Nitolbu r-Ruzarju

Kif titlob ir-Rużarju

Fl-isem tal-Missier u tal-Iben u tal-Ispirtu s-Santu. Ammen.

Alla tagħna, isma t-talb tagħna, eħles għinna u ieqaf magħna.

Glorja lill-Missier, u lill-Iben u lill-Ispirtu s-Santu.

Kif kien mill-bidu, issa u dejjem, u jibqa għal dejjem ta’ dejjem. Ammen.

Marija Santissima, urina li inti ommna: għalik jisma t-talb tagħna, Ġesù li twieled għalina u ried ikun Ibnek bħalna.

O Ġesu tiegħi, aħfrilna dnubietna eħlisna min-nar ta’ l-infern, ħu l-ġenna l-erwieħ kollha, speċjalment lil dawk li l-aktar għandhom bżonn tal-ħniena Tiegħek.

• Fil-bidu ta’ kull posta, jitħabbar il-“misteru” biex ikun ikkontemplat, eżempju, l-ewwel misteru tal-ferħ “It-Tħabbira”.

IL-MISTERI TAR-RUŻARJU

IL-MISTERI TAL-FERĦ:

(Jingħadu nhar ta’ Tnejn u nhar ta’ Sibt)

1. Meta l-Anġlu Gabrijel ħabbar lil Sidtna Marija li kellha tkun Omm Alla
2. Meta Sidtna Marija marret iżżur lill-qariba tagħha Santa Eliżabetta.
3. Meta Sidna Ġesù Kristu twieled fil-Għar ta’ Betlehem.
4. Meta Sidtna Marija ppreżentat lil Binha Ġesù fit-Tempju.
5. Meta Sidtna Marija tilfet lil Binha Ġesu u wara tlett ijiem sabitu fit-tempju jiddisputa mad-dutturi.

IL-MISTERI TAD-DAWL:

(Jingħadu nhar ta’ Ħamis)

1. Meta Sidna Ġesù Kristu tgħammed fix-xmara Ġordan.
2. Meta Sidna Ġesù Kristu wera min hu fit-tieġ ta’ Kana.
3. Meta Sidna Ġesù Kristu ħabbar is-Saltna t’Alla u sejjaħ għall-indiema.
4. Meta Sidna Ġesù Kristu tbiddel quddiem l-Appostli fuq il-muntanja Tabor.
5. Meta Sidna Ġesù Kristu waqqaf l-Ewkaristija, it-tifkira tal-Misteru tal-Għid.

IL-MISTERI TAT-TBATIJA:

(Jingħadu nhar ta’ Tlieta u nhar ta’ Ġimgħa)

1. Meta Sidna Ġesù Kristu għamel l-orazzjoni fl-ort tal-Ġetsemani u għereq l-għaraq tad-demm.
2. Meta Sidna Ġesù Kristu kien marbut mal-kolonna u fflaġellawh.
3. Meta Sidna Ġesù Kristu kien inkurunat bix-xewk.
4. Meta Sidna Ġesù Kristu kien imgħobbi bis-salib mingħand Pilatu sal-Kalvarju.
5. Meta Sidna Ġesù Kristu kien mislub fuq is-salib u wara tliet sigħat ta’ l-agunija miet.

IL-MISTERI TAL-GLORJA:

(Jingħadu nhar ta’ Erbgħa u nhar ta’ Ħadd)

1. Meta Sidna Ġesù Kristu qam minn bejn l-imwiet.
2. Meta Sidna Ġesù Kristu tela’ s-sema.
3. Meta Sidna Ġesù Kristu bagħat l-Ispirtu s-Santu fuq l-Appostli.
4. Meta Sidtna Marija ġiet imtella’ s-sema bir-ruħ u l-ġisem.
5. Meta Sidtna Marija ġiet inkurunata mit Trinità Qaddisa.

• Wara pawsa qasira għar-riflessjoni, tingħad il-“Missierna”, għaxar “Sliem Għalik Marija” u “Glorja”.

Missierna li inti fis-Smewwiet, jitqaddes Ismek, tiġi saltnatek, ikun li trid int, kif fis-sema hekkda fl-art. Ħobżna ta’ kuljum agħtina llum, aħfrilna dnubietna bħalma naħfru lil min hu ħati għalina, u la ddaħħalniex fit-tiġrib, iżda eħlisna mid-deni. Ammen.

