Легенды і паданні зямлі пад белымі крыламі

Мы рады вітаць Вас, дарагія сябры! 

Сардэчна запрашаем прыняць удзел у інтэрнэт-праекце 

"Легенды і паданні зямлі пад белымі крыламі"! 

      Мы нарадзіліся ў краіне, якая завецца Беларусь. Мы - беларусы! Беларусь – краіна блакітных азёр, густых лясоў і бяскрайніх палёў. Мы ганарымся нашай Радзімай, яе прыродай, яе таленавітымі людзьмі. 

      У кожнага з нас ёсць свая малая Радзіма - той куточак, дзе мы нарадзіліся, дзе жывуць нашы бацькі і сябры, дзе знаходзіцца наш родны дом. Для кагосьці малая Радзіма – родная вёсачка, родны горад. Для кагосьці - вуліца або ўтульны дворык з арэлямі. Словам, малая Радзіма ў кожнага свая! 

    Кожны чалавек павінен ганарыцца той мясцінай, дзе нарадзіўся і жыве, павінен любіць свой родны куточак, сваю малую радзіму, як часцінку нашай Бацькаўшчыны. 

    "Любіць сваю Радзіму - значыць ведаць яе", - сказаў В.Р.Бялінскі. Мы прапануем Вам больш глыбока  пазнаёміцца ​​з гісторыяй, культурнымі традыцыямі роднага краю праз вывучэнне легенд і паданняў.

 «Бог дзяліў між народамі землі. Адным – тое, другім – тое. Прыйшлі беларусы… Вельмі ж пану Богу спадабаліся. Ён і пачаў нас надзяляць: “Рэкі даю вам поўныя, пушчы – нямераныя, азёры – нялічаныя… Зажэрціся на багатай зямлі не дам, каб былі ўвішныя, кемлівыя, але і голаду ў вас ніколі не будзе. Наадварот, у голад людзі будуць да вас прыходзіць. Не ўродзіць бульба, то ўродзіць жыта ці яшчэ нешта. А яшчэ звяры і дзічына ў пушчах чародамі, рыбы ў рэках – касякамі, пчолы ў вуллях – мільёнамі. А травы – як чай. Не будзе голаду. Жанчыны ў вас будуць прыгожыя, дзеці – дужыя, сады – багатыя, грыбоў ды ягад – заваліся. Людзі вы будзеце таленавітыя, на музыку, песні, вершы – здатныя. І будзеце вы жыць ды жыць..” » 

Уладзімір Караткевіч