Para rematar de entender a función de nutrición tócanos ver neste tema os sistemas circulatorio e excretor
Quédanos por saber como funciona ese sistema circulatorio polo que viaxan gases, nutrientes e substancias de refugallo. Algunha idea? En relación con isto son moitas as cuestións que poden espertar a vosa curiosidade:
Cal é a causa dos infartos? Por que poden aparecer varices? Por que algunhas persoas poden vivir en altitude?
E por outro lado, como formamos os ouriños? Sabedes que teñen a súa orixe nunha filtración do sangue que ten lugar nos riles? E que a súor é tamén sangue filtrado? Ou que os glóbulos vermellos que xa non funcionan ben os eliminamos grazas ao fígado?
Trataremos estas e outras cuestións ao longo deste tema.
Algúns artigos curiosos da National Geographic
Exercicio ampliado do percorrido dun glóbulo vermello por todo o sistema circulatorio
Se abrides o documento veredes que a primeira páxina entrou no exame anterior.
Na segunda tedes dous dos exercicios que haberá no exame. Recordade que o percorrido do glóbulo vermello o podedes explicar, no exame, mediante o esquema que fixemos no encerado.
- Nova do curso pasado -
Iker Casillas sofre un infarto de miocardio
Por que se produce un infarto? Como se trata? Podedes resolver dúbidas cos seguintes enlaces:
Infarto de miocardio. Mayo Clinic
Por que sufrimos un infarto? Explicación dun médico
PUNTOS IMPORTANTES PARA O EXAME
1. Composición do sangue e funcións (páx. 66). Debedes de coñecer cales son os tres tipos de células sanguíneas e saber cal é a función de cada unha (non é necesario estudar os tipos de glóbulos brancos que aparecen no libro: neutrófilos, basófilos, eosinófilos, monocitos e linfocitos). Tamén entran as funcións do sangue.
2. Tipos de vasos sanguíneos (páx. 67). Coñecer os 3 tipos principais: arterias, veas e capilares, ademais das vénulas e arteríolas. Só é necesario saber que as arterias teñen paredes máis resistentes para soportar a presión coa que o sangue sae do corazón, as venas válvulas para favorecer o retorno do sangue ao corazón e os capilares unha soa capa de células, xa que interveñen no intercambio gasoso.
3. Partes do corazón (páx. 68). As podedes estudar directamente do boletín. A maiores tedes que saber que as arterias coronarias achegan nutrientes e osíxeno ao corazón, para que as súas células funcionen, e que as válvulas mitral, tricúspide, pulmonar e aórtica permiten que o fluxo do sangue sexa unidireccional.
4. Ciclo cardíaco (páx. 69). Tedes que saber que dito ciclo componse de sístole auricular e ventricular (contracción) e diástole (relaxación) e, máis especificamente, debedes coñecer que acontece nas tres fases. Estes movementos do corazón producen os coñecidos ruidos cardíacos. Ditos ruídos poden ser anormais (sopros) cando as válvulas non funcionan correctamente, ben porque non se pechan totalmente ou porque son estreitas e ríxidas.
5. Dobre circulación (páx. 70). Chega con saberse o esquema do boletín que fixemos no encerado.
Páxinas 71, 72 e 73. Só ler, non entrarán no exame, mais son culturilla xeral!
6. Medio interno. Sistemas circulatorios sanguíneo e linfático (páx. 64 e 65). Deberiades coñecer a relación e comunicación entre o sistema linfático e sanguíneo; saber que o linfático está formado por ganglios, vasos e capilares; entender o importante papel do sistema linfático retirando o exceso de líquido intersticial (a partir do cal forma a linfa); e saber que a maiores o linfático cumple funcións defensivas (importante o papel dos ganglios neste aspecto) e intervén no transporte das graxas.
7. Partes do sistema excretor (páx. 74). Podo poñer a imaxe da páxina 74, ou outra similar, con frechas para que indiquedes o nome de cada parte. Debedes saber que chega pola arteria renal e que sae á vea renal e, ademais, podo preguntar a función de uréteres, uretra e vexiga. Por último debedes coñecer que pulmóns, fígado e glándulas sudoríparas cumplen tamén funcións excretoras.
