उद्घाटनसत्रम् –

13.03.2026तमे दिनाङ्के संङ्गोष्ठ्याः उद्घाटनसत्रम् उत्कलविश्वविद्यालयस्य कुलपतेः प्रो.यज्ञेश्वरदण्डपतमहोदयस्य मुख्यातिथित्वे, बिहारप्रदेशस्थ-राजेन्द्रप्रसादविश्वविद्यालयस्य कुलाधिपतिचरस्य प्रो.प्रफुल्लकुमारमिश्रमहोदयस्य मुख्यवक्तृत्वे  तथा दिल्लीस्थस्य केन्द्रीयसंस्कृतविश्वविद्यालयस्य प्रकाशनविभागस्य संयुक्तनिदेशकस्य प्रो.सुज्ञानकुमारमाहान्तिमहोदयस्य सारस्वतातिथित्वे सुसम्पन्नम्। उद्घाटनसत्रे  कुलपतिना प्रो.यज्ञेश्वरदण्डपतमहोदयेन संस्कृतभाषायाः महत्त्वं तथा आधुनिककाले संस्कृतलेखनस्य उपयोगिता प्रतिपादिता। राजेन्द्रप्रसादविश्वविद्यालयस्य कुलाधिपतिचरेण प्रो.प्रफुल्लकुमारमिश्रमहोदयेन समकालिकसंस्कृतरचनाधर्मितायाः वैशिष्ट्यानि उद्गीर्णानि। सारस्वतातिथिना प्रो.सुज्ञानकुमारमाहान्तिमहोदयेन उत्कलराज्यस्य संस्कृतरचनायाः बहु-आयामिस्वरूपं प्रतिपाद्य “अद्यत्वे न केवलं काव्यकथादीनामपितु भारतीयज्ञानपरम्परायाः विविधान् पक्षान् – गणित-आयुर्वेद-खगोलशास्त्र-कृषिशास्त्र-विमानशास्त्र-भाषाशास्त्रादीन् अवलम्ब्य नवनवरचनाः भवेयुः” इति न्यगदत्। संङ्गोष्ठ्याः समन्वयकेन उत्कलविश्वविद्यालयस्य संस्कृतविभागाध्यक्षेण  प्रो.ब्रजसुन्दरमिश्रवर्येण सर्वेभ्योऽतिथिभ्यः धन्यवादार्पणं कृतम्। सम्मेलनस्य सत्रेऽस्मिन् उत्कलविश्वविद्यालयस्य संस्कृतविभागाध्यक्षचरेण प्रो.रघुनाथपण्डामहोदयेन तथा काशीहिन्दूविश्वविद्यालयस्य संस्कृतविद्याधर्मसङ्कायस्य व्याकरणशास्त्रस्य सहाचार्येण डा.प्रियव्रतमिश्रमहोदयेन, आचार्यसच्चिदानन्दमिश्रमहोदयैः, संस्कृतविभागस्य च्छात्रच्छात्राभिः   अन्यैश्च बहुभिः विद्वद्भिः स्वीयभव्योपस्थित्या सनाथीकृतम्। उद्घाटनसत्रस्य सञ्चालनं डा.धर्मेन्द्रदाशमहोदयेन कृतम्।

शोधपत्रवाचनसत्राणि –

13.03.2026तमे दिनाङ्के संङ्गोष्ठ्याः उद्घाटनसत्रस्य परं त्रीणि शोधपत्रवाचनसत्राणि आयोजितानि यत्र प्रो.रघुनाथपण्डा-डा. धर्मेन्द्रदाश-आचार्यसच्चिदानन्दमिश्र-डा.मेनकाराणीसाहु-आचार्यसुज्ञानकुमारमाहान्ति- डा.विभूति-भूषणमहापात्रप्रमुखैः विद्वद्भिः सत्राध्यक्ष्यं सम्पादितम्। संस्कृतसाहित्यं प्रति निरञ्जनदाशस्यावदानम्, श्रीजगन्नाथभक्तितत्त्वं प्रति कविरश्मिश्रीब्रजकिशोरत्रिपाठिन: योगदानस्य समीक्षणम्, आचार्यव्रजसुन्दरमिश्रस्य कृते: कीर्तेश्च विहङ्गवीक्षणम्, सिन्दूरशौर्ये देशात्मबोध:, निसर्गनायिकाकाव्यस्य काव्यकलाविमर्शः, भारतवर्षम् : अपरेऽपि ये नचिकेतस:, ओडिशाया: समकालीनसंस्कृतसाहित्ये दार्शनिकचिन्तनम्, उत्कलस्य भारतीकेशरिपण्डितप्रबोधकुमारमिश्रस्य संस्कृतसाहित्यं प्रति अवदानम्, कोणार्ककाव्ये शिल्पवैभवस्य अध्ययनम्, कोणार्ककाव्ये नारीमनस्तत्त्वम् : एको दृष्टिपात: चेत्यादिषु शीर्षकेषु शोधपत्राणि बहुभिः विद्वद्भिः शोधच्छात्रच्छात्राभिश्च शोधपत्राणि पठितानि।

