सम्पादकीयम्

वर्तमानकाले पर्यावरणे, स्वास्थ्ये, मानवीयसंवेदनासु, पारिवारिक-सामाजिकसम्बन्धेषु, वैयक्तिकचरित्रेषु च यदा विभीषिका दृश्यते, तदा सम्पूर्णस्य विश्वस्य दृष्टिः भारतं भारतीयतां च प्रति आकृष्यते। भारतीयज्ञानपरम्परा जातिधर्मवर्णादिनिर्विशेषैः सकललोककल्याणकारिणी अस्ति। अत एतत् सर्वं मनसि निधाय संस्कृताध्येतृभिः संस्कृतानुसन्धातृभिश्च संस्कृतशास्त्राणां युगधर्मितादृष्ट्या अध्ययनम् अनुसन्धानं च कर्तव्यम्। समकालमेव तैः अन्तर्जालानां (Websites), सङ्गणकानां (Computers), माध्यमसमुच्चयस्य (multimedia), प्रयुक्तितन्त्रांशानां (Soft wares) च प्रयोगेऽपि पटुताऽर्जनीया, येन नवाचारे नवोन्मेषे च तेषामग्रभूमिका भवेत्। अतः अस्माभिः पुनरपि विश्वस्मिन् विश्वे नवाचारप्रयोगद्वरा भारतीयज्ञानपरम्परायाः संरक्षणं संवर्धनं कर्तव्यं, लोककल्याणाय च तत्परोगः कर्तव्यः।

शास्त्रेषु नवचारः इत्यस्यार्थः नवीनसन्दर्भेषु प्राचीनशास्त्राणां प्रयोगः, तथा शास्त्रीयानुसन्धानक्षेत्रे नवीनवैज्ञानिकतन्त्राणां प्रयोगः। आधुनिकसन्दर्भेषु प्रायोगिकतायाः प्रवृत्तिः नवाचारस्य नवोन्मेषस्य च आधारभूमिः। शास्त्रेषु नवचारप्रयोगद्वारा प्राचीनशास्त्राणां आधुनिकपरिस्थितिसु उपयोगिता प्रतिष्ठते। अन्तर्जालस्य (Websites), सङ्गणकस्य (Computers), माध्यमसमुच्चयस्य (multimedia), प्रयुक्तितन्त्रांशानां (application soft wares) च प्रयोगद्वारा शास्त्रीयनवाचारक्षेत्रे नवीनक्रान्तिः आविष्कृतास्ति। एतेन तथ्यानां संग्रहे सरलता, दत्तांशानां प्रस्तुतौ सहजता तथा नवीनाविष्कृतेः अपावृताभिगमे पटुता आयाति।

शास्त्रेषु नवाचारोपयोगद्वारा प्रचीनज्ञानस्य न केवलं नवीनत्वम् उत्पद्यते अपितु नवीनसन्दर्भेषु आधुनिकपरिस्थितिसु च शास्त्राणाम् उपयोगिता सिद्ध्यति, येन समाजस्य जनसामान्यस्य च हिताय प्राचीनशास्त्राणां व्यापकतया प्रयोगे सौकर्यं भवति।

सुज्ञानकुमारमाहान्तिः

मुख्यसम्पादकः

शास्त्रमञ्जूषा, प्राची प्रज्ञा 

The śāstramañjūṣā, Peer Reviewed Research Papers on Indology 15th Issue  of Volume VIII, December, 2022

https://sites.google.com/site/praachiprajnaa/sastramanjusa