1. JARDUERA (HORMA-IRUDIA)

HORMA-IRUDI MOTIBATZAILEA.

· Irakasleak gortina batzuk jarriko ditu horma-irudia estaltzeko, eta poliki-poliki erakutsiko die ikasleei; aldi berean, galdetuko die:

ZER IKUSTEN DUZUE? ZER LEKU DA? ZER DAGO?

Irakasleak jaitsiko du berriro gortina eta denon artean komentatuko dute ikusitakoa.

· Irakasleak horma-irudia agerian utziko du, ikasleek osorik ikus dezaten, eta galdetuko die zer ikusten ari diren:

KALE BAT, PARKE BAT, ALA MUSEO BAT OTE DA?

ZERI BURUZKOA DA MUSEOKO ERAKUSKETA?

JENDE ASKO ALA GUTXI DAGO?

ZERTAN ARI DIRA?

· Eskatu ikasleei garraiobideen izenak esateko, garraiobide bakoitza non ibiltzen den kontuan hartuta: itsasokoak, airekoak eta lehorrekoak. Irakasleak ikasleek esandako garraiobideen izenak idatziko ditu arbelean.

· ASMAKIZUN JOLASA

Ume batek horma-irudian agertzen den garraiobide baten definizioa emango du, eta beste batek zein den asmatu beharko du.

ADIBIDEZ: LURREKOA DA, BI GURPIL DITU ETA ZUEN INDARRA BEHAR DU MUGITZEKO.

BIDAIA JARRAITZEKO PREST? IGO BERRIRO ETA GOAZEN AURRERA!!