2016年既1月2日2至1月24日，係香港有史以黎最凍既幾日，我地站在鯉魚門渡假村這個高崗上，凜冽如霜雪之風伴著鋒利若銀毫之雨，飢寒交迫既我地真係要吟番句「尋尋覓覓（組長，我地間房係邊啊？），冷冷清清（真係人影都無隻……），淒淒慘慘戚戚（我地只好自行排解愁緒……）。」加多句「無情夜冷風，吹散熱情夢（因為太凍，大家初初都未投入到）」都仲得……

＜呢個係另一個體驗遊戲，參加者要嘗試唔用手打字:P

咳咳，上面係誇張左姐，首先要多謝我地所有既參加者，大家都好勇敢黎冒住嚴寒去做義工！真係諗起都熱血！係個CAMP入面，我地既參加者除左可以透過兩日入面唔同既體驗遊戲去模擬人生之外，最重要係可以比佢地反思一下自己既生活係幸福而且得來不易，學識珍惜同體諒其他人既需要。而個CