НОВОСТИ
09.05.2024 - ГЛАВНАТА КАНАЛИЗАЦИОНА ЦЕВКА Е ЗАМЕНЕТЕ. ПОРАДИ ДОЖДОВИТЕ ОСТАНА ДА СЕ ЗАТРУПА И БЕТОНИРА НАРЕДНИТЕ ДЕНОВИ.
30.04.2024 - КВАРОТ НА КАНАЛИЗАЦИОНАТА ЦЕВКА Е ОТКРИЕН. СЕ РАБОТИ НА САНАЦИЈА НА ИСТИОТ.
08.04.2024 - После повторната дијагностика утврдено е следното: Првата пумпа не е во функција поради прегорена склопка. Втората пумпа работи ама премногу бучи, нешто е разлабавено. Третата пумпа работи, ама не дига доволно притисок, се жалат комшиите од 13-ти до 17-ти спрат.
Ќе се купи и монтира склопка на првата пумпа.
Втората пумпа е извадена и дадена на сервисирање. На нејзино место е поставена нова пумпа Новотерм.
Третата пумпа ќе се извади и ќе се чува како резерва, а на нејзино место ќе се монтира сервисираната двојка.
30.3.2024 - Сашо и Звонко ги демонтираа неисправната брава и цилиндер на сопчето за чистачките и монтираа нова брава и цилиндер. Бесплатна работна рака!
29.3.2024 - Мајсторот направи дијагностика на проблемите во работењето на првата хидрофор-пумпа. Извршени се потребните преповрзувања и штелувања. Сега има вода, но потребно е повторно дијагностицирање.
07.03.2024 - Извршена е замена на регулатор на брзина на малиот дуплекс лифт. Ќе се зголеми прецизноста во застанувањето по спратови, а ќе се минимизира заглавувањето меѓу спратови! Лево е новиот регулатор, десно стариот.
23.12.2023 - И покрај санацијата на спојката и ревизијата на 11-ти спрат, повторно се појави течење. Утврдено е дека има пукнатина на цевката, од задната страна, затоа и не беше веднаш регистрирана. Вечерва пукнатината е залепена со специјален лепак.
Доколку се појави ново протекување, после Божиќ ќе се менува цевката!
20.12.2023 - Изминатите денови имаше нови протекувања. Се утврди дека има протекување и од ревизијата на истата цевка, во истиот стан. Течењето е санирано на 20.12.2023 година со замена на дихтунг на ревизијата и лепење со специјален лепак.
09.12.2023 - Во врска со протекувањата на вода од 5-ти до 8-ми спрат утврден е квар на заедничка одводна цевка внатре во ѕидот на 11-ти спрат, северозападна вертикала. Попуштениот спој помеѓу две цевки беше саниран на 09.12.2023 година.
21.11.2023 Оштетувањето на вратата на товарниот лифт поправенo за еден ден!
Панелот на командната табла на товарниот лифт, кој беше оштетен при селење, заменет на трошок на сторителот!
31.03.2023 ЗАМЕНА НА ОШТЕТЕНА ЗАЕДНИЧКА КАНАЛИЗАЦИОНА ЦЕВКА НА 8-МИ СПРАТ, ЈУГОЗАПАДНА ВЕРТИКАЛА
29.01.2023 ПОСТАВЕНИ НАДВОРЕШНИ ОЛУЦИ НА ЈУГО-ЗАПАДНАТА И СЕВЕРО-ИСТОЧНАТА ВЕРТИКАЛА
27.01.2023 САНИРАНО ИСТЕКУВАЊЕТО ОД КАНАЛИЗАЦИОНА ЦЕВКА НА 5-ТИ СПРАТ, ЈУГОЗАПАДНА ВЕРТИКАЛА
17.10.2022 САНИРАНО ИСТЕКУВАЊЕТО НА ВОДА ВО ДУЌАН БРОЈ 1. ЗАМЕНЕТА ЦЕВКА НА ОЛУКОТ ЗА ДОЖДОВНА ВОДА КОЈ ДОАЃА ОД КРОВОТ, НИЗ КУПАТИЛАТА ДО ПРИЗЕМЈЕТО НА ЗГРАДАТА.
10.06.2022 Тргај, туркај, лево, десно и троседот излезе. Ама, по која цена? Оштетување на лифтот! Сепак, штетата е надоместена!
03.06.2022 Сашо и Ненад во влезот на зградата извршија замена на старите плафоњерки со нови. Новите плафоњерки имаат фасонки и замената на сијалици ќе биде лесна, едноставна и ефтина!
24.02.2022 И 16.3.2022 НАБАВЕНИ И МОНТИРАНИ ДВЕ НОВИ ХИДРОФОР-ПУМПИ
13.03.2022 Набавени три капаци за шахти, за замена на оштетените и украдените низ годиниве. Александар и Ненад несебично одвоија од своето слободно време и ги поставија капаците за поголема безбедност на сите нас.
19.11.2021 А ВАКА ИЗГЛЕДА ПОСЛЕ КРЕЧЕЊЕТО
17-19.11.2021 ВО ПЕРИОДОТ 19 ДО 22 НОЕМВРИ СЕ ИЗВРШИ КРЕЧЕЊЕ НА МАШИНСКИТЕ ПРОСТОРИИ НА ЛИФТОВИТЕ, КОИ СЕ НАОЃААТ НА КРОВОТ НА ЗГРАДАТА. ИСТОТО БЕШЕ ПОТРЕБНО ЗАРАДИ ИЗДАВАЊЕ НА СЕРТИФИКАТИ ЗА БЕЗБЕДНА УПОТРЕБА НА ЛИФТОВИТЕ. ПОКРАЈ МАШИНСКИТЕ ПРОСТОРИИ СЕ ИСКРЕЧИ И ХОДНИКОТ КАКО И ПРИСТАПНИТЕ СКАЛИ.
ВАКА ИЗГЛЕДАШЕ ПРЕД КРЕЧЕЊЕТО!
01.11.2021 ТОВАРНИОТ ЛИФТ Е ЦЕЛОСНО РЕНОВИРАН И ПУШТЕН ВО РАБОТА
04.08.2021 Конечно уплатени 200.000 денари од Општина Карпош!
26.05.2021 Од архивите на ГП Маврово и домашната архива на Топаловски
19.05.2021 Денес е поднесена комплетната документација до Општина Карпош. Колку што знаеме по ред сме четврти, значи влегуваме во групата од првите пет кои ќе добијат рефундирање на средства до 200.000 денари!
