Langt inne i den vakre Hjørundfjorden på Sunnmøre ligg Leira. Det må vel vere ein av dei siste fjordane på Vestlandet som ikkje har veg langs sjøen. Hit har pionerane blandt tindeklatrar og Kongar og Keisar reist for å nyte landskapet.
Frå kommunesenteret, Volda, tek det 35-40 minutt å køyre til veg ende, hit til oss.
Når du kjem ut av den omlag 2 km lange Leiratunnellen er du på Leira, med kaia og naustet til garden nærmast den. Den kommunale vegen vidare opp til garden svingar seg fint oppover hundre høgdemeter til du ser ein lang raud låve med eit stort bilete av ei geit. Då er du framme!
Utsikt frå kjøkkenvinduet ved eit skjeldan turistskipbesøk