زه افغان یم

زه افغان یم زه پختون یم پيښورې یم

په ټول جهان کي چي یادیږم زه هغه ننګیالې يم

‎لا د ځمکی تل کې ایشي، تللې وینې د ځلمیانو

لا د دوی د تودو خاورو، سره گلونه راغوړېږي

لا زموږ په ارادو کې، عشق د منډو غلی نه دی

شپه که هرڅه توفانی ده، څراغونه لا بلېږي

لا وطن خلک رابولي، د مېړانو معرکو ته

لا هغه ژڼي ژوندی دي، چې تر هوډه قربانېږي

لا د وینو واټ پرانستی، لېونتوب دی لېونو ته

لا په پښو کې د مستانو، ځنځیرونه سره شلېږي "لایق"‎

"پاکستان د سیمې د ژاندارم په توګه زموږ ملي هویت له منځه وړي.

پاکستان نه یواځي دا چي د تروریزم مرکزدی بلکه د بشر د حقونو هديره ( قبرستان ) هم ګڼل کیږي پاکستان نه یواځي دا چي یو دموکراتیک هیواد نه دی بلکه د آزادي بخښونکو عناصرو او غورځنګونو بندخونه ده. څه موده مخکي جاوېد قمر باجوا د ۹ قل اوردوګانو د بولندویانو غونډې ته وویل چي موږ باید په سیمه کي له سیمه ایزو او مفکوروي موخو څخه په زغرده دفاع وکړو یاني د انګرېزانو د سیاست په اساس د مذهبی مفکوري څخه په استفادې د اوږدمحاله موخو لپاره ګټه پورته کړو. پاکستان د تروریزم او په افغانستان کي د بې ثباتي اصلي عامل دی او همدارنګه تروریزم د دې هیواد د سیاسي اهدافو لپاره يوه سرشاره مالي سرچينه ګرزېدلې ده او په سیمه کي د تروریزم عمده ملاتړی او روزونکی دی چي د امریکا د شنو ډالرو په مرسته یې د هغوي د تشکل او لارښوونې چارې په لاس کي نیولي دي . پاکستان د خپل تشکل له پیل څخه په سیمه کي د خپلو جیو ستراتېژیکو او جيوپلیټیکو موخو د لاس ته راوړلو لپاره له سیاسي فشار، تروریزم او ډله ایزو وژنو څخه کار اخستی دی.

په ۱۸۴۰ کال کي کله چي د افغانستان په سر د ستر ګېم لوبه د تزاري روسيې او برتانېي تر منځ پیل شوه انګرېزانو په راز راز دروهو لاس پوري کړ او د اوږدې مودې د سیاسي موخو لپاره په ۱۹۳۳ کال کي د پاکستان د جوړېدو لپاره کار پیل کړی دی او په ۱۹۴۷ کال کي کله چي په دې باندي پوه شول چي دوۍ د هند نیمه وچه نوره په خپله ولکه کي نه شي ساتلی نو په سیمه کي د خپل اغېز د ساتلو لپاره بې له دې چي د دې هیواد جغرافیه، ملي ځانګړتیاوې، کلتور، ژبه او DNA په نظرکي ونیسي په مصنوعي توګه د مذهب په اساس په دوو برخو مسلمان او غیر مسلمان ووېشه او یو نوی هیواد يې د پاکستان تر نامه لاندي جوړ کړ چي په دې سیمه کي همغه رول لوبوي کوم چي اسرائیل یې په منځني ختیځ کي لوبوي. مسلمانانو لکه خان عبدالغفارخان، ابوالکلام آزاد او نورو مسلمانانو له دې سره مخالفت وکړ. دپاکستان له جوړېدو وروسته کله چي شاه محمود خان صدرعظم شو انګرېزانو ته يې ولیکل چي تر اټکه پوري مېښت پښتانه ازادي غواړي نو دهغوي برخلیک باید وټاکل شي خو انګرېزانو ورته ولیکل چي دا په ۱۹۲۱ کال کي د افغانانو او برتانوي هند تر منځ حل شوې ده. د ۱۹۴۷ کال د جون په ۲۱ نېټه زلمي پښتون جمعیت علمای سرحد چي په هغه کي پاچاخان او د وزیرستان ملي مبارز میرزاعلي خان چي په اي پي فقیر مشهور وو په بنو کي یوه تاریخي جرګه جوړه کړه او فیصله يې وکړه چي پښتانه نه هند غواړي او نه پاکستان بلکه پخپله یو خپلواک دولت غواړي. د پاکستان له جوړېدو سره سم د پښتنو پر ضد د انګرېزانو عمل ته ورته ( لکه په ۱۹۳۰ کال کي د پېښور په قصه خواني کي د خدايي خدمتګارانو په سوله ایز لاریون د انګرېزانو برید چي ۳۰۰ کسان په شهادت ورسېدل، په خدايي خدمتګارانو د میدان د ټکر برید چي په لسګونو شهیدان يې لرل، په صوات کي د خدايي خدمتګارانو اونورو افغانانو په لاریونونو د اوډي ګرام برید چي ډير کسان په کي شهیدان شول، په وزیرستان کي په خیسور کي د انګرېزانو برید چي په لسګونو خلک يې شهیدان کړل، په ۱۹۳۰ کال کي په بنوڅیانو، خټکو او مروتو باندي د بنو د سپین تنګي برید او دې ته ورته نور) دروهې پیل شوې او مبارزین او مشران يې تر سیاسي فشار لاندي راوړل جیلونو ته يې واچول او ترور يې کړل او حتی د دوۍ په عامه وژنو يې پیل وکړ د ساري په توګه د بابړې غمیزه ( د ۱۹۴۸ کال د نومبر ۱۲ نېټه ) چي د پښتون ستر ټبر کربلا هم ورته ویلی شو چي له ۶۰۰ څخه زیات کسان شهیدان او په زرګونو خلک ټپیان شول، د مغلګۍ پېښه چي د افغان د تاریخ یوه توره ورځ ده په ۱۹۴۹ ( ۱۳۲۸ ) د جون په ۱۲ نېټه د پکتیا ټولو قومونو غوښت چي د اي پي فقیر په ملاتړ مغلګۍ ته ولاړ شي له صفري خط څخه تير شول او مرامشا ته يې ځانونه رسول. دری ورځې په اتڼونو باندي له ډولونو سره په حرکت کي ول دریمه ورځ مغلګۍ ته نژدي په دې اتڼونو بمبارد وشو او تر ۱۰۰ کسانو پوري شهیدان او ډېر زیات کسان ټپیان شول، په ۱۹۷۳ کال کي د ذوالفقارعلي بهوټو په وخت کي په راولپنډۍ کي په لیاقتباغ کي يې د نشنل عوامي پارټي په سوله ایز لاریون باندي حمله وکړه او ډېر تلفات يې ور واړول او بالاخره د پي. ټي. ایم په سوله ایز لاریون د خړ کمر د پوستې ډزې چي د دې غورزنګ په لسګونو کسان په کي شهیدان او ټپیان شول.

پاکستان د خپلې ستراتېژیکې ژورتیا لپاره غواړي د موږ په عنعنوي هویت کي ګوتي ووهي او هڅه کوي چي د موږ افغاني هویت کمزوری کړي او حتی که وکولی شي له منځه يې یوسي د دې موخې لپاره يې په پاکستان کي د اسلامي بنسټپالنې ځالي جوړي کړې دي او د امریکا د ډالرو په مرسته يې له مذهبي تنظیمونو څخه ګټه پورته کړه او ملي او دموکراتیک عناصر يې د کفر او الحاد په نامه غیر ناحق متهم او کمزوري کول. سره له دې چي افغانیت او اسلامیت د موږ د ملي هویت دوه غوره برخې دي خو د تنظیمي بنسټپالو ډلو او بیا وروسته د طالبانو په مرسته اسلامیت ته ترجیح ورکول کېدله او ورکول کیږي او افغانیت کمزوری کوي وطنپالنه يې په جهاد باندي بدله کړه. د پاکستان پوځ او آی اس آی له اسلامي مفکورې څخه د یوي اساسي پروژې په توګه کار اخلي او د خپلې ستراتېژیکي ژورتیا موخو ته ځان رسوي. که د هیواد ملي او دموکراتیک او ترقي غوښتونکي ځواکونه د ملي یووالي په روحیه او افغاني او اسلامي ورورګلوي په فضا کي لاس په کار نه شي هیواد مو د یوه ژور ناورین خوا ته روان دی."

ر. پکتین

”که پنجاب وايي کابل ته نه

شې تللی زه به کابل ته هم ځم ۔ مشر منظور پشتین

هسي مو ماخوستن ويل چي څنګه کيدايسي چي يو به ده پشتنو غونډه کيږی او موږ به نه ورځو

ده دوي سترګې پټې وي موږ راورسيدل

مشر منظور پشتون چمن جلسه

په 6 دسمبر 2020 به په کراچۍ کې دا پشتون ژغورنې غورځنګ دا کراچۍ ښار جلسه وې

مشر منظور پشتین