18.05.2021 И вториот лифт е целосно реновиран и пуштен во употреба. Добивме сертификат за исправност!!!
06.05.2021 Деновиве ги саниравме и четирите одводи за дождовница на кровот на зградата!
Обложено со водонепропусна облога и залепено со специјален лепак на база на битумен.
Одозгора доаѓа решетката.
28.04.2021 ДО 08.05.2021 ДВАТА ОЛУЦИ СЕ МОНТИРАА И СЕ ПОВРЗАА ВО ОДВОДНАТА КАНАЛИЗАЦИЈА. ВО СТАНОВИТЕ 65 И 67 СО ГИПС КАРТОН СЕ ЗАТВОРИЈА ЦЕВКИТЕ, СЕ ГЛЕТУВАШЕ И СЕ ИСКРЕЧИ ОШТЕТЕНИОТ ДЕЛ.
ИМ БЛАГОДАРИМЕ НА СОПСТВЕНИЦИТЕ НА ОВИЕ СТАНОВИ ЗА СОРАБОТКАТА И ИМ СЕ ИЗВИНУВАМЕ ЗА ПРИВРЕМЕНИОТ НЕРЕД!
24.04.2021 ПРИКЛУЧОКОТ И ЗА ЈУЖНАТА ВЕРТИКАЛА Е ЗАВРШЕН
ПРИКЛУЧОКОТ ЗА СЕВЕРНАТА ВЕРТИКАЛА Е ЗАВРШЕН
24.04.2021 ПОЧНАВМЕ СО ПРИПРЕМНИ РАБОТИ ЗА ПОСТАВУВАЊЕ НАДВОРЕШНИ ОЛУЦИ И НИВНО ПОВРЗУВАЊЕ ВО ДОЖДОВНАТА КАНАЛИЗАЦИЈА!
28.02.2021 ПОДНЕСЕНА ЗАВРШНАТА СМЕТКА ЗА 2020 ГОДИНА. ИЗВЕШТАЈОТ ПО ЗАВРШНАТА СМЕКА НА СЛЕДНИОТ ЛИНК
05.02.2021 СО ФИРМАТА ЛИФТКОМ СКЛУЧИВМЕ ДОГОВОР ЗА РЕНОВИРАЊЕ НА ШАМПАЊ ЛИФТОТ. РАБОТИТЕ ТРЕБА ДА ЗАВРШАТ ДО ПОЧЕТОКОТ НА МЕСЕЦ МАЈ.
03.02.2021 ВО ПРЕДВИДЕНИОТ РОК ГИ ДОСТАВИВМЕ ДО ОПШТИНА КАРПОШ ПОТРЕБНИТЕ ОДЛУКИ.
20.01.2021 ОД ОПШТИНА КАРПОШ ДОБИВМЕ ИЗВЕСТУВАЊЕ ДЕКА НИ Е ОДОБРЕНА СУБВЕНЦИЈА ЗА РЕНОВИРАЊЕ НА ЛИФТ ВО ВИСИНА ДО 200.000 ДЕНАРИ!!!
СО МНОГУ УПОРНОСТ И РАБОТА СТИГНАВМЕ ДО ЦЕЛТА. ВО НАРЕДНИТЕ 45 ДЕНА ЌЕ ГИ ИСПОЛНИМЕ ПОТРЕБНИТЕ УСЛОВИ ЗА КОНЕЧНО ДОБИВАЊЕ НА СРЕДСТВАТА.
08.07.2020 ДЕНЕС Е ПУШТЕН ВО УПОТРЕБА ЦРНИОТ СИНГЛ ЛИФТ ПОСЛЕ ИЗВРШЕНОТО РЕНОВИРАЊЕ НА ЕЛЕКТРИЧНИТЕ ИНСТАЛАЦИИ И ЗАМЕНА НА ЦЕЛОКУПНАТА АНАЛОГНА ЕЛЕКТРОНИКА СО ДИГИТАЛНА. ВО МЕЃУВРЕМЕ КОНКУРИРАВМЕ НА ЈАВНИОТ ПОВИК НА ОПШТИНА КАРПОШ ЗА СУБВЕНИЦИИ ЗА ИСТИОТ ЛИФТ. ВОЕДНО, ВО ПОСТАПКА Е И АПЛИЦИРАЊЕ ВО БАНКА ЗА КРЕДИТ ЗА РЕНОВИРАЊЕ НА ДРУГИТЕ ДВА ЛИФТА.
28.06.2020 Александар, Филип, Ненад П., Боби и Ненад Б. поставија ЛЕД осветлување покрај влезната патека
07.04.2020 ПОТПИШАН Е ДОГОВОР ЗА РЕНОВИРАЊЕ НА МАЛИОТ СИНГЛ ЛИФТ И НОВ ДОГОВОР ЗА РЕДОВНО МЕСЕЧНО СЕРВИСИРАЊЕ НА ЛИФТОВИТЕ!
02.03.2020 ЗАКАЖАН Е СОБИР НА СОПСТВЕНИЦИ СО СЛЕДНИОТ ДНЕВЕН РЕД
1. Барање од Телеком киријата за антената од 300 ЕУР да се намали на 200 ЕУР месечно;
2. Информирање за превземените дејствија за решавање на проблемите со лифтовите;
3. Информирање за можноста да се подигне кредит од банка за санација на лифтовите;
4. Информирање за субвенции од Општина Карпош за лифтови и кровови;
5. Разно
Доколку имате прашања за наведените проблеми дојдете на собирот. Не е логично да не доаѓате, а потоа да прашувате до каде се работите и што е решено!
12.02.2020 ГОДИНА СЕ ОДРЖА СОБИР НА СОПСТВЕНИЦИ ЗА УТВРДУВАЊЕ ПОТРЕБА ОД РЕНОВИРАЊЕ НА ТРИТЕ ЛИФТОВИ (замена на три командни ормани со вградени фрекфентни регулатори, три ревизиони кутии, 54 давачи (18х3), носачи и магнети, 54 инокс позивни кутии по спратови (18х3), 70 метри флексибилен кабел и прекинувачи, промена на 360 метри погонски сајли на сингл лифт, три кабински табли и една кабинска врата) со средства кои ќе се обезбедат од станарите). СЕ ОДЛУЧИ ДА СЕ ПОБАРААТ ДОПОЛНИТЕЛНИ ИНФОРМАЦИИ.
