Agulhas Seelewe / Aquatic Life

As gevolg van die invloed van die winde op sowel die Agulhas-bank as die water van die Kaapse Weskus, wissel die voedselvoorsiening en produktiwiteit van hierdie waters voortdurend van dag tot dag en ook van seisoen tot seisoen, net soos die winde.  

Riviere is ‘n bron van organiese stof en bodemmodder op die Agulhas-bank.   Die riviermodder dra by tot die habitat van diere soos die Agulhas-tongvis.  Die Ansjovis skiet hoofsaaklik kuit op die Agulhas-bank tussen Oktober en Februarie.   Dit is ‘n belangrike bron van voedsel vir stokvis bo die breë Agulhas-bank.  

Die vermoede bestaan dat snoek op die Agulhas-bank kuit skiet.  Vandag word die Agulhas-bank, soos alle oseane en seegebiede in die wêreld, deur plastiekbesoedeling bedreig.  En helaas deesdae ook deur die gesoek na gas.  

(BRON:  Agulhas NP Argiewe) 

Die Galjoen (Eng: Blackfish, Black bream, Damba) is so ‘n gewilde strandhengelvis dat dit as Suid-Afrika se nasionale vis verklaar is.   Die naam is waarskynlik afgelei van die Hollandse woord vir “gallei” of “galleon” wat verwys na die vis se legendariese terugveg wanneer dit gevang word.   Die Galjoen is een van slegs twee spesies in die familie Dichistidae, wat albei endemies is aan suidelike Afrika.   Die Gebande Galjoen, Dichistius multifasciatus, is kleiner en kom slegs voor in sub-tropiese water.   Die Galjoen kom voor vanaf noordelike Namibië tot by die suidelike Kwa-Zulu Natal kuswaters.

Die riwwe aan die Indiese Oseaankus word met ‘n verskeidenheid kleiner seewiere of deur ‘n ryke verskeidenheid vasgehegde seediere bedek.   Die Galjoen wat ‘n bankvis genoem word, kom algemeen op hierdie riwwe voor.   Dit word ook as ‘n geharde spesie beskou wat onstuimige witwater verkies waar dit swartmossels, rooi-aas en ander bodemlewende organismes wat van die rotse losgespoel het, verslind.

Galjoene is gebiedsgebonde, maar beweeg soms weg.  Gemerkte vis is al duisende kilometer weg van hul normale gebied gevang.   Algemeen word aanvaar dat dit dalk te doen het met kosbeskikbaarheid en watertemperature.

Kuitskiet vind gewoonlik meer as een keer ‘n seisoen plaas, en strek vanaf Oktober tot Maart met die hoogtepunt in Desember.   Wyfies groei vinniger as die mannetjies, en bereik ‘n maksimum lengte van 670 mm.   Die mannetjies word 470 mm lank.   Die vis word nie ouer as 13 jaar nie.   Die voortplantingstadium word op vyf jaar bereik waar die wyfies ongeveer 34 cm lank is en die mannetjies 31 cm.

Oor die laaste drie dekades het die Galjoen se getalle weens oorbenutting deur kommersiële en sportvissers dramaties verminder.   Treknette is in 1974 verbied.   Vandag word die Galjoen beskerm deur ‘n minimum-grootteperk, sakbeperking en ‘n geslote seisoen waar dit nie verkoop mag word nie.   Die vangseisoen vir Galjoen is tussen 1 Maart en 15 Oktober jaarliks.  Hengelaars met permitte mag net ‘n maksimum van vier visse per dag vang en die minimum grootte wat gevang mag word, is 30 cm.

‘n Nasionale opname wat in 2000 van die visstapel van verskillende lynvis gedoen is, het gevind dat galjoen se getalle ineengestort het en dat dringende heropbou nodig is.  (Kuitvis biomassa per aanwasindeks was minder as 25%). 

BRONNE:

1.   COAST CARE file. 

2.  OSEANE VAN OORVLOED.  (Dept. Omgewingsake en Toerisme,  Hoofdirektoraat Seevissery, g.d.)

3. Two Oceans Aquarium website

Die Geelstert is ‘n baie gesogte lynvisspesie aan die Agulhaskus, soveel so dat ‘n fees elke jaar in Struisbaai ter ere van die vis gehou word.   Dit is gesog onder hengelaars omdat dit heerlik smaak en ‘n sterk vegter is.

Die Geelstert is ‘n aflandige migrant wie se bewegings deur watertemperatuur en prooiverspreiding bepaal word.   Visspesies soos die Geelstert trek na gebiede waar voedsel volopper is of na omgewings wat gunstiger is vir die kleintjies om voort te plant.   Hulle spandeer baie van hul tyd aflandig, maar beweeg tog nader aan die kus gedurende die somermaande wanneer die kuswaters warmer word.   Kuitskiet vind gewoonlik in die somer plaas, ongeveer 30-40 km van die kus af.   Die volwasse vis (kleiner as 65 cm) beweeg voortdurend aanlandig/aflandig gedurende hierdie periode.

Geelstert is op ‘n stadium met beursnette gevang, maar as gevolg van ‘n groot afname in getalle, is dit gestaak.   Gelukkig, volgens die Seekosverbruikersgids, val Geelstert nog onder hul groenkleurkode.   Dit beteken dat die Geelstert nog in die mees gesonde en besbestuurde visgroep val en die huidige visvangdruk kan hanteer.   Volgens ‘n 2000 nasionale opname van die Geelstert se getalle was dit nog aanvaarbaar (Kuitvis biomassa per aanwasindeks naby aan 40%), maar getalle is besig om kommerwekkend laag te daal.

BRONNE:

1.   COAST CARE file.  

2.  OSEANE VAN OORVLOED.  (Dept. Omgewingsake en Toerisme,   Hoofdirektoraat Seevissery, g.d.)

Abalone are important in marine ecosystems. As herbivores they consume macro-algae (seaweeds) and so are important in that they have the ability to prevent the monopolisation of space by a few fleshy seaweeds that have the potential to competitively exclude other seaweeds. Their feeding behaviour often allows a greater diversity (bearing in mind that diversity is not simply a function of the number of species, but also their relative abundance) of seaweed species to co-exist. Areas with a high density of abalone can actually have a higher diversity of seaweeds, particularly those that grow epizoically (on the shells of the abalone). In the absence of abalone, seaweed diversity can be comparatively low. 

This has a number of implications because it also affects the diversity of other animals that potentially are dependent on a select number of seaweeds. In short, a healthy ecosystem is dependent on a number of interacting trophic (primary producers [seaweeds], primary consumers [herbivores], suspension feeders, secondary consumers [omnivores, predators, etc.], and decomposers) levels, and abalone form but one link in that trophic chain for it to function most effectively. 

Source: Abalone important in marine ecosystems - Prof. Gavin W. Maneveldt, Department of Biodiversity & Conservation Biology, University of the Western Cape