3. ZINTA-ERRUGBIARI BURUZKO INFORMAZIOA
- Helburua. Puntuak lortzea du helburu. Entseguen bidez lortzen dira puntuak. Aurkariaren zelaiaren entsegu-marraren atzean (hau da, entsegu-eremuan) baloia uzteari deritzo entsegua. Entseguan, jokalariak ezin du bere burua lurrera bota, eta baloia eskuarekin utzi behar du lurrean.
- Jokoaren azalpena.
- Erasoan: baloiaren jabe den taldea, paseen edo lasterketen bitartez, baloia entsegu-eremu barruan ipintzen ahaleginduko da.
- Defentsan: baloia eskuratuz edo baloia duenari zinta kenduz, aurkako taldearen erasoa geldiarazten saiatuko da taldea.
- Jokalekua. Hainbat jokalekutan ari gaitezke: belartzan, egur gainean, hareatzan, asfaltoan… Zelaiak 40-50 metro luze eta 20-30 metro zabal izan behar du.
- Jokalari-kopurua. Talde bakoitza 12 jokalariz osatuta dago, baina zelaian 7 baino ezin dira aritu jokoan. Nahi beste aldaketa egin daitezke. Ohikoa da neskak eta mutilak elkarrekin aritzea talde berean.
- Zintak. Jokalariek zinta bina eraman behar ditu kirol-praken alboetatik zintzilik. Nahitaezkoa da zintak beti zintzilik eramatea, eta ezin dira zintak ezkutatu edo eskuarekin estali. Gainera, jokalariak ezingo du bere burua lurrera bota edo lurrean etzanda egon.
- Iraupena.
- Eskolaz kanpoko ekintzetarako proposamena. 45 minutuko partidak izango dira, 15 minutuko hiru zatitan banaturik. Jokalari guztiek lehenengo edo bigarren zatia jokatu behar dute oso-osorik. Atsedenaldiak 3-5 minutu bitartekoak izango dira.
- Gorputz-hezkuntzako saioetarako proposamena. Partidek 10 minutuko bi zati eta 3 minutuko atsedena izango dute.
- Puntuazioa:
- Talde bietan sexu bereko jokalariak direnean: entsegu bakoitzak, puntu bat.
- Talde bietan neska-mutilak dabiltzanean:
i. mutilek lortzen duten entsegu bakoitzak, puntu bat.
ii. neskek lortzen duten entsegu bakoitzak, hiru puntu.
- Jokoaren hasiera. Zelai-erdiko sakearen bidez hasiko da jokoa. Sakea egiteko, baloia atera behar duen taldea zelai-erdian kokatuko da. Jokalari baloiduna zertxobait aurreratuago egongo da. Aurkako taldea sakea duen taldetik 5 metrora kokatuko da. Baloia duen jokalariak ukitu bat emango dio baloiari oinarekin, eta, ondoren, taldekide bati pasatuko dio atzerantz, edo lasterrean joango da.
- Jokoan. Jokalaria aurkakoen entsegu-eremura iristen saiatuko da, baloia eskuetan daramala. Baten batek baloia duen jokalariari zintaren bat kentzen badio, gelditu egin beharko da jokoa.