22.07.2019 НЕХИГИЕНА ВО ЛИФТОВИТЕ
РОДИТЕЛИТЕ ДА ГИ ПОСОВЕТУВААТ СВОИТЕ ДЕЦА ДЕКА ЛИФТОВИТЕ НЕ СЕ КОРПИ ЗА ОТПАДОЦИ. СЕКОЈДНЕВНО НАОЃАМЕ ВАКВИ ОТПАДОЦИ ВО ЛИФТОВИТЕ ШТО ЗНАЧИ ДЕКА РОДИТЕЛСКОТО ВОСПИТУВАЊЕ НА ПОМЛАДИТЕ ГЕНЕРАЦИИ ОЗБИЛНО Е ЗАПОСТАВЕНО!
10.07.2019 РЕШЕНИЕ И ЗАПИСНИК ОД ИНСПЕКЦИСКИ НАДЗОР
ИТНО ПОГЛЕДНЕТЕ ВО ОГЛАСНАТА ТАБЛА. ИНСПЕКТОРОТ ЗА ДОМУВАЊЕ ИЗДАДЕ РЕШЕНИЕ СО КОЕ СЕ ЗАДОЛЖУВА ЗАЕДНИЦАТА НА СОПСТВЕНИЦИ, ВО РОК ОД 8 ДЕНА, ДА ГО ОСЛОБОДИ ПРИСТАПОТ ДО ХИДРАНТИТЕ. ТОА ЗНАЧИ ДЕКА НА СПРАТОВИТЕ 1, 3, 4, 5, 10, 11, 12, 13, 14 И 16 КОМШИЈАТА КОЈ ГО ЗАГРАДИЛ ХИДРАНТОТ СО МЕТАЛНА ВРАТА, ИСТАТА ТРЕБА ДА ЈА ОДСТРАНИ ИЛИ ДА ЈА ПРЕМЕСТИ ПОЗАДИ ХИДРАНТОТ. НЕПОСТАПУВАЊЕТО ПО ОВА РЕШЕНИЕ ЌЕ ПРЕДИЗВИКА ПАРИЧНА КАЗНА ЗА ЗАЕДНИЦАТА НА СОПСТВЕНИЦИ.
ЗА ПОЧЕТОК НЕОПХОДНО Е ВЕДНАШ, ВО РОК ОД 24 ЧАСА, ДА СЕ ОДСТРАНАТ СИТЕ ПРЕДМЕТИ КОИ ГО БЛОКИРААТ ПРИСТАПОТ ДО ХИДРАНТОТ, А ПОТОА ДО ОСМИОТ ДЕН ДА СЕ ПОМЕСТИ ВРАТАТА. ДОКОЛКУ НЕ СЕ ПОСТАПИ НА БАРАНИОТ НАЧИН КАЗНАТА ЌЕ ЈА ПЛАТАТ САМО ОНИЕ КОМШИИ КОИ ГИ ПОСТАВИЛЕ (ИЛИ ГИ НАСЛЕДИЛЕ) ВРАТИТЕ.
03.06.2019 КОРИСТЕЊЕ ЛИФТОВИ ВО ЗГРАДA
УВИДОВМЕ ДЕКА ЛИФТОВИТЕ НЕРАЦИОНАЛНО СЕ КОРИСТАТ, ПА ВИ УКАЖУВАМЕ НА НАЧИНОТ НА ПРАВИЛНО КОРИСТЕЊЕ НА ЛИФТОВИТЕ:
1.НЕ ПОВИКУВАЈТЕ ПО ДВА ЛИФТА ИСТОВРЕМЕНО, ТАКА ШТЕДИТЕ СТРУЈА, А ЛИФТОВИТЕ ПОДОЛГО ЌЕ ТРААТ
2.ДОКОЛКУ САКАТЕ ДА ОДИТЕ ДОЛУ ГО ПРИТИСКАТЕ ДОЛНОТО КОПЧЕ
3.ДОКОЛКУ САКАТЕ ДА ОДИТЕ ГОРЕ ГО ПРИТИСКАТЕ ГОРНОТО КОПЧЕ
4.ВО ПАТНИЧКИТЕ ЛИФТОВИ МОЖЕ ИСТОВРЕМЕНО ДА СЕ ВОЗАТ ДО 4 ЛИЦА, А ВО ТОВАРНИОТ ДО 5
5.ВЕЛОСИПЕДИТЕ СЕ ПРЕВЕЗУВААТ СО ТОВАРНИОТ ЛИФТ
6.ОДРЖУВАЈТЕ ХИГИЕНА ВО ЛИФТОВИТЕ ИСТО КАКО ДОМА
7.СЕКОЈА НЕИСПРАВНОСТ НА ЛИФТОВИТЕ, ВРАТИТЕ, КОПЧИЊАТА, ОСВЕТЛУВАЊЕТО ВО ЛИФТОВИТЕ И СЛИЧНО, ВЕДНАШ ПРИЈАВЕТЕ ЈА КАЈ ПРЕТСЕДАТЕЛОТ НА ЗАЕДНИЦАТА
01.06.2019 НЕОВЛАСТЕНО ИСКЛУЧУВАЊЕ ВОДА ВО ЗГРАДАТА
ДЕНОВИВЕ ИМАВМЕ НЕСТРУЧНО И САМОВОЛНО ИСКЛУЧУВАЊЕ ВОДА ВО ЗГРАДАТА И ТОА:
1.ВОДАТА БЕШЕ ИСКЛУЧЕНА ВО САБОТА ВО 16.00 ЧАСОТ, ВРЕМЕ КОГА СИТЕ СЕ ДОМА И ВОДАТА ИМ Е НЕОПХОДНА!
2.НАМЕСТО КАЈ ХИДРОФОРИТЕ ИСКЛУЧУВАЊЕТО СЕ ИЗВРШИ ВО ШАХТАТА ПРЕД ЗГРАДАТА, ОД СТРАНА НА ПРИВАТНО АНГАЖИРАН ВОДОВОДЏИЈА, НЕ ВОДЕЈЌИ СМЕТКА ДЕКА ЕВЕНТУАЛНАТА ШТЕТА НА ВЕНТИЛОТ И НА ХИДРОФОРИТЕ ТРЕБА НИЕ ДА ЈА ПЛАТИМЕ.
