Forritun

Við eigum að búa til stýringu fyrir hitablásara í bílskúr. Það er stór hurð á skúrnum sem þarf stundum að standa opin í lengri tíma.

Eigandinn er með hugmynd um að láta hitablásara, sem er staðsettur innan við hurðina, fara í gang stuttu eftir að hurðin er opnuð og vera í gangi á meðan hún er opin. Þegar hurðinni er lokað á að líða smá tími áður en blásarinn stoppar.

Við notum einn rofa sem gefur 1 (high) þegar hurðin er opin og ljósdíóðu í staðinn fyrir mótorinn (blásarann).

Athugið að þetta er ekki hurðaopnarinn sjálfur heldur eigum við bara að stýra blásaranum.

1. Stöðurit

Teiknið stöðurit sem lýsir virkninni.

2. Forrit

Forritið lausnina fyrir Arduino og notið undirforrit eins og við á.