料添丁

甲：(說書口氣，邊走邊說。)講添丁,說sueh添丁,添丁說不盡.嘿！（拍雙手）界奇怪！平常時我「料添丁」是沖tshìng徦掠袂著，行路有風，是安怎即碼大家講著我，假若講著鬼咧？（撞到乙）

乙：ㄟ－汝講汝是啥人？

甲：我？我毋是人！

乙：啊哈哈哈！「汝毋－是－人！」，安咧－汝是鬼！--阿娘喂！腳底抹油－旋喔！（做逃離狀，腳跨大步。）

甲：唉哟！（拉乙回來）話毋通干但聽一半，我是講，頂一暫啊，報紙、電視報徦砰砰叫，名聲透京城的彼个「料添丁」，就-是-我。(揮手打招呼)嗨！大家好！

乙：汝這範pan的叫「廖添丁」？啊汝若叫「廖添丁」，按呢，我就是「紅龜仔」。嗨！大家好！

甲：啥物我這範，汝這範，汝「有眼不識泰山」！汝毋知我「料添丁」是一个厲害的腳數(kioh siàu)？

乙：我知，我知！大的汝上界厲害，「來無影去無蹤」，「會飛天會鑽地」予日本大人頭殼抈（moh）咧燒的腳數(kioh siàu)。

甲：（指乙的頭）汝呼！人若呆看面就知，我就共汝講，我是現代的「料－添丁」，飲料的｢料｣，添加好料，的料添丁！毋是古－早彼个「廖添丁」，汝哪會一直臭耳人敖彎話啦。

乙：好啦！現代的「料添丁」大的，汝有啥物才調，會凍佮阮古早大的共款，名聲透京城？

甲：啥物才調？我是隱-形-的-殺－手。嘿嘿！

乙：哇塞！隱形的殺手。借問ㄟ，抑是安怎「隱形」？

甲：「江湖一點訣，無講汝毋捌。」汝看這啥物？（拿出飲料）。

乙：飲料啊！唉哟！汝擱真搭心！知影我這个細漢的咧喙焦！

甲：嘿！這呢緊就共伊啉落去！細－膩喔！這內底有我料添丁喔！

乙：啥物？汝覕bih佇內底？汝是講，我-共-汝－「料-添-丁」啉落去腹肚底？（甲點頭）驚死人喔！（音調顫抖地）啊汝無代無誌旋入去這罐飲料創啥貨？啊！汝講汝是隱形的，汝毋－是－人！今tann害啊！我今仔日穩死ㄟ！（乙焦慮）

甲：咕-咕咕--！欲死猶早咧！我袂予汝遐緊死啦！擱再講，我嘛毋是無代無誌旋入去飲料內底！我共汝講，飲料若摻我的「起雲劑」料添丁，水色就會變作白霧白霧、看起來若像天頂的白雲遐媠sui色，原本清清的飲料，嘛會變作濁濁膏膏，啉起來Q地地！

乙：(吞嚥狀，嘴巴回味著)嗯！有影真好啉，汝「料添丁」敖gâu！

甲：猶擱有，摻我「防腐劑」料添丁，飲料就會像「木乃伊」共款，隔暝企khia日攏袂臭酸、變質。汝看！這罐飲料從ui100年製造到今，(自信地)攏-袂-歹。

乙：猴犀利(ㄏㄡˊ ㄙㄞㄌㄟ)！「好強哦！」「我共汝拍拍手，我共汝放煙火」(國語)，咻－！碰！安呢！我敢會變作「木乃伊」？

甲：ㄟ！ㄟ！啉少是勿會，啉濟誰人敢講勿會！

乙：嗯！還汝。我無愛啉汝的料添丁飲料，啉我的燒茶卡妥當。

甲：稍等一下！汝的茶嘛有我料添丁。

乙：有影沒影？莫驚我！佇叨位？

甲：汝的茶罐仔蓋。遐－若拄到燒燙燙的茶嘛會溶出「塑化劑」料添丁」。食傷濟，毋是傷肝就是傷腰子，毋是傷腦筋就是傷神經。

乙：夭壽喔！汝－汝「料添丁」，毋－是－人！我欲離汝較遠咧！

甲：ㄟ！莫走啦！我猶有界濟「料添丁」吶！

ㄟ－（竹板）

甲：料添丁乙：真厲害！

甲：料添丁啊乙：真恐怖！

甲：「防腐劑、起雲劑、塑化劑」乙：糖膽、色素佮香精。

合：無張持就會食落腹肚底，好啉、好食攏是假。害汝、害我，害大家。勸咱朋友大哥佮大姐，來路不明毋通買，包裝說明看詳細，健康、衛生是咱的！是咱的！