8. Formación dos ouriños (páx. 75). Ademais de explicar brevemente os procesos de filtración e reabsorción, podo poñer unha imaxe da nefrona para que indiquedes que a nefrona é a unidade funcional dos riles e señaledes catro partes importantes: capilares, cápsula de Bowman, túbulo renal e tubo colector.
Páxinas 76 e 77. Só ler, non entrarán no exame, mais son culturilla xeral!
Instruccións para estes días de confinamento
Boas a tod@s!
Fixen un boletín para repasar o último tema vimos "Sistemas circulatorio e excretor" e do que os íades a examinar luns 16 e martes 17. Está xusto debaixo desta mensaxe. Debedes respostar ás cuestións nun documento de Google Docs e mandarmo ao correo unha vez o rematedes. É importante facelo, pois non sei se poderei facervos o exame esta avaliación. De facelo collería preguntas de dito boletín, de maneira que @s que o fagan repasarían para o exame, ou, de prolongarse o confinamento, podería plantexarme non facer proba escrita se tod@s completades ben as cuestións.
Con 3ESOB quedaron algunhas cousas por ver, pois tiñamos que rematalas o venres 13, cando a asistencia xa era voluntaria. Por este motivo, ademais de revisar as diapositivas co libro para respostar ao boletín, subirei dous vídeos de reforzo, un sobre a formación da linfa e outro sobre a formación dos ouriños.
Para a semana próxima subirei o tema de saúde e enfermidade. Pensaba dar primeiro o reprodutor, pero dado a situación que estamos vivindo por un virus, paréceme máis axeitado comezar este tema. Polo tanto teredes que comezar a ver a Unidade 5. Saúde e enfermidade. Pedirei un traballo sobre o coronavirus para o comezo da terceira avaliación, polo que deberiades recopilar a información médica e científica que vai saíndo estes días. Para facer xa a semana próxima tedes subidos tres artigos sobre diferentes enfermidades para que os comentedes e propoñerei un xogo, para que os poñades na pel dun responsable sanitario co cometido de controlar a malaria nun poboado africano. Consultade a Unidade 5 para realizar estas tarefas.
Calquera dúbida sabedes que podedes escribirme, sen ningún problema, a arantxa.fernandez.grove@gmail.com. En caso necesario ata podo mandarvos un audio nun correo. Tamén podemos empregar a ferramenta Hangouts e chatear entre nós. Aínda que esteamos nas nosas casas estamos en contacto para axudarvos :) Poñedevos en contacto co profesorado para o que necesitedes please!
Nada máis polo momento. Toca quedarse en casa e facer cousiñas. Estade tranquil@s, descansade e traballade tamén. O virus que estamos intentando frenar non é perigoso, non presenta unha alta mortalidade, pero, sabedes que transmítese de maneira fácil. Estanse suspendendo moitas consultas e cirurxías non urxentes. Debemos protexer aos grupos de risco e non saturar a sanidade. Moitos besiños e abrazos para tod@s.
Boletín de repaso
Este é o boletín que tedes que completar sobre este tema.
Recordade a importancia da facelo, pois, de haber proba escrita escollerei unha serie de cuestións del. Se entregades tod@s e vexo que hai esforzo pola vosa parte poderiamos non facer exame. O deixo nas vosas mans.
Formato de entrega: envío das respostas nun documento de Google Docs ao correo arantxa.fernandez.grove@gmail.com
Data de entrega: domingo 22 de marzo
Vídeos de reforzo sobre a formación da linfa e os ouriños
2010-linfedema.pdfPóster de reforzo sobre o sistema linfático
Como algúns/has estades preguntándome sobre a formación da linfa e, realmente, é a parte máis complexa do tema, deixo por aquí esta imaxe. Fixádevos na parte esquerda, na cal, mediante 4 pasiños, explícase a formación e o percorrido da linfa. Ademais tamén podedes fixarvos no recadro gris, onde figura que é un linfedema, acumulación de líquidos nos tecidos que comentamos en clase.