3.ПРЕТСЕДАТЕЛОТ НА КУЌНИОТ СОВЕТ НЕ БЕШЕ ИЗВЕСТЕН
ПОРАДИ НАВЕДЕНОТО, А ПОРАДИ ИЗБЕГНУВАЊЕ НА ШТЕТА НА ВОДОВОДНИТЕ ИНСТАЛАЦИИ, ВЕ ИЗВЕСТУВАМЕ ДЕКА ИСКЛУЧУВАЊЕТО НА ВОДАТА ВО ЗГРАДАТА ЗАДОЛЖИТЕЛНО СЕ ВРШИ НА СЛЕДНИОТ НАЧИН:
1.ПРВО СЕ ИЗВЕСТУВА ПРЕТСЕДАТЕЛОТ НА ЗАЕДНИЦАТА НА СОПСТВЕНИЦИ КОЈ ЌЕ ВИ ОВОЗМОЖИ ДА ИСТАКНЕТЕ ПИСМЕНО ИЗВЕСТУВАЊЕ ВНАТРЕ ВО ОГЛАСНАТА ТАБЛА.
2.ПО ПРАВИЛО ВОДАТА СЕ ИСКЛУЧУВА ВО РАБОТНИ ДЕНОВИ, КОГА СТАНАРИТЕ НЕ СЕ ДОМА. ВО САБОТА И НЕДЕЛА СЕ ИСКЛУЧУВА САМО АКО ПУКНАЛА ЦЕВКА ИЛИ ИМА ДРУГ ИТЕН СЛУЧАЈ
3.ПРЕТСЕДАТЕЛОТ ЌЕ ВИ ОВОЗМОЖИ ИСКЛУЧУВАЊЕТО ДА ГО ИЗВРШИТЕ КАЈ НАШИТЕ ХИДРОФОРИ ВО ПОДРУМОТ НА ЗГРАДАТА.
4.ИСКЛУЧУВАЊЕ ВО ШАХТАТА ПРЕД ЗГРАДАТА СЕ ВРШИ ОД СТРАНА НА ЈП ВОДОВОД, САМО КАКО КРАЈНО РЕШЕНИЕ!
5.НЕПОЧИТУВАЊЕТО НА ОВАА ПРОЦЕДУВА ЌЕ ПРЕДИЗВИКА ПРИЈАВА ДО НАДЛЕЖНИТЕ ИНСТИТУЦИИ И ФАКТУРИРАЊЕ НА ПРИЧИНЕТАТА ШТЕТА И РАЗНИ ДРУГИ ТРОШОЦИ!
18.04.2019 - 25.04.2019 АКЦИЈА ЗА КОНТРОЛА НА ОСВЕТЛУВАЊЕТО НА ХОДНИЦИТЕ И ПРОМЕНА НА НЕИСПРАВНИ ЛЕД МОДУЛИ СО НОВИ.
13.04.2019 ЕВЕ КАКО ЛЕСНО СЕ ОШТЕТУВА ТУЃ ИМОТ. СО СИЛНО УДИРАЊЕ НА ВРАТАТА ОТПАЃААТ ПАРЧИЊА ОД ИСКРШЕНАТА ШАРКА!
01.03.2019 ПОДНЕСЕН Е ИЗВЕШТАЈОТ ПО ЗАВРШНАТА СМЕТКА И ГОДИШЕН ИЗВЕШТАЈ ЗА 2018 ГОДИНА - ПОГЛЕДНЕТЕ НА ОВОЈ ЛИНК
15.02.2019 НЕИСПРАВНИОТ СНИМАЧ ОД СИСТЕМОТ ЗА ВИДЕОНАДЗОР Е СМЕНЕТ СО НОВ, БЕСПЛАТНО
10.12.2018 НА ЦРНИОТ ЛИФТ МУ ИЗГОРЕ МОТОРОТ. МОТОРОТ Е ВИНКЛУВАН И ЛИФТОТ Е СТАВЕН ВО ФУНКЦИЈА ПОСЛЕ САМО ДВА ДЕНА
27.07.2018 СО БИТУМЕНСКА ХИДРОИЗОЛАЦИОНА ЛЕНТА ИЗВРШЕНО ЛЕПЕЊЕ НА НАПУКНАТАТА ХИДРОИЗОЛАЦИЈА НА КРОВОТ, ОД КОЈА ПРОТЕКУВАШЕ ВОДА ВО ХОДНИКОТ НА 17-ТИ СПРАТ
13.07.2018 ЗАМЕНАТА НА КОСИОТ ЛИМЕН КРОВ Е КОМПЛЕТНО ЗАВРШЕНА. СЕГА ЌЕ СЕ МОНТИРААТ НАДВОРЕШНИ ЛИМЕНИ ОЛУЦИ!
04.07.2018 ЗАМЕНА НА КОС ЛИМЕН КРОВ
ФАЗА 2 - ЗАМЕНА НА ЈУГОИСТОЧНАТА СЕКЦИЈА ОД КРОВОТ
01.07.2018 СОКОЛ ВО ПОСЕТА
13.06.2018 ЗАМЕНА НА КОС ЛИМЕН КРОВ - ИНВЕСТИЦИЈА НА СИТЕ СТАНАРИ И ДУЌАНЏИИ!
ФАЗА 1 - ЗАМЕНА НА СЕВЕРОЗАПАДНАТА СЕКЦИЈА ОД КРОВОТ
20.05.2018 ЗАМЕНЕТА НЕИСПРАВНА ЛЕД СВЕТИЛКА ВО ШАМПАЊ ЛИФТОТ- ЗВОНКО И САШО.
01.05.2018 НА САМИОТ ПРАЗНИК ИСТОВРЕМЕНО ЗАГЛАВИЈА СИТЕ ТРИ ЛИФТА, А ЗВОНКО ГИ ДЕБЛОКИРА.
20.04.2018 САШО ЗАМЕНИ НЕИСПРАВНА ПЛАФОЊЕРКА НА 4-ТИ СПРАТ
28.02.2018 ИЗВЕШТАЈ ПО ЗАВРШНА СМЕТКА И ГОДИШЕН ИЗВЕШТАЈ ЗА 2017 ГОДИНА - ПОГЛЕДНЕТЕ НА СЛЕДНИОТ ЛИНК
25.01.- 26.02.2018 ИЗБРАН Е НОВИОТ ЧЛЕН НА НАДЗОРНИОТ ОДБОР
Со 41 глас на сопственици на станови и дуќани кои поседуваат 56,29 % од зградата Ико Брдароски е избран за член на Надзорниот одбор.
