TAREFA

E diredes todos e todas, “como imos manter vivo o espírito da comida tradicional galega?”, pois nada máis e nada menos que converténdovos en expertos/as cociñeiros/as.

A tarefa consistirá en elaborar un menú tradicional galego, pasando polas fases que pasa un cociñeiro á hora de facelo. Teremos en conta o valor saudable dos alimentos que xa vimos con anterioridade. Recordades a pirámide alimenticia?

Para levar a cabo esta tarefa dividirédesvos por grupos de 6 persoas, dependendo sempre do número de alumnos e alumnas que hai en total na clase. Á súa vez, cada grupo dividiráse por parellas, pois cada parella teredes unha función, e todos/todas xuntas elaboraredes un posible menú tradicional galego.

Tede en conta que é primordial que traballades en equipo, é importante tamén que vos comuniquedes ben entre vos. O menú pode ser como vos queirades, pero recordade, ten que ser saudable!

De seguro seredes uns/unhas excelentes cociñeiros/as!