Sliema għalik, Marija, bil-grazzja mimlija. Il-Mulej miegħek, imbierka inti fost in-nisa, u mbierek il-frott tal-ġuf tiegħek, Ġesù. Qaddisa Marija, Omm Alla, itlob għalina, midinbin, issa, u fis-siegħa tal-mewt tagħna. Ammen

Glorja lill-Missier, u lill-Iben, u lill-Ispirtu s-Santu.Kif kien mill-bidu, issa u dejjem, u jibqa' għal dejjem ta' dejjem. Ammen.

• Tista’ tiżdied invokazzjoni wara kull posta.
• Wara li jingħadu l-ħames misteri, tingħad is-“Sliema Għalik Sultana”:

Sliem għalik, Sultana, omm tal-ħniena, ħajja, ħlewwa u tama tagħna, sliem għalik. Lilek ingħajjtu, għaliex aħna tturufnati, ulied Eva; lilek nitniehdu, aħna li nibku u nolfqu f’dan il-wied tad-dmugħ. Ejja, mela, avukata tagħna, dawwar lejna dawk l-għajnejn tiegħek tal-ħniena; u wrina, wara dan it-turufnament, lil Ġesù, frott imbierek tal-ġuf tiegħek. O Ħanina, o pija, o ħelwa Verġni Marija. Ammen.

• Għall-intenzjoni tal-Papa.

hawnhekk jistgħu jingħadu: “Missierna”, “Sliema Għalik Marija”, u “Glorja”.

• Fit-tmiem ir-Rużarju, tingħad il-Litanija ta’ Loreto jew xi talba Marjana oħra.

Il-Litanija ta’ Loreto

Mulej, ħniena. Mulej, ħniena.

Kristu, ħniena. Kristu, ħniena

Mulej, ħniena. Mulej, ħniena.

Kristu, ismagħna. Kristu, ismagħna

Kristu, ilqa’ t-talb tagħna. Kristu, ilqa’ t-talb tagħna

Missier Etern Alla. Ħenn għalina

Iben Alla, li fdejt id-dinja. Ħenn għalina

Spirtu Qaddis Alla. Ħenn għalina

Trinità Qaddisa Alla wieħed. Ħenn għalina

Imqaddsa Marija. Itlob għalina

Imqaddsa Omm Alla. Itlob għalina

Imqaddsa Xebba tax-xbejbiet. Itlob għalina

Omm ta’ Kristu. Itlob għalina

Omm il-Knisja. Itlob għalina

Omm tal-grazzja ta’ Alla. Itlob għalina

Omm l-iżjed safja. Itlob għalina

Omm l-iżjed nadifa. Itlob għalina

Omm u xebba. Itlob għalina

Omm bla tebgħa. Itlob għalina

Omm li tistħoqq l-imħabba. Itlob għalina

Omm ta’ l-għaġeb. Itlob għalina

Omm tal-parir it-tajjeb. Itlob għalina

Omm ta’ min ħalaqna. Itlob għalina

Omm ta’ min salvana. Itlob għalina

Xebba kollok għaqal. Itlob għalina

Xebba li tistħoqq kull qima. Itlob għalina

Xeba li tistħoqq kull foħrija. Itlob għalina

Xebba kollok setgħa. Itlob għalina

Xebba kollok ħniena. Itlob għalina

Xebba dejjem marbuta m’Alla. Itlob għalina

Mera tal-qdusija. Itlob għalina

Tron tal-għerf. Itlob għalina

Bidu tal-ferħ tagħna. Itlob għalina

Għamara ta’ l-Ispirtu s-Santu. Itlob għalina

Għamara ta’ kull grazzja. Itlob għalina

Għamara ta’ kull tjieba. Itlob għalina

Warda mistika. Itlob għalina

Torri ta’ David. Itlob għalina

Torri ta’ l-avorju. Itlob għalina

Dar tad-deheb. Itlob għalina

Arka tar-rabta l-ġdida. Itlob għalina

Bieb tas-sema. Itlob għalina

Kewkba ta’ filgħodu. Itlob għalina

Saħħa tal-morda. Itlob għalina

Kenn tal-midinbin. Itlob għalina

Faraġ ta’ l-imnikktin. Itlob għalina

Għajnuna ta’ l-insara. Itlob għalina

Sultana ta’ l-Anġli. Itlob għalina

Sultana tal-Patrijarki. Itlob għalina

Sultana tal-Profeti. Itlob għalina

Sultana ta’ l-Appostli. Itlob għalina

Sultana tal-Martri. Itlob għalina

Sultana tal-Konfessuri. Itlob għalina

Sultana tal-Verġni. Itlob għalina

Sultana tal-Qaddisin kollha. Itlob għalina

Sultana mnissla mingħajr l-ewwel tebgħa. Itlob għalina

Sultana mtellgħa s-sema. Itlob għalina

Sultana tar-Rużarju Mqaddes. Itlob għalina

Sultana tal-familja. Itlob għalina

Sultana tal-paċi. Itlob għalina

Ħaruf t’Alla, li tneħhi d-dnubiet tad-dinja: Aħfrilna, nitolbuk, Malej.

