Embedded Files
Helburua
Helburua
Familietan euskararen transmisioaren garrantziaz kontzientziatzea du helburu nagusi proiektuak eta horretarako, Elgoibarko familietan euskararen aldeko jarrera eta maitasuna sustatzen da, guraso eta seme-alaben arteko ekintzak euskaraz antolatuz eta euskarazko bizipen positiboak, erreferenteak, baliabideak eta espazio euskaldunak eskainiz.
Zer eskaintzen dugu?
Zer eskaintzen dugu?
Familia-planak: familien artean bizipen positiboak, euskaraz, bizitzeko aukera ematen duten irteerak antolatzea da gure nahia. Izan ere, emozio positiboak eragiten dizkiguten jokabideak errepikatzeko joera dugu, beraz, euskara ondo pasatzearekin lotzen badugu, euskararen erabilera areagotu daitekeela ondoriozta daiteke. Sozializazio horretan ere, bestelako helburuak landu daitezke; elkarbizitza, kidetasuna, besteak beste.
Tailerrak: bertaratzen diren familia nukleoen arteko harremanari, eta familia ezberdinetako kideen arteko harremanari (umeen arteko eta gurasoen arteko harremana) sustatuko duten tailerrak egitea hobetsiko da. Era berean, positiboak izango diren bizipenak izateko helburua izango duten tailerrak eskaintzea garrantzitsua izango da, izan ere, euskara emozio positiboekin lotzea oinarrizkoa baita hizkuntzarekiko atxikimendua lortzeko.
Kale ekintzak:
Kalean, gidatu gabe eta giro informalean familien artean egoteko
aproposak izaten dira hauek: erromeria familian, adibidez.
EKINTZAK
SANTA AGEDA ESKEA, OTSAILAREN 2AN, IGANDEA
Iaz moduan, aurten ere Atxutxiamaikak Azkue auzoko baserriak koplatuko ditu Santa Ageda egunaren harira. Familiei eta umeei egokitutako ekimena bada ere, gurekin etorri nahi duen edozein izango da ongi etorria. Hori horrela, otsailaren 2an, igandean, goizeko 10:00etan batuko gara Azkue auzoko ermitan.
Bertatik hasiko dugu Santa Ageda eskea trikitixaren eta panderoaren soinuak lagunduta. Eta makilarekin lurra joz eta koplak abestuz joango gara baserriz baserri.
Baserriak koplatzeko Eneko Beretxinaga eta Amaia Iturriotz izango ditugu gurekin.
Horrez gain, Lizagasar sagatokian mokadua egiteko aukera izango dugu.
Ekintza hau nahi duen edozein pertsonarentzat da.
OHARRA:
HH2-LH3ko umeak heldu batekin lagunduta etorri beharko dira.
LH4tik gorako pertsonak bakarrik etor daitezke.
ERROMERIA FAMILIAN
Hurrengo ostiralean, maiatzak 3, izango da Udal Ludotekak, Inazio Bereziartua musika eta dantza eskolak eta Atxutxiamaikak antolatzen dugun "Erromeria familian" egitasmoa. Aurtengoan, gainera, Haritz Euskal Dantzari taldearekin elkarlanean dihardugu.
17:30ean izango dugu zita Azkue auzoko zelaian. Ludotekak eta Atxutxiamaikak jolasgune bat jarriko dugu bertan eta umeek eta familiek, oro har, material ezberdinekin jolasteko eta esperimentatzeko aukera izango dute.
18:30ak aldera, Inazio Bereziartua musika eta dantza eskolako umeen erromeria izango dugu eta musikariek jotzen duten musika dantzatzeko aukera izango dugu bertaratutakook.
Ondoren, Inguma erromeria gidatua izango dugu eta Haritz euskal dantzari taldearekin batera, dantzak ikasi eta dantzatzeko aukera izango dugu.
Bertan afaltzeko aukera ere luzatu nahi diegu herritarrei. Norberak dakarrena afalduko dugu zelaian bertan, hala nahi dugunok. Horretarako, manta bat ekartzea gomendatzen dugu.
Jarduera hau udalarekin eta San Roke lokal sozialarekin lankidetzarekin garatuko da.
El próximo viernes, 3 de mayo, tendrá lugar la Romería en familia" organizada por la Ludoteca Municipal, la escuela de música y danza Inazio Bereziartua y Atxutxiamaika. Este año, además, colaboramos con el grupo Haritz Euskal Dantzari Taldea.
La cita será a las 17:30 en la campa del barrio de Azkue. La ludoteca y Atxutxiamaika instalarán una zona de juegos en la que las/os niñas/os y las familias en general, podrán jugar y experimentar con diferentes materiales.
Sobre las 18:30 horas tendremos una romería de los niños de la escuela de música y danza Inazio Bereziartua y las personas asistentes podremos bailar la música que tocará el alumnado.
Después, tendremos la romería guiada Inguma y junto al grupo de dantzaris Haritz EDT y tendremos la oportunidad de aprender y bailar bailes.
También queremos ampliar a la ciudadanía la posibilidad de cenar allí. Cenaremos lo que cada cuál traiga en el propio campo, los que así lo queramos. Para ello recomendamos traer una manta.
Esta actividad se desarrollará en colaboración con el ayuntamiento y el local social San Roke.
Page updated
Google Sites
Report abuse