12.02.2018 и 12.03.2018 ЗАМЕНЕТА НЕИСПРАВНА ПЛАФОЊЕРКА НА ПРИЗЕМЈЕ ПРЕД ЛИФТОВИТЕ
Неисправната плафоњерка е заменета со нова. Демонтажата и монтажата бесплатно ги направи Сашо.
05.01.2018 БАДНИКОВ ОГАН - ТРАДИЦИОНАЛНО
Бадник низ годините - ФОТОГАЛЕРИЈА
27.12.2017 ТЕКОВНО ОДРЖУВАЊЕ
На 14-ти спрат сменет прекинувач за светло, а во малиот „шампањ„ лифт заменети 6 ЛЕД сијалички со нови.
21.12.2017 НАМАЛУВАЊЕ ПРИХОДИ ОД ЗАКУП НА КРОВ
ФИРМАТА СУН ВИРЕЛЕСС КОРИСТЕШЕ ДЕЛ ОД КРОВОТ ЗА ПОСТАВУВАЊЕ АНТЕНА ЗА БЕЗЖИЧЕН ИНТЕРНЕТ И ПЛАЌАШЕ МЕСЕЧЕН ЗАКУП ОД 100 ЕУР. ДОГОВОРОТ ИСТЕЧЕ ВО МЕСЕЦ ЈУНИ 2017 ГОДИНА, НО ЗАКУПНИНА ПЛАТИЈА ДО 31.12.2017 ГОДИНА. СЕПАК, ПОРАДИ НАМАЛЕН ОБЕМ НА РАБОТА, НЕ ИЗВЕСТИЈА ДЕКА НЕМА ДА ЈА ПРОДОЛЖАТ СОРАБОТКАТА ВО 2018 ГОДИНА И НА ДЕН 21.12.2017 ГОДИНА АНТЕНАТА Е ДЕМОНТИРАНА.ПОРАДИ НАМАЛУВАЊЕТО НА ПРИХОДИТЕ СООДВЕТНО ЌЕ ГИ НАМАЛИМЕ И РАСХОДИТЕ.
11-17.12.2017 НАБАВЕНА НОВА ОГЛАСНА ТАБЛА
Од нашите пријатели Проект 42 од Куманово ја набавивме новата огласна табла
26.11.- 28.12.2017 ДОНЕСЕН ПЛАН ЗА ОДРЖУВАЊЕ НА ЗГРАДАТА ВО ПЕРИОДОТ 2018-2021
25.11.2017 ИЗБРАВМЕ ПРЕТСЕДАТЕЛ НА ЗАЕДНИЦАТА НА СОПСТВЕНИЦИ
Во периодот од 10.11.2017 до 13.11.2017 година сопствениците предлагаа кандидати за претседател. Согласно доставените предлози и записникот подготвен од Надзорниот одбор единствен кандидат предложен од 5 сопственици беше Александар Топаловски. Заклучно со 25.11.2017 година за предложениот кандидат гласаа 46 сопственици кои поседуваат 62,13% од зградата.
27.09.2017 ИЗВРШЕНА ЗАМЕНА НА НЕИСПРАВНА ВОДНА ПУМПА СО НОВА
Притисокот на водата во зградата се одржува со хидрофор-пумпи. До сега беа инсталирани три пумпи од кои едната беше исправна, а другите две не работеа. Поради тоа се изврши демонтажа на двете неисправни пумпи, наново се монтираше преработеното постоље и се монтираше нова италијанска пумпа од производителот SOGGIA од Италија. Новата пумпа има капацитет како двете стари пумпи! Доколку има потреба дополнително ќе се набави и трета пумпа.
26.09.2017 ИЗВРШЕНА ПОПРАВКА НА ОТПАДНАТА КВАКА НА ВЛЕЗНА ВРАТА
Кваката на влезната врата се разлабавила и отпаднала. Звонко и Сашо бесплатно извршија поправка.
17.09.2017 ИЗВРШЕНА ЗАМЕНА НА ПЛАФОЊЕРКА НА 4-ТИ СПРАТ
Неисправната плафоњерка е заменета со нова. Демонтажата и монтажата бесплатно ги направи Сашо. Замената е извршена бесплатно од фирмата добавувач, а во рамки на гарантниот рок.
06.09.2017 ЗАМЕНЕТА КОМАНДНАТА ТАБЛА НА ВОДОВОДНАТА ИНСТАЛАЦИЈА
СТАРАТА КОМАНДНА ТАБЛА НА ВОДОВОДНАТА ИНСТАЛАЦИЈА БЕШЕ ДОТРАЕНА, А ДВЕ ОД ТРИТЕ СКЛОПКИ БЕА ПРЕГОРЕНИ И НЕФУНКЦИОНАЛНИ.ПОПРАВКАТА ЌЕ ЧИНЕШЕ СКОРО КОЛКУ И НОВА МОДЕРНА ТАБЛА ПОРАДИ ШТО И СЕ ПРИСТАПИ КОН НАБАВКА НА НОВА ЕЛЕКТРОНСКА ТАБЛА.
03.09.2017 ХАВАРИЈА НА ЕКСПАНЗИОНИ САДОВИ
НА ДЕН 03.09.2017 ГОДИНА ВО 04:00 ЧАСОТ НАУТРО ПУКНАЛ ВЕНТИЛ НА ЕДЕН ЕКСПАНЗИОНЕН САД НА 17-ТИ СПРАТ, САДОТ ПАДНАЛ НА ПОДОТ, А ВОДАТА ТЕЧЕЛА НИЗ ХОДНИКОТ. СТАНАРИТЕ ОД 17-ТИ СПРАТ ГО ПОВИКАЛЕ ПРЕТСЕДАТЕЛОТ НА ЗАЕДНИЦАТА, А ТОЈ СО БРЗА ИНТЕРВЕНЦИЈА ЈА ЗАТВОРИЛ ВОДАТА И СПРЕЧИЛ ПОГОЛЕМА ШТЕТА. ВОЕДНО, ПОРАДИ ПРОТЕКУВАЊЕ НА ВОДА НИЗ ОКНАТА НА ЛИФТОВИТЕ, ЛИФТОВИТЕ БИЛЕ ДЕЛУМНО ПОПЛАВЕНИ ПОРАДИ ШТО ИСТИТЕ СЕ ИСКЛУЧЕНИ. ПО ИЗВРШЕНА ПРОВЕРКА ОД ФИРМАТА „ВАРДАР ЛИФТОВИ“ ПУШТЕНИ СЕ ВО УПОТРЕБА ДВА ЛИФТА. ТРЕТИОТ ЌЕ БИДЕ ПУШТЕН ПОСЛЕ ПРОСУШУВАЊЕ НА ВОДАТА. ВОДОВОДНАТА ИНСТАЛАЦИЈА ЌЕ ФУНКЦИОНИРА СО 3 ЕКСПАНЗИОНИ САДОВИ ДО ЗАВРШУВАЊЕТО НА ПОТРЕБНИТЕ ПРОВЕРКИ И КОНСУЛТАЦИИ СО СТРУЧНИ ЛИЦА И УТВРДУВАЊЕТО НА СЛЕДНИТЕ ЧЕКОРИ.
