مشر منظور پښتون

د جنوبي پختونخوا د چمن ښار د کاميابۍ جلسي په وياړ او ټول لر او بر افغانانو ته مبارکي وايم.

نن پی تی ایم چمن کى د مشر منظور پښتون په شتون کئ پرتمينه غونډه

وکړه،د مشر منظور له راتګه وروسته د چمن جلسې ځاى سره نزدې شاوخوا روډونو او کلیو کې دپښو ایښودلو ځاى نه شو وو دچمن غېرتي ولس ته د کاميابه جلسې مبارکي وايم افرين ملګرو!

د چمن نننۍ جلسې دا په زغرده جوته کړه چې لر او بر افغان ولس نوی سياست او نوی ځوان مشر غواړي دا جلسې د پښتون افغان

د وروروالۍ لپاره کیږي.

هغوی چې د پی تی ایم مرګ ته ناست وو،خپله يې د ځان جنازه په اوږو کړه، ( په لراوبر کې امن غواړو )

منظور پشتين په ريښتيا هم ډېر پوه رهبر دی. هر ځل د پښتنو مخې ته د داسې خبرو سره حاضريږي، چې ډېر پښتانه ورڅخه ناخبره دي. نن يې د چمن په غونډه کې خبرې وکړې، ما يې خبرې ټکی په ټکی ليکلي، لاندې يې ولولئ.

دغه شار ډېر لوی غم لري. د چمن شار د پښتنو په غميزو کې يو جلا حيثيت لري. د دغه شار پښتانه هره ورځ په دغه دروازه (د کندهار او کوټې ترمينځ دروازه) ډېر دردېدلي تيريږي را تېريږي. د دغه شار په دروازه کې هره ورځ د پشتنو له کار او بار غلاګانې کيږي. د دغه شار يوازې پرېښودل به د پښتنو د بې اتفاقي نښه وي، ځکه خو مونږ دلته راغلو چې تاسې قطعا يوازې نه ياست، مونږ ټول درسره ولاړ يو.

څه موده مخکې دلته مولوي حنيف شهيد کړای شو. پشتنو هغه ته هيڅ انصاف وانشو اخيستی. د چمن دشار په دروازه کې ډېر پشتانه شهيدان او ټپي کړای شو، پشتانه دومره غريب دي، چې بيا د زخميانو د تداوي لپاره پيسې قرض کړي، هغه يې بيا دوه يا درې راتلونکي نسلونه نه شي خلاصولی. ولې دا جبر پشتنو سره وشو؟ پي ټي ايم همدا سوال پورته کوي.

نن د دې شار لوي کار او باريان هم ورک دي. نن ورځ اسدخان اچکزی، شاولي او محمدنبي ورک دي. د دوي پوشتنه پي ټي ايم کوي. دوي ولې ورک دي؟ رياست ولې د دوي پيدا کولو کې ناکام دی؟

ملګرو؛ دا غميزه يوازې د دې شار نه ده. غميزه د ټول پشتون ولس دی. مونږ به ټول يو او بل سره ودريږو. مونږ ولې نن يو او بل سره مينه لرو؟ په دې تاسې پوهيږئ؟ زمونږ او ستاسې رشته د پنځه زره کالو ده. دا د نن ورځې مينه نه ده. زمونږ په لا شعور کې د پنځه زره کاله څخه يو او بل سره مينه پرته ده. چې څه وخت هم د پشتانه غږ شي، مونږ ټول سره راټول شو.

زمونږ په دردولو او ځورولو دوي (پنجاب) ډېرې ډالرې وګټلې، پښتانه بې اسرې پاته شوي و. تېر کال په ننګرهار کې په يو جومات کې يوه دمهاکه (چاودنه) وشوه. 87 پښتانه پکې شهيدان شول. هلته د يوې مور پنځه ځامن و، د هغې پنځه واړه ځامن پکې شهيدان شول. زمونږ ميندې غريبې دي، چې يوه زانګو واخلي، بيا ټول په هغې کې را لوي کوي. هغې پښتنې مور نور څه نه لرل، يوه زانګو يې لرله، پنځه ځامن يې په هغه يوه زانګو کې را لوي کړي و. هغې ته يې اور ورکړ. مونږ دا په لر او بر وطن کې چې پښتنې ميندې بې وسه شوي، د هغوي اوښکې ختمې شوې، مونږ دا جنګ ختمول غواړو.

په زرګونو او په لکونو پشتانه ورک دي او بې ګناه بغير د محکمې شهيد کړای شوي. دوي (پنجاب) پښتنو ته واک يا محکمه نه ورکوي. خو د هندوستان د را يو ممبر (غړی) و، هغه پاکستان نيولی. پاکستان وايي، هغه دمهاکې (چاودنې) کړي. خو هغه ته عدالت هم ورکوي. هغه بې درکه هم نه دی. پاکستان هغه ته حق او عدالت ورکوي، خو پشتنو ته يې نه ورکوي. پشتانه دلته يو بلواک ژوند تېروي.

دوي (پاکستاني رياست) مونږ ته وايي چې ستاسې لهجه سخته ده. خو دوي خبر نه دي چې مونږ مړي لرو او ټپي ټپي يو. مونږ اوس هم ډېر نرم يو. زمونږ نيکونو مونږ ته ويلي چې کږې خولې يوازې په سوک سميږي. خو مونږ بيا هم تاته عامه خبره وکړه.

ملګرو؛ زمونږ دغه خبره خبره چې ته پښتانه مه وژنه. هغه هم ونه منل شوه. ولې ونه منل شوه؟ ولې يې وژني؟ تاسې ته د دې پته شته؟ په دې خاوره باندې جنګ کول يو تاريخ لري. په 19 صدۍ (پېړۍ) کې په دې خاوره پراکسي جنګ د روس او برتانيه تر مينځ و. په 20 صدۍ کې د امريکې او روس ترمينځ و. داسې ښکاري چې د امريکې او چين تر مينځ هم يوه بله لوبه روانه ده.

ای پشتنو؛ تاسې خپل مينځي يووالی وکړئ. لږ را لوړ شئ، هغوي (پنجاب) مقابله نه شي راسره کولی. هغوي حتا زمونږ غږ څخه ډاريږي. زمونږ د تش غږ د اورېدو جرئت نه لري.

يوه خبره صفا (پاکه) کوم چې پنجاب يې سم واوري. مونږ اوس را لوړ شوي يو. په دې خاوره (د پشتنو په خاوره) به زورواکي او بل واکي ختموو، يا به مو سر کټ کيږي. دلته به نور د وطن يا کفن خبره عملي کيږي.

کاپي