About Jamwanthali

મારું ગામ

ઉભેઉભી કોઈ ક્ષણોને બીબામાં મેં ઢાળી દીધી છે;

હતી કોઈ ગુલમહોરી ડાળો અરીસે વીંટાળી દીધી છે !

અરે! કોઈ વડવાઈ માથે લટકતા આ સપના ને પૂછો;

અમારા જ હાથે અમે સ્વપ્નભારી ઉછાળી દીધી છે !

નથી ગામ પાદર કુવા પાવઠા કઈ અમથા જ આંખે ;

મળી જે ગલીમાં બધી સ્મૃતિઓને પખાળી દીધી છે !

પ્રગટશે અહીં થાંભલામાં કદાચિત નરસિંહ જેવું ;

નરી આંખમાં જે કીડીની કતારો હુંફાળી દીધી છે !

ના વાગે કશુયે ના ચુગે કશુયે સમયના નગારે ;

બધી હસ્તરેખાઓ ભૂંસી દઈ હાથતાળી દીધી છે !

–દીપક ત્રિવેદી