Навіны

На карце вялікага свету

Яна як кляновы лісток,

Песня гарачага лета,

Крынічнай вады глыток.

Васіль Вітка

Вынікі конкурсу сеткавых праектаў "Мы - беларусы!"

4 чэрвеня адбылося фінальнае мерапрыемства конкурсу і ўзнагароджанне пераможцаў.

Гран-пры конкурсу атрымала каманда «Бусляняты» (навучэнцы Гімназіі №4 імя Д.У. Казакевіча горада Гродна).

Дыплом I ступені атрымала каманда «Маналiт» (Андрэй Сіплівеня, студэнт ГрДУ імя Янкі Купалы).

Дыплом II ступені заваявалі каманда «Матэматыкі» (студэнты 3 курса факультэта матэматыкі і інфарматыкі: Максім Забароўскі, Ульяна Войдак, Паліна Кухарэвіч, Сцяпан Савіцкі і Дзяніс Ванэлік) і каманда «Акцэнт кахання» (студэнты факультэта матэматыкі і інфарматыкі Акнабат Іламанава і Шагелдзі Аллабаеў).

Дыплом III ступені атрымалі каманда «Васiлёк» (Святлана Пашко, Растоўскі каледж культуры) і каманда «Зоркія дзяўчаты» (студэнткі 2 курса факультэта матэматыкі і інфарматыкі Мамыш Непесава, Махры Акмырадава і Махрыбан Даўлетгелдзіева).

Віншуем пераможцаў і ўдзельнікаў конкурсу!

Навіна на сайце ГрДУ імя Янкі Купалы

Запрашэнне на фінал конкурсу

31.05.2026 – апрабацыя праекта (конкурс сеткавых праектаў) "Мы – беларусы" завершана

Вынікі:

працу ў праекце цалкам завяршылі 6 каманд (21 чалавек, з іх - два каардынатары). Вынікі працы каманд размешчаны на сайце каманд. Удзельнікі праявілі творчасць і вынаходлівасць, стварылі ўнікальныя прадукты, праявілі любоў да роднай Беларусі. Усе ўдзельнікі – фіналісты.

Аўтары дзякуюць усім удзельнікам праекта за ўклад у даследаванне праблемы беларускай ідэнтычнасці, яе фарміраванне і развіццё.

Справаздача аб апрабацыі праекта

Крокi да поспеху

Папярэднія вынікі:

поўнасцю завяршылі работу ў праекце 4 каманды: Акцэнт кахання, Бусляняты, Зоркія дзяўчыны, Малаліт. Спадзяемся, што да іх далучацца яшчэ дзве каманды: Васілёк і Матэматыкі.

28 - 31.05.2026 - заключны этап

План працы:

каманды выконваюць заданні заключнага этапа сеткавага праекта;

вынiкi працы неабходна адлюстраваць у табліцы перамяшчэння каманд, прадукт этапа размясціць на старонцы сайта каманд "Заключны этап".

Вынiкi этапа 2

З заданнямі гэтага этапа паспяхова справіліся каманды: "Маналiт" i "Акцэнт кахання".

Спадзяемся, што астатнія каманды таксама паспяхова справяцца з заданнямі этапа 2

Жадаем поспехаў!

Каардыкацыя праекта на форуме

Ёсць магчымасць абгаварыць на форуме цяжкія моманты пры працы ў сеткавым праекце. Форум завецца "Каардынацыя праекта", яго адрас.

21 - 27.05.2026 - этап 2 "Як праявiць любоў да роднай Беларусi?"

План працы:

каманды выконваюць заданні этапа "Мая Радзiма";

вынiкi працы неабходна адлюстраваць у табліцы перамяшчэння каманд, прадукт этапа размясціць на старонцы сайта каманд "Этап 2".

Вынікі этапа 1

Заданні этапа 1 выканалі 2 каманды: "Маналіт" і "Акцэнт кахання", каманда "Зоркія дзяўчаты" - на падыходзе.

Падтягнулася каманда "Бусляняты". Малайцы!

Вынікі працы каманды размяшчаюць на сайце каманд. Тут каманда "Бусляняты" стварыла асобную старонку.

Астатнія каманды размяшчаюць вынікі працы на старонках:

"Падрыхтоўчы этап",

"Этап 1".

Жадаем поспехаў!

15 - 20.05.2026 - I этап "Як размаўляць па-беларуску прыгожа?"

План працы:

па меркаванні каманды ўдзельнікі выконваюць заданні этапа "Дзіўная мова" або этапа "Вялікая мова";

вынiкi працы неабходна адлюстраваць у табліцы перамяшчэння каманд, прадукт этапа размясціць на старонцы сайта каманд "Этап 1".

Вынікі падрыхтоўчага этапа

Да працы над праектам прыступілі 6 каманд. Гэта - навучэнцы і студэнты з Гродна і выкладчык з г. Растоў-на-Доне. Заданні падрыхтоўчага этапа выканалі поўнасцю 4 каманды (7 чалавек). Гэта каманды - Маналіт, Васілёк, Акцэнт кахання,

Зоркія дзяўчаты. Каманда "Маналіт" справілася з выкананнем заданняў усіх этапаў, поўнасцю завяршыла работу. Усе каманды - малайцы!

11 - 15.05.2026 - падрыхтоўчы этап

План працы:

сфармаваць каманды, размеркаваць абавязкі, стварыць візітоўку каманды;

пры жаданні можна стварыць сайт (блог) каманды або выкарыстоўваць сайт для каманд праекта (лiст "Падрыхтоўчы этап");

вынікі працы адлюстраваць у табліцы перамяшчэння каманд, заўважаныя недахопы - у журнале апрабацыі.

11 - 13.05.2026 - рэгістрацыя ўдзельнікаў конкурсу сеткавых праектаў "Мы - беларусы"

На аснове сайта праекта "Мы – беларусы" ва ўстанове адукацыі "Гродзенскі дзяржаўны ўніверсітэт імя Янкі Купалы" пройдзе конкурс сеткавых праектаў "Мы - беларусы" ў перыяд з 11.05.2026 па 05.06.2026 г. (крыніца інфармацыі). Рэгістрацыя удзельнікаў на старонцы.