    14.03.2026तमे दिनाङ्के चत्वारि शोधपत्रवाचनसत्राणि प्रत्यक्षरीत्या तथा एकम् आन्तर्जालीयं सत्रम् आयोजितं, यत्र प्रो.प्रतिभामञ्जरीरथ-प्रो.बनमालिबिश्वाल-डा.दुःशासनओझा-प्रो.मनोरञ्जनसेनापति- डा.मधिसूदनमिश्र-डा.सुजितमिश्र-डा.प्रतापचन्द्रत्रिपाठि-पराम्बाश्रीयोगमाया-प्रभृतिभिः  विद्वद्भिः सत्राध्यक्ष्यं सम्पादितम्। सत्रेषु एषु Contemporary Sanskrit Story Writings of Odisha, Contemporary Sanskrit Writings of Odisha, क्रिया-आधारित: श्रौतविचार:, उत्कलीयाधुनिकसंस्कृतसाहित्ये नवीनवस्तुयोजना, Reimagining Tradition: Post Modern Voices in Sanskrit Writings from Odisha, Cultural Tapestry of Nath Cult: Unravelling Socio-Cultural Dynamics in rural Odisha, Harekrushna Satapathy: Tradition and Innovation, कोणार्ककाव्ये उत्कलप्रदेशस्य स्थापत्यपरंपरा, The Integration of Tradition and Modernity: A Study of Valentine's Day Sandesha by Prof. Banamali Biswal, कविवनमालिविश्वालस्य यात्रावृत्तान्तपद्यकाव्यानां समीक्षणम्, War, Sacrifice and National Memory:

A Multidimensional Study of The Kargil Kāvyam, हरेकृष्णमेहेरविरचिते मातृगीतिकाञ्जलिकाव्ये देशप्रेम, अर्वाचीनसंस्कृतसाहित्यसमृद्धये बुद्धेश्वरषडङ्गिनः अवदानम्, Contemporary Sanskrit Stories of Prof. Banamali Biswal, Tradition of Bhaktikavya in Contemporary

Sanskrit Literature, Modern Sanskrit Literary Movement in Odisha: A Study of Selected Contemporary Poets, हरेकृष्णमेहेरस्य मातृगीतिकाञ्जलिकाव्ये समयगीतिका - एकं परिशीलनम्, स्वातन्त्रयोत्तरसंस्कृतसाहित्यं प्रति प्रबोधकुमारमिश्रस्य अवदानम्, कविरवीन्द्रकुमारपण्डाविरचितस्य श्रीप्रतापचन्द्रचरितमहाकाव्यस्य समीक्षणम्, संपर्क: इति कथासंग्रहे नारीचेतना, तदेव गगनं सैव धरा - इति काव्ये कविमनीषा, बनमालिविश्वालस्य काव्येषु अन्योक्ति: प्रबोधकुमारमिश्रविरचिते प्रज्ञादूते जगत्स्वरूपविमर्श:, ओडिशाया: समकालीनसंस्कृतलेखनपरंपरायां संपदानन्दमिश्रस्य भूमिका, प्रफुल्लकुमारमिश्रस्य परिव्राजक-उपन्यासे दार्शनिकं विवेचनम्, कनकवर्षचरितमहाकाव्यस्य प्रकृतिवर्णनम् Contemporary Sanskrit Expressions in Odisha: A Study of Acharya Digambara Mohapatra's Works चेत्यादिषु शीर्षकेषु शोधपत्राणि बहुभिः विद्वद्भिः शोधच्छात्रच्छात्राभिश्च शोधपत्राणि पठितानि।

कविसमवायः

    अवसरेऽस्मिन् 14.03.2026तमे दिनाङ्के एकः कविसमवायः अपि आयोजितः यत्र प्रो.प्रफुल्लकुमारमिश्र-प्रो.अरुणरञ्जनमिश्र-प्रो.सुज्ञानकुमारमाहान्ति-प्रो.ब्रजसुन्दरमिश्र-डा.प्रियव्रतमिश्र- प्रो.प्रतिभामञ्जरीरथप्रभृतिभिः विविधानि स्वरचितकाव्यानि प्रस्तुतानि।

समापनसत्रम्

    14.03.2026तमे दिनाङ्के उत्कलविश्वविद्यालयस्य संस्कृतविभागाध्यक्षचरस्य प्रो.गोपालकृष्णदाशमहोदयस्य तथा शान्तिनिकेतनस्य संस्कृतविभागाध्यक्षचरस्य प्रो.अरुणरञ्जनमिश्रस्य मुख्यसारस्वतातिथित्वेन समापनमभूत्।

संङ्गोष्ठ्याः सफलसमन्वयनम् उत्कलविश्वविद्यालयस्य संस्कृतविभागाध्यक्षेण  प्रो.ब्रजसुन्दरमिश्रवर्येण विहितम्।