Ko ꞌai au?

Ko Maine Matapo (Bene) au. E tamaine Akatokamanava au. Utuutu ia ngaki ia e toku nga metua koia a Pokoina e Matapo Tamaka. Kua takake atu toku metua vaine, te tamariki rai matou. E varu oku mataiti. Na to matou Papa i utuutu mai ia matou e mapu uatu matou ko toku nga tungane e toku tuakana.

I teia ra e puapii taku angaanga moni. E apii ana au ki te apii, Apii Mauke. Kua mataora au no te mea te angaanga nei au i Mauke. E umuumu ua ana rai au kia oki au ki toku ipukarea, i te tauturu i toku iti-tangata.

E manganui uatu rai toku manakonakoanga no runga i taku angaanga. Teia tetai karoanga; ka inangaro au kia akamata ia tetai are korero i Mauke no te tuanga o te peu e te akonoanga e rave ia ana i Mauke. Ko tetai tuanga koia oki ko te reo Maori (Mauke) tikai. Kia kite te uki o teia ra e eaa tikai ta tatou kupu no tetai pakau, me kare manako.

Meitaki.