Ħaruf t’Alla, li tneħhi d-dnubiet tad-dinja: Ismagħna, nitolbuk, Mulej.

Ħaruf t’Alla, li tneħhi d-dnubiet tad-dinja: Ħenn għalina.

Itlob għalina qaddisa Omm Alla:

Biex ikun jistħoqqilna dak li wegħdna Kristu.

Nitolbu

Għati lilna qaddejja tieghek, Mulej Alla, nitolbuk, li ingawdu dejjem is-saħħa tar-ruħ u tal-ġisem: u bl-interċessjoni tal-imqaddsa u glorjuża Marija dejjem Verġni, nkunu meħlusin mid-dwejjaq ta’ issa, u ngawdu l-hena ta’ dejjem. Bi Kristu Sidna. Ammen.

Fl-isem tal-Missier, u tal-Iben u tal-Ispirtu s-Santu. Ammen.

• il-Litanija ta’ Loreto bil-Latin:

Litaniae Lauretanae

Kyrie, eleison Christe, eleison.

Kyrie, eleison.

Christe, audi nos. Christe, exaudi nos.

Pater de caelis, Deus, miserere nobis.

Fili, Redemptor mundi, Deus, miserere nobis.

Spiritus Sancte Deus, miserere nobis.

Sancta Trinitas, unus Deus, miserere nobis.

Sancta Maria, ora pro nobis

Sancta Dei Genetrix, ora pro nobis

Sancta Virgo virginum, ora pro nobis

Mater Christi, ora pro nobis

Mater Ecclesiae, ora pro nobis

Mater Divinae gratiae, ora pro nobis

Mater purissima, ora pro nobis

Mater castissima, ora pro nobis

Mater inviolata, ora pro nobis

Mater intemerata, ora pro nobis

Mater amabilis, ora pro nobis

Mater admirabilis, ora pro nobis

Mater boni Consilii, ora pro nobis

Mater Creatoris, ora pro nobis

Mater Salvatoris, ora pro nobis

Virgo prudentissima, ora pro nobis

Virgo veneranda, ora pro nobis

Virgo praedicanda, ora pro nobis

Virgo potens, ora pro nobis

Virgo clemens, ora pro nobis

Virgo fidelis, ora pro nobis

Speculum iustitiae, ora pro nobis

Sedes sapientiae, ora pro nobis

Causa nostrae laetitiae, ora pro nobis

Vas spirituale, ora pro nobis

Vas honorabile, ora pro nobis

Vas insigne devotionis, ora pro nobis

Rosa mystica, ora pro nobis

Turris Davidica, ora pro nobis

Turris eburnea, ora pro nobis

Domus aurea, ora pro nobis

Foederis arca, ora pro nobis

Ianua caeli, ora pro nobis

Stella matutina, ora pro nobis

Salus infirmorum, ora pro nobis

Refugium peccatorum, ora pro nobis

Consolatrix afflictorum, ora pro nobis

Auxilium Christianorum, ora pro nobis

Regina Angelorum, ora pro nobis

Regina Patriarcharum, ora pro nobis

Regina Prophetarum, ora pro nobis

Regina Apostolorum, ora pro nobis

Regina Martyrum, ora pro nobis

Regina Confessorum, ora pro nobis

Regina Virginum, ora pro nobis

Regina Sanctorum omnium, ora pro nobis

Regina sine labe originali concepta, ora pro nobis

Regina in caelum assumpta, ora pro nobis

Regina Sanctissimi Rosarii, ora pro nobis

Regina familiae, ora pro nobis

Regina pacis, ora pro nobis

Agnus Dei, qui tollis peccata mundi, parce nobis, Domine.

Agnus Dei, qui tollis peccata mundi, exaudi nobis, Domine.

Agnus Dei, qui tollis peccata mundi, miserere nobis.

Ora pro nobis, Sancta Dei Genetrix, Ut digni efficiamur promissionibus Christi.

Oremus.

Concede nos famulos tuos, quaesumus, Domine Deus, perpetua mentis et corporis sanitate gaudere: et gloriosa beatae Mariae semper Virginis intercessione, a praesenti liberari tristitia, et aeterna perfrui laetitia. Per Christum Dominum nostrum.

Amen.