wulangan 1

Pangertosan

Unggah-ungguh basa yaiku tata cara nggunakake basa Jawa kanthi trep miturut kahanan, lawan wicara, umur, kalungguhan, lan sesambungan antarane wong sing guneman.

Nalika nyatakake setuju utawa ora setuju, kita kudu tetep nggunakake basa sing sopan, ora nyinggung, lan ngajeni panemu wong liya.

Nyatakake Sarujuk (Setuju)

Nyatakake setuju yaiku menehi tanggapan yen kita sarujuk utawa nduweni panemu sing padha karo wong liya.

1. Ungkapan setuju kanthi ngoko

Digunakake nalika guneman karo kanca sing wis akrab utawa sebaya.

• Aku sarujuk karo panemumu.

• Aku setuju karo gagasanmu.

• Ya, aku uga mikir kaya ngono.

• Bener, panemumu kuwi apik.

• Aku sarujuk yen kegiatan kasebut ditindakake sesuk.

• Menurutku, gagasanmu pancen trep.

2. Ungkapan setuju kanthi krama

Digunakake nalika guneman karo wong sing luwih tuwa, guru, utawa wong sing kudu diajeni.

• Kula sarujuk kaliyan pamanggih panjenengan.

• Kula setuju kaliyan usul panjenengan.

• Inggih, kula ugi gadhah pamanggih ingkang sami.

• Inggih, pamanggih panjenengan punika sae.

• Kula sarujuk menawi kegiatan punika dipuntindakaken benjing.

• Miturut pamanggih kula, usul punika sae sanget.

Nyatakake Ora Sarujuk (Setuju)

Nyatakake ora setuju yaiku menehi tanggapan yen kita ora sarujuk karo panemu utawa gagasan wong liya.

Nalika ora setuju, aja nggunakake tembung sing kasar utawa bisa nyinggung perasaan wong liya.

1. Ungkapan ora setuju kanthi ngoko

• Aku kurang sarujuk karo panemumu.

• Miturutku, gagasan kuwi kurang trep.

• Aku duwe panemu sing beda.

• Aku kurang setuju yen kegiatane ditindakake sesuk.

• Menurutku, luwih becik diganti karo rencana liyane.

• Aku ngerti panemumu, nanging aku nduweni panemu liyane.

2. Ungkapan ora setuju kanthi krama

• Nyuwun pangapunten, kula kirang sarujuk kaliyan pamanggih panjenengan.

• Miturut pamanggih kula, usul punika taksih kedah dipunrembag malih.

• Kula gadhah pamanggih ingkang benten.

• Nyuwun pangapunten, kula dereng saged sarujuk kaliyan usul punika.

• Miturut pamanggih kula, langkung sae menawi dipunrancang malih.

• Kula mangertos pamanggih panjenengan, nanging kula gadhah pamanggih sanes.