25.05.2017 ПРОБЛЕМИ СО ГУЛАБИТЕ
-ГУЛАБИ СЕУШТЕ СЛОБОДНО ВЛЕГУВААТ ВО ЗГРАДАТА ПОРАДИ СЛЕДНОТО:
-КОМШИИТЕ ОД СТАНОВИТЕ 53 И 56 НЕ ГИ ЗАТВОРААТ ВРАТИТЕ КОН ПРОТИВПОЖАРНИТЕ СКАЛИ
-НА КОМШИЈАТА ОД СТАН 46 ВО ПОВЕЌЕ НАВРАТИ МУ ПОНУДИВМЕ ПОМОШ ЗА ДА СЕ ЗАТВОРАТ МЕСТАТА ОД КОИ ВЛЕГУВААТ ГУЛАБИ, НО ДО СЕГА НЕ НАЈДЕ ВРЕМЕ ЗА ИСТОТО.
КОГА ЌЕ СЕ НАДМИНАТ ОВИЕ ПРЕЧКИ ПРОБЛЕМИТЕ СО ГУЛАБИТЕ ЌЕ СЕ РЕШАТ.
20.05.2017 НАДЗОРНИОТ ОДБОР ПОДНЕСЕ ИЗВЕШТАЈ
Надзорниот одбор поднесе извештај за работењето на претседателот на заедницата и за финансиското работење на заедницата за периодот 01.01.2014-31.12.2016 година.
23.05.2017 ЗАВРШИ ПОСТАВУВАЊЕТО ХИДРАНТСКИ ЦРЕВА И МЛАЗНИЦИ ВО ХИДРАНТСКИТЕ ОРМАНЧИЊА
19.04.2017 ИЗВРШЕНА ЗАМЕНА НА ПЛАФОЊЕРКА НА 4-ТИ СПРАТ
Неисправната плафоњерка е заменета со нова. Замената е извршена бесплатно, во рамки на гарантниот рок.
09.04.2017 ПОСТАВЕНА Е НОВА ПОДНА ПОДЛОГА ВО ТОВАРНИОТ ЛИФТ
Бобан и Сашо ја одстранија старата искината облога, подот е истружен од рѓа и премачкан со миниум. По сушењето се нанесе лепак, се постави новата подлога, а потоа и заштитните лајсни.
03.04.2017 НЕСОВЕСЕН КОМШИЈА ГИ КИНЕ СООПШТЕНИЈАТА
Еден наш комшија ги искина соопштенијата во врска со обезбедување пристап до хидрантските кутии. После проверка на снимките од безбедносните камери комшијата е замолен да не го уништува туѓиот труд. Доколку се повтори снимките ќе бидат доставени до надлежните институции.
20.03.2017 ИЗВРШЕНА ЗАМЕНА НА ПЛАФОЊЕРКА НА 13-ТИ СПРАТ
Неисправната плафоњерка е заменета со нова. Замената е извршена бесплатно, во рамки на гарантниот рок.
01.03.2017 ИЗВРШЕНА ЗАМЕНА НА ХАРД-ДИСК НА СИСТЕМОТ ЗА ВИДЕО-НАДЗОР
Неисправниот хард-диск од системот за видео-надзор е заменет. Услугата е извршена бесплатно, во рамки на гарантниот рок.
22.02.2017 ИЗВРШЕНА ЗАМЕНА НА ЕКСПАНЗИОНЕН САД НА 17-ТИ СПРАТ
Неисправниот експанзионен сад е заменет со нов. Предвидената замена на капи со вретена на два 5/4“ вентили во подрумот не се реализира бидејќи истите се запечени, но непречено функционираат. Претходно појавеното капење од вентилите во моментот е прекинато. Кога ќе се појави повторно капење и други проблеми во функционирањето вентилите ќе се заменат со сечење и поставување нови вентили.
20.02.2017 ИЗВРШЕНА ЗАМЕНА НА ШАРКИ НА ВЛЕЗНИ ВРАТИ И ШТЕЛУВАЊЕ НА ВРАТИТЕ
Поради деформираност на шарките и вратите истите не можеа автоматски да се затворат. Монтирани се неколку нови шарки, вратите се исправени, избушени се нови отвори за фиксирање на вратите и сега двете врати се затвараат.
16.02.2017 ДОНЕСЕН ПРОТИВПОЖАРЕН КУЌЕН РЕД
Подготвен е и дистрибуиран до сите сопственици „Противпожарен куќен ред“. Истиот е истакнат и на огласна табла.
19.01.2017 АКЦИЈА - ЧИСТИМЕ СНЕГ ПРЕД ВЛЕЗОТ
Денес го исчистивме снегот од пред влезот на зградата се до улицата. Во акцијата учествуваа Звонко (стан 34), Марјан (4), Зоран (40) и Звонко (33).
Претходно, на 16.01.2017 и 17.01.2017 Александар (59) и Златко (57) сами го чистеа снегот од пред влезот и амбулантата.
10.12.- 25.12.2016 ПОЖАРНИТЕ СКАЛИ СЕ ИСЧИСТЕНИ
Ангажиравме лице кое ги исчисти пожарните скали од секаков отпад кој беше оставен на истите. Беа одстранети шишиња, кутии, паркет, ормани, плакарчиња и што уште не. На крај пожарните скали се оспособени за користење во случај на потреба.
22.11. - 09.12.2016 ПОСТАВИВМЕ ЗАШТИТНИ МРЕЖИ И ЛИМОВИ ПРОТИВ ПТИЦИ
Поради големиот број гулаби кои се вгнездиле низ нашата зграда и нехигиената која ја ширеа поставивме 68 заштитни мрежи против птици на пожарните скали и 2 на кровот на зградата. Поставивме и заштитни лимови од задната страна на зградата. Монтажата на мрежите и лимовите заврши на 08.12.2016 година. Сега внатрешноста на зградата е недостапна за птиците.
