comparte connosco unha presentación sobre a súa estancia.

As mobilidades para o noso alumnado esixen unha labor previa por parte do equipo Erasmus+ da Escola Oficial de Idiomas de Ourense. É por iso que cada mobilidade leva consigo unha visita preparatoria da mesma para establecer o programa a desenvolver na estancia do noso alumnado e onde se fixen con claridade todas as actividades e os obxectivos de aprendizaxe de dita mobilidade.

VP 1: Ankara - Turquía

VP 2: Universidade Senior - Rio Maior

VP3: Volkshochschule - Rostock

VP4: Canyaka Halk Egitimi Merkezi Ve Aksam Sanat Okulu - Turquía

VP5: Lahden kansanopisto - Lahti

Ademáis este ano vamos ser centro anfitrión de mobilidades Erasmus+,  feito que da lugar a recibir profesorado en visita preparatoria para organizar o programa da estancia para o alumnado que nos visita.

No marco do proxecto acreditado Erasmus+ (2025-1-ES01-KA121-ADU-000323352) que a EOI de Ourense está a implementar e, coa finalidade de mellorar a competencia dixital da nosa comunidade educativa, dous expertos invitados turcos: Dr. Yunus Emre Avcu e Kemal Yildiz estiveron na escola para impartir un seminario sobre as aplicacións da realidade virtual na aula. Este seminario estivo aberto a todo o alumnado e impartíuse en duas quendas, unha de mañá e outra de tarde. 

Ademáis, tamén impartiron na propia EOI un curso para profesores organizado polo CFR de Ourense: "Ferramentas inmersivas de realidade virtual para o esino de linguas estranxeiras".

Queremos agradecer ao Centro Integrado de Formación Profesional A Carballeira - Marcos Valcárcel a colaboración connosco facilitándonos material para levar a cabo este curso.

As profesoras do departamento de alemán Montserrat Gregorio Gregorio e Carmen Rodríguez Alonso fixeron unha formación en Viena (Austria) que tratou o tema da inclusión. 

As profesora do departamento de inglés Alicia Del Río Caamaño fixo un curso en Lisboa (Portugal) que tratou o tema da Intelixencia Artificial.