برېښنایی پيژند پاڼه یا تذ کره

برېښنایی پيژند پاڼه یا تذ کره د کرزي صاحب مصلحتي حکومت جوړولو سره دومره پردیپالو ته موکې (موقع) په لاس ورغله چې اوس زمونږ ملي هویت افغانیت او اسلامیت وییو (کلمو) سره هم حساسیت ښیي . دا غمیزه د کرزی صاحب د راتلو نه په لمړی ځل چې زمونږ روحي زمولتیا ته یو لوی ګوزار ؤ پیل شوه .

-- په ملي سرود کې د ځینو کړیو دښمني او ضدیت ددې لامل وګرځید چې د ټولو قومونو نومونه په ملي سرود ګې یاد شول. دا خپله د افغان ویي (کلمه) سره ضدیت ښودل وؤ . دا خو بسیا کوله چې د قومونو نومونو په ځای یوازې افغان یاد شوی وای ، ځکه ټول قومونه چې افغانستان کې اوسیږی افغانان دي. نو د افغان ویی(کلمه) په ملي سرود کې زمونږ ملي وحدت به یې بډای کړی وای . خو اوسمهال د ملي وحدت هلې ځلې د ژورې کندې په تل کې پریوتي دي . نور څومره سمتي او دولتي اپارتاید وزغمو او دا مو تر اوسه وزغمل . -- د شمال نظار شورا په دې وتوانیدل چې د امریکا او انګریز تر سیورې لاندې ، افغانستان کې يه هره برخه کې د انحصار منګولي ټینګي کړي .همدا اوس چې دوولس کاله تیریږي ، اویا سلنه حکومتي چارواکي د همدې شمال نظار شورا غړي دي . چې افغانستان یې اداري فساد کې اټلوالې کچې ته پورته کړی دئ . -- په شمال کې د لسهاو زرو افغانانو ځمکې ، کورونه او شتمني یې د جنګسالارانو او جابرانو لخوا په وچ زور ورنه اخیستل شوي او خاوندان یې اوس هم تر کیږدې لاندې په نیستي او بیوزلي هیواد په سویل او نورو ځایو کې د زغم شپې او ورخې تیروي . -- د کوچیانو څرځایونه چې قوالې او اسناد د امان الله خان له وخته په جیب کې لري په کبر او زیاتی ورڅخه پردي شول ، خو د اولس آرامولو په وجې هیهت لیږل کیږي او پایله یې ناڅرګنده وي . هر څوک پوهیږي چې غوا توره او شیدې یې سپیني دي .حق او عدالت تله دولتي چارواکو په مزاج بده لګیږي . -- په مزارشریف کې څلورلارې د وژل شوو ایراني جاسوسانو په نامه نومول کیږي خو کلتور وزیر سترګې تړي دا ځکه چې په زړه کې ایران پاله ده . -- ښاغلې حنیف اتمر پوهنې پخوانی وزیر په کابل کې د عدالت په چوکاټ کې څو ټولګي د پښتانو په غوښتنه پښتو کړل

، خو د پردیپالو او متعصبانو د نه زغمولو په وجې د دې بهیر ستناو او خنډ شول او د افغان اولس ډیرکیو ژبه پښتو سره اپارتاید ه پالیسي په ډاګه کړه .

-- د خوشحال خان بابا لیسه د محسني په ولکه کې شوه او هلته د ایران تګلیاره وده مومي . -- طالبانو سره د روغې او سولې شورا مشر او ځیني غړي یې بایده ده چې د سپیڅلو او بې پلوه کسانو څخه جوړه شوي وای تر څو مثبته پایله درلودلئ . له بده مرغه دا شورا هم د شمال نظار شورا تر اغیزې لاندې پرېوته ، ځکه پایله یې یوازې د شورا په غړو لګښت کول دي . افغان ځپل شوی اولس اوس هم روغې او سولې ته سترګې په لاره دي .

-- په کانکور آزموینه کې د ډیرو با استعدادو ځوانانو د لوړو زده کړو حقوق غضب کیږي . متل ده چې وایي . لمر په دوه ګوتو نه پټیږي . څنګه کیدای شي چې د داي کوندي او جاغوري ټول زده کوونکي په لوړو لمبرو پوهنتون ته لار مومي . د وزارت تدریسات عالي اپارتاید څخه ټول هیوادوال خبر دي.

-- ایران او پاکستان په افغانستان کې د کلتوري ، سیاسي او اقتصادي یرغل تر څنګه ، جګړه ییزې لانجې ته هم لمن وهي . د دوی موخه په افغانستان کې د پښتو ژبې او د پښتانو ځپل دي . په اقتصادي ډګر کې افغانستان د دوي دمالونو د خرڅلاو بازار ګرځیدلی . ځینې افغان دښمنه کړی چې پردیپاله دي د ملي ګټو پرځای هغوی ته په مرئیتوب غوږ نیولی ، او همدا وجه ده چې د سلما اوبو بند او هم د کونړو په سیند د بندونو مخنیوي کیږي . له بله خوا دا ګاوند هیوادونه هرکله چې وغواړي په مونږ تېل او لارې بندوي خو زمونږ چارواکي د تریخ غبرګون په نه ښودلو سره هغوی ته د افغانستان د خاورې نیولو لاره پرانیستله . اوس نو زمونږ په ملي هویت ګوزارونه او ګواښونه پیل شول . دا ګاوند هیوادونه نه یوازې پښتو ځپي ، خو دري ژبې ته هم د ایراني وییو(لغاتو) په وجه ستر ګواښ پیښوي. -- اولسي جرګې او مشرانو جرګې کې ملي ارزښتو ته پابند وکیلان او دملت رښتیني استازي محدود دي. له بده مرغه ډیر یې د پردیو په چوپړتوب بوخت او تعصباتو ته لمن وهي . داسې کسان افغان ملت ته پالوال ندي ، او د ملت سپیڅلي استازي په خپلو دسیسو کې ښکېلوي .

-- امریکا،انګریز او ټولیز ډول ناټو، ملګرو ملتومؤسسه او د بشري حقوقو مخکښان دپښتانو سره له پیله د مور او میرې چلند خپل کړي دي .د دې متمدن هیوادو غیر بشري او غیر انساني پښتون وژنې پالیسي اوس هم په بیرحمې سره دوام لري . نیکسن منډیلا چې دعدم تشدد خوځښت یې دسویلي افریقا د سپین پوستکو اپارټاید پرضد په لاره اچولئ ؤ ، وروسته له ډیرو ستونځو ، ځندان او ربړو ګاللو سره وتوانید چې برلاسي تر لاسه کړي . هغه نوموړی څو ورځې دمخه د اوږدې رنځوري وروسته ومړ. د مړینې په مراسم کې د امریکا ولسمشر اوباما او پخواني ولسمشران کارتر او بوش همداسې د نورو نړی اولسمشران او هم د افغانستان اولسمشر کرزي صاحب ګډون کړی ؤ . زه کرزي صاحب ، اولسمشر اوباما او د نورو نړی مشرانو ته وایم که د نیکسن منډ یلا لاره خوښوی نو ولې افغانستان کې د اولسواکې په ځاي سمتي او دولتي اپارټاید پلي کیدو کې رغنده رول لوبوی . په زرها عالیرتبه پوځیاڼ ، ملکي پخواني چارواکي او متخصصین کورنا ستي شوي دي ځکه چې د کرزی صاحب په مصلحتي حکومت کې پښتانو ته دکار کولو بست پوره وي . افغانستان د مصلحتي حکومت په انحصار کې اچول شوی نو ځکه وزګارتوب او اقتصادي ستونزه د بیوزله اولس دشمځي اډوکئ یې ورکوږ کري ده . پلازمېنه کابل کې په دفاترو، ښوونځیو، پوهنځیو او په ټولیز ډول رسنۍ یا خپرندویه وسیلې پښتو ژبې سره د مور او میرې دریځ خپل کړی او د اساسي قانون حق یې یوازې په لیکپاڼو کې کښل شوي خو عملي بڼې ته یې اپارتاید وزمه کړی په هیواد کې د ننه او هم ګاوند هیوادونه خنډ ګرځي .

– لوګر کې که څه هم بشپړه ټیکاو شتون نلري خو بیا هم د لوګر بیلابیلو ښوونځیو زده کوونکې او زده کوونکو په کانکور ازموینه کې برخه واخیستله . دوی د ازموینې پایلې او پوهنځیو کې د شاملیدو په تمه د لوړو زده کړو خیال کې زنګېدل چې زړه بوګنوونکئ خبر ترلاسه شو . هغه دا چې د تدریساتو وزارت بیا یو ځلې بې مسؤلیته ډله ګمارلې وه چې ددې ځوانانو د کانکور ازموینپاڼې د قلعچې لختي په ناولو اوبو کې لاهو کړي دي. دې اپارتاید سره وزیر صاحب بیا هم وزارت ټینګ په خپلې ولکه کې ساتلی دئ او راتلونکي کې داسې پېښې به لا ډیرې شي. – اولسي جرګې د جګړې قاتلان او د کابل ویجاړوونکو ته ابرأ ورکولو سره غټ اوبال په ځان ومنلو. دوی خدای (ج) او اولس ته مختوري دي. – ایران لخوا کرزي صاحب ټیم ته په پلاستیکي کڅوره کې دالر ورکولو ډالۍ پایله دا شوه چې ایران په کلتوري، سیاسي او اقتصادي برخه کې پراخه یرغلیز دریځ تر څنګه افغانستان ته پټ پوځي ګوزارونه د مخالفینو په پلمه ور ورسوي. په دالرو مست حکومتي چارواکي نه یوازې د ملت چغ نه اوري خو خپلې ماملې ایران سره روانې ساتي. او داسې نور .............. – په پای کې دټولو قومونو هیواد پاله افغانانو نه غواړم چې د یووالي په تغر راټول شي او دهغو پردیپالو ټالي څټو کړی هیواد کې دننه او هم ایراني ښکيلا کګرو او پنجابي او نورو هیواد دښمنو ته غاښ ماتوونکی ځواب ووایي. اولس برېښنایي پیژند پاڼې چې افغانیت او اسلامیت په کې کښل شوي نه وي هغه به وانخلي . داسې بې هو یته پیژند پاڼې بې هویته کسانو ته دې مبارک وي . اولس به دمدني حقوقو په درشل کې عدم تشد د ملي پاڅون به په لاره واچوي تر څو چې خپل حقه حقوق ترلاسه کړي. افغان اولس میرڅنو او پردیپالو ناسمه چلند ژوندون تلویزیون سره او د کلتور وزارت اپارتاید دریځ او د څارنوالې ناسمه پریکړه چې د اولس ملي چینل ژوندون خپرونې ودروي د خلکو غوسه و پاروله . پراخو لاریونو وښوده چې اولسي ملي چینل ژوندون څوک بندولی نشي. افغان اولس به په سر او مال د افغانیت، اسلامیت ساتنه کوي. غبنوونکو دا غوښتل چې د ملي او ولسي ټلویزیون ژوندون خپرونې ودروي او د اولس غږ په ستوني کې وچ کړي . له ښه مرغه د پردیپالو دسیسې شنډې شولې . د ملي خوځښت مشر او ملي اولسي ټلویزیون ژوندون بنسټ ایښودونکۍ ښاغلی پوهنوال اسماعیل یون ته دخدای(ج) څخه د لا ډیرو برلاسیو دعا کوو. افغان میړنئ اولس به د افغانیت ، اسلامیت او انسانیت په داعیه کې تل درسره مل وي. راتلونکي ۱۳۹۳ کال ولسمشرې ټاکنو دپاره جنګ سالارانو ډلې ټپلې جورې کړي او موخې ته د رسیدو په لار به د هر شانته درغلیو او دسیسو نه ډډه ونکړي. دوی یواځې ندي او هغو سره افغان دښمنه کړی او بهرني هیوادو ملاتړ شته ده. افغان اولس ته ښایي چې د ولسمشرې نوماندانو په ډله کې هغه چاته ووټ ورکړي چې په ملي خیانتو ککړ نه وي او زمونږ ملي هویت سره دښمني ونه لري.افغانیت ، اسلامیت او دهیواد ملي ګټو ته ژمن وي. هیله ده چې اولس خپل ووټ و نه پلوري اوخپل ګډون سره په ټاکنو کې ایماني او وجداني دنده ترسره او په رڼښتو ټاکنو سره هغه چاته ووټ ورکړي چې د افغانستان د خاورې بشپړتیا او ملي ګټو ته پالوال وي.