27.07.2016 ЗАПОЧНА ОБНОВУВАЊЕТО НА ФАСАДАТА НА ЗГРАДАТА
Општина Карпош го прифати нашето барање за обновување на фасадата на зградата. Работите започнаа на 27.07.2016 година со поставување скеле.
20.07.2016 - 01.09.2016 ЗАМЕНЕТИ СЕ ВРАТИЧКИТЕ НА ПОШТЕНСКИТЕ САНДАЧИЊА
Претходна состојба:
Набавивме 68 нови вратички од производителот од Ваљево во Србија. Комшијата Спиро ја организира набавката и транспортот до Скопје.
Бобан, Звонко и Сашо два дена монтираа вратички на сандачињата, правеа корекции и конструираа делови кои недостасуваа.
07.06.2016 ВГРАДЕНА Е ОПРЕМА ЗА ЗАШТЕДА НА ЕЛЕКТРИЧНА ЕНЕРГИЈА ВО ПОДСТАНИЦА
Во соработка со БЕГ СНАБДУВАЊЕ во топлинската подстаница вградивме опрема со која се штеди електрична енергија. Циркулационата пумпа до сега работела 24 часа на ден, а од сега нема да работи во периодот кога испораката на топлинска енергија е во прекин (ноќе и во текот на денот кога температурите се повисоки). Очекуваме инвестицијата да се исплати за неколку месеци.
.06.2016 ПОСТАВЕНИ СЕ ТРИ КАПИ НА ВЕНТИЛАЦИЈАТА НА МАШИНСКИТЕ ПРОСТОРИИ ЗА ЛИФТОВИТЕ
Вентилационите цевки на машинските простории за лифтовите беа без заштитни капи. Поради тоа постоеше можност дожд и снег да паѓаат на моторите за лифтовите.
Извршена е набавка, монтажа и зацврстување со шрафови на три пластични заштитни капи на вентилационите цевки. Монтирано од претседателот и помошникот - бесплатно. Работите се извршени на врвот на зградата, 19-то ниво!
05.06.2016 ПОСТАВЕНА Е НОВА САЈЛА НА ОГРАДАТА ПРЕД ВЛЕЗОТ НА ЗГРАДАТА
Непознати деца ја искинале старата рѓосана сајла на оградата пред влезот на зградата. Сајлата ја заменивме со стара сајла од лифтовите.Монтирано од претседателот и помошникот - бесплатно.
29.05.2016 ПОСТАВЕНИ СЕ КАПАЦИ И КАТАНЦИ НА ИЗЛЕЗИТЕ ОД СКРИВНИЦИТЕ И КАПИ НА
ЦЕВКИТЕ ЗА ВЕНТИЛАЦИЈА
Излезите од скривниците беа без капаци, незаклучени и полни со ѓубре. Цевките за вентилација на скривниците беа без капа и полни со ѓубре. Ѓубрето се исчисти, се поставија капаци и се заклучи со катанци. Цевките се исчистија и се заварија капи за заштита.На крај боја за заштита и подобар изглед!
29.05.2016 ПОПРАВЕНИ СЕ ВРАТИТЕ НА МАШИНСКИТЕ ПРОСТОРИИ НА ЛИФТОВИТЕ
Вратите на машинските простории, кои се наоѓаат во поткровјето, не можеа да се затворат и заклучат. Вратите се затвараа со потпирање со камења!Шарките се преправија, се заменија бравите, се истружи вишокот материјал и вратите се затвараат и заклучуваат.
29.05.2016 ПОСТАВЕНИ СЕ СТАЛАЖИ ВО КАНЦЕЛАРИЈАТА НА ЗАЕДНИЦАТА НА СОПСТВЕНИЦИ
Канцеларијата на заедницата на сопственици се преуреди, се отстрани цевката од Ф-400 мм, се затворија отворите, се поставија носачи за сталажи и плочи од оплеменета иверка на носачите.
13.05.2016 ПОПРАВЕНА ОШТЕТЕНАТА ВЛЕЗНА ВРАТА
Еден комшија ја оштетил влезната врата на зградата со ставање котур од хартија помеѓу крилото и рамката на вратата. Со котурот ја држел вратата отворена додека внесува ствари во зградата. Но, котурот не го отстранил и си заминал. При следното затварање на вратата шарките се искривиле. Ангажиравме мајстор кој изврши замена на една оштетена шарка, исправање на другите искривени шарки на вратата, исправање на искривените алуминиумски профили на вратата, штелување шарки, штелување на двете крила на вратата со пакнување на стаклата, штелување на амортизер и штелување на брава.
28.12.2015 ЕНЕРГЕТСКА ЕФИКАСНОСТ - ИНВЕСТИРАВМЕ ВО ШТЕДЛИВИ СИЈАЛИЦИ
СИТЕ ПЛАФОЊЕРКИ ОД ПРИЗЕМЈЕ ДО 17-ти СПРАТ ГИ ЗАМЕНИВМЕ СО СОВРЕМЕНИ ЛЕД-ПЛАФОЊЕРКИ КОИ ТРОШАТ САМО 12 W, А СВЕТАТ КАКО 100 W. НА ОВОЈ НАЧИН ВКУПНАТА ПОТРОШУВАЧКА НА СТРУЈА ЗА ОСВЕТЛЕНИЕ ОД 1.200 W ЈА НАМАЛИВМЕ НА 240 W, ОДНОСНО ЗА 5 ПАТИ! ПОКРАЈ ТОА ТРИТЕ ПЛАФОЊЕРКИ ВО ВЛЕЗОТ СЕ ВКЛУЧУВААТ ПРЕКУ СЕНЗОР НА ДВИЖЕЊЕ СО ШТО ДОПОЛНИТЕЛНО СЕ ШТЕДИ СТРУЈА. ОЧЕКУВАМЕ ОВАА ИНВЕСТИЦИЈА ДА СЕ ИСПЛАТИ ЗА 6-7 МЕСЕЦИ ПРЕКУ ЗАШТЕДА НА СТРУЈА. ВОЕДНО, ПЛАФОЊЕРКИТЕ ИМААТ ГАРАНЦИЈА ОД 24 МЕСЕЦИ, А РОКОТ НА ТРАЕЊЕ ИЗНЕСУВА ДО 30.000 ЧАСОВИ.
