Sesión na que nos adicamos a recopilar e valorar as cualidades diferenciadoras dunha morea de ferramentas útiles durante a corentena:

• Sistemas de videoconferencia

• Ferramentas de asistencia remota de ordenadores e móbiles

• Apps para converter o móbil nunha cámara web

• Sincronización de vídeos a distancia

• Outros recursos de interese

Jitsi Meet é a nosa elección á hora de planificar videoconferencias debido a:

• Software libre, de código aberto e de balde

• Non require rexistro e a instalación non é obrigatoria

• Funcións avanzadas coma retransmisión de vídeos de YouTube, emisión en directo, gardado na nube e compartir escritorio

TeamViewer é a nosa elección de cara á asistencia remota por ofrecer funcións avanzadas de forma moi sinxela e de balde:

• Asistencia multiplataforma: ordenadores, móbiles, tablets ou televisións intelixentes

• Non require rexistro nin instalación, excepto no móbil/tablet

• Asistencia con videoconferencia

• Opcións avanzadas con rexistro e instalación

Aínda que falamos de varias aplicacións que nos permiten converter o noso móbil nunha cámara web, eliximos DroidCam porque é o término medio entre:

• Versión de balde con opcións avanzadas

• Funcionamento sinxelo

Se pensamos en videoconferencias dende o móbil podemos atopar unha morea de opcións de gran calidade, pero neste curso centrámonos nas tres aplicacións que predominan en todos os móbiles por vir preinstaladas ou ser aplicacións que todo o mundo ten:

• WhatsApp

• Facebook Messenger

• Google Duo

AnyDesk converteuse nunha gran alternativa a TeamViewer e cremos necesario profundizar no seu uso porque:

• Versión de balde

• Programa e aplicación moi lixeiros

• Funcións avanzadas e de fácil uso

• Non require instalación nun ordenador nin rexistro de usuario

GetScreen.me pode ser unha boa opción á hora de controlar a distancia ordenadores (non dispositivos móbiles) porque:

• Versión extremadamente básica e sinxela

• Non require instalación, só descarga no equipo que se vai controlar

• O equipo controlador accede dende unha web

• Non require rexistro

• Potencial futuro, pois é unha ferramenta moi nova