Matapos ang isang madagundong na labanan, hindi pinaisa ng gigil na D'Navigators-Iloilo ang Imus-Ivy Tuason Photography, 3-1 (21-25, 25-23, 25-21, 25-22), upang makopo ang Game 1 sa larangan ng 2023 Spikers’ Turf Open Conference na ginanap sa Rizal Memorial Coliseum, ika-29 ng Marso.

Mainit-init ang naging palitan ng dalawang magkatunggali pagsabak pa lamang sa ikaunang set sa pagpamalas nito ng mga samu’t saring mga stratehiya at naglalagablab na spikes, 10-9 pabor sa Imus.

Pumaibabaw naman ang tambalang Hero Austria at Ronniel Rosales nang tuluyan itong magpasiklab ng mga di-magkamayawng spikes upang mailayo ang bentaha sa apat, 19-15.

Bunga ng nagkukumislap na koordinasyon at liksi, di na nabigyan pa ng pag-asa ang naghahamong D’Navigators upang makahabol, 25-21.

Agad namang sumagot si Jade Esquitado sa pagpakita nito kanyang lakas at liksi pagtapak ng ikalawang set sa mga nakakabilib na cross-cut spike techniques.

Naging sandigan ng D’Navigators ang mala-kidlat ang bilis na back-row set up plays, upang makopo ang ikalawang set, 25-22.

Nagpatuloy ang dominasyon ni Esquitado sa tulong ng mga napaka-swak na sets ni Jerome Cortez upang Buena-manong tumala ng limang konsekutibong puntos sa pagpasok ng ikatlong set, 7-3.

Pilit man iahon ni Rosales ang laban sa kanyang quick set-up plays, di ito naging sapat upang butasin ang mala-batong net defense ng D’Navigators, 25-21.

Naggawa namang magpasikat ni Kim Malabunga nang muling buhayin ang pag-asa ng kanyang grupo sa kanyang nakakalinlang na tip-off drop plays upang bahagyang maungusan ang kalaban, 12-11 pabor sa Imus.

Ngunit hindi pumayag si Esquitado na mabago ang ihip ng hangin, at idinikta ang laban sa isang umaatikabong back-row spike upang isirado ang girian sa Game 1, 25-22.

Tumala ng kabuuang 34-succesful attack points si Esquitado upang mas mapalapit ang kanyang koponan sa naghihintayng tansong medalya.

“Oo talagang pinaglaban namin kasi syempre sabi ko nga sa kanila, magpapabugbog lang ba kami sa Imus? Hindi kami babawi? Yun yung mindset ko eh,” ulat ni John Kenneth Panes, head coach ng ‘D Navigators.

Paano ba mahuhubog ang kakayahan ng isang kabataan sa isports kapag ito’y babad na babad o masyado nang lulong sa kani-kanilang mga gadget? Kasabay ng patuloy na pag-usbong ng presensiya ng teknolohiya, gayundin ang mga batang naaapektuhan sa paggamit nito. Palibhasa mayroon nang kinawiwilihang gadget, ‘tila kinakaligtaan na lamang ang importansya na maidudulot ng isports sa kalusugan’t pangangatawan at kadalasa’y ang mga kabataang naaadik dito at di na marunong tumanggap ng pagkatalo dahil hindi nalinlang ang kakayahang sportsmanship.

Ayon sa CNN Health, tinatalang 64% na kabataan ang naglalaan ng apat na oras sa kaharap ang kanilang mga screen, at 29% dito ay umaabot ng humigit kumulang walong oras sa isang buong araw. Ayon sa mga isinigawang sarbey, napagtantong pito mula sa sampung kabataan ang gumugugol ng napakaraming oras sa paggamit ng teknolohiya sa paglilibang at pagwiwili ng kanilang sarili dahil wala raw silang alam ukol sa mga pisikal na isports at nahihiya silang makilahok sa mga larong pampalakasan.

Mas pinipili ng nakararaming kabataan ang teknolohiya dahil nalilibang sila sa mga ito kung sila'y naiinip o walang ginagawa. Ayon pa nga sakanila, marunong sila kung papaano ang takbo ng mga isports na gusto nilang laruin, ngunit mas kumportable silang iaccess ito sa likod ng kani-kanilang mga mobile screens at applications sa pamamagitan ng kanilang mga computer at smartphones. At minsa’y di naman sila sinisita ng kani-kanilang magulang

Ulat ni Salvacion M. Perez, isang guro ng Sto Niño National High School, upang hindi maadik sa gadyet ang kanyang anak ay hinimok niya itong sumali sa larong Lawn Tennis. Bunga ng buong-pusong suporta sa anak, nahubog nito ang kanyang talento’t kakayahan na naging daan upang maging isang atletang rerepresenta sa bayan ng South Cotabato sa darating na SRAA Meet 2023. 

Nararapat pahalagahan ng mga magulang ang kahulugan at importansiya ng kalusugan at larong pampalakasan para sa mga kabataan. Hindi sapat ang kahusayan sa kaalaman kung hindi nahuhubog at masiglang naisasapuso ang mga ito. Sa pamamagitan ng asignaturang MAPEH ay maisusulong at mabigyan ng tuon ang pisikal na edukasyon upang mapaunlad ang pisikal na kalusugan. Kaakibat ang suporta ng mga magulang, ay mas mapapabuti nito ang kalagayan at mga desisyon ng isang bata. Sana’y  hindi tuluyang mabaon sa limot ang mga pisikal na isports dahil sa paglago ng teknolohiya. Kaya naman paggamit ng gadyet ay limitahan; isports ang dapat pagtuunan!