28.12.2015 ИСЧИСТЕН РАМНИОТ КРОВ НАД ВЛЕЗОТ ВО ЗГРАДАТА
РАМНИОТ КРОВ НАД ВЛЕЗНАТА ПАРТИЈА ГО ИСЧИСТИВМЕ ОД НАСОБРАНА ЗЕМЈА, ПЕСОК, ПТИЧЈИ ИЗМЕТ И ЃУБРЕ. ИЗНЕСЕНИ СЕ ДВЕ ПОЛНИ ТАМЧИЊА! НА ОВОЈ НАЧИН ЌЕ ГО СПРЕЧИМЕ ПРОТЕКУВАЊЕТО НА ВОДА ПРЕКУ ТАВАНОТ НА ВЛЕЗНАТА ПАРТИЈА НА ЗГРАДАТА.
17.11.2015 ЗАМЕНЕТА САЈЛА НА МАЛИОТ ДУПЛЕКС ЛИФТ
Сајлата на малиот дуплекс лифт се искина од дотраеност. Извршена е нејзина соодветна замена.
19.02.2015 ДОБИЕН АТЕСТ ЗА ИСПРАВНОСТ НА ЛИФТОВИТЕ
Фирмата ЦИРКО изврши технички преглед на лифтовите и ни издаде сертификат. Со сертификатот се потврдува дека лифтовите се безбедни за користење. ЦИРКО е акредитирано инспекциско тело при Машинскиот факултет во Скопје.
28.01.2015 ЗАШТИТЕНИ СЕ ЕКСПАНЗИОНИТЕ САДОВИ СО ПОСТАВУВАЊЕ ВРАТА
На 17-ти спрат се наоѓаат експанзионите садови за регулирање на притисокот на водата за пиење во зградата. Поставивме метална врата за да го ограничиме пристапот до садовите.
28.01.2015 ЗАШТИТЕНА Е ПОДСТАНИЦАТА ЗА ПАРНО ГРЕЕЊЕ
Влезот во подстаницата за парно греење го оградивме со метална конструкција и поставивме камера за надзор. Сега нема своеволно исклучување, испуштање вода и пукнати ребра при нестручно пуштање на водата.
12.05.2014 ОБИЧНИТЕ ОСИГУРУВАЧИ ЗАМЕНЕТИ СО АВТОМАТСКИ
Електричните осигурувачи на Заедницата на сопственици ги заменивме со автоматски. Покрај тоа и поголем дел од комшиите вложија сопствени средства и ги заменија сопствените осигурувачи во таблите на приземје.
22.03.2014 ЗАМЕНЕТО ИСКРШЕНОТО ОГЛЕДАЛО ВО ЛИФТОТ
НА ДЕН 22.03.2014 г. ВО ПЕРИОДОТ ОД 14:00 ДО 20:30 ЧАСОТ НЕКОЈ ГО СКРШИЛ ОГЛЕДАЛОТО ВО МАЛИОТ ЛИФТ. СЕ РАБОТИ ЗА ШТЕТА КОЈА НАЈВЕРОЈАТНО Е ПРЕДИЗВИКАНА ОД УДАР СО ПЕДАЛА ОД ВЕЛОСИПЕД. БИДЕЈЌИ СТОРИТЕЛОТ НЕ СЕ ПРИЈАВИ ДОБРОВОЛНО ДА ЈА НАДОМЕСТИ ШТЕТАТА ЗАЕДНИЦАТА НА СОПСТВЕНИЦИ ГО ЗАМЕНИ ОГЛЕДАЛОТО. СЕКАКВИ НЕ ИМА!
14.01.2014 ПОСТАВЕН Е СИСТЕМ ЗА ВИДЕО НАДЗОР ВО ВЛЕЗОТ НА ЗГРАДАТА
Монтирани се четри надзорни видео камери, една кај домофонската табла, една кај поштенските сандачиња, една кај лифтовите и една во топлотната подстаница. Во канцеларијата е монтиран видео-снимач и сето тоа е поврзано во еден систем. Сега имаме 24 часовен видео надзор навлезните партии во зградата.
25.10.2013 РЕНОВИРАНИ СЕ ПАТНИЧКИТЕ ЛИФТОВИ
Со кредит од банка ги реновиравме двата патнички лифтови.
18.10.2013 ВАНДАЛИЗАМ - ОБИЕНА ВЛЕЗНА ВРАТА, СКРШЕНО СТАКЛО, ОШТЕТЕН АМОРТИЗЕР
Поради направениот вандализам договорено е поставување видео надзор на влезната партија на зградата.
19.06.2012 ПОСТАВЕНИ СЕ ПОДНИ ПЛОЧКИ ВО ВЛЕЗОТ И МОЛЕРИСАНА Е ВЛЕЗНАТА ПАРТИЈА
Набавени и поставени подни плочки во влезот на зградата, кај домофонската табла. Воедно, целата влезна партија, од лифтовите до домофонската табла е молерисана.
25.11.2011 ПОСТАВЕНИ СЕ НОВИ ДОМОФОНИ
Поставени се нови домофонски слушалки во становите и нова домофонска табла во влезот. Извршени се потребните преспојувања и домофонскиот систем е предаден во употреба.
27.09.2011 ПОСТАВЕНА Е НОВА АЛУМИНИУМСКА ВЛЕЗНА ВРАТА
Демонтирана е старата железна врата и монтирана е нова алуминиумска влезна врата во зградата.
11.02.2011 ОТПОЧНАТА ПОСТАПКА ЗА ОТКУП НА ЗЕМЈИШТЕ ПОД ЗГРАДА
Отпочната е постапката за откуп на земјиштето под зградата со подготовка на соодветни елаборати и поднесување на барање преку адвокат.
01.11.2010 СО ТЕЛЕКОМ СКЛУЧЕН ДОГОВОР ЗА ЗАКУП НА ДЕЛ ОД КРОВОТ
Со Телеком склучивме договор за издавање под закуп на дел од кровот. Месечната закупнина изнесува 300 Евра, а закупот започна од 01.11.2010 година
13.01.2010 ЗАЕДНИЦАТА НА СОПСТВЕНИЦИ Е КОНСТИТУИРАНА И ЗАВЕДЕНА ВО ЦЕНТРАЛЕН РЕГИСТАР
администратор - звонко
Copyright © sites.google.com/site/vic28skopje/ 2010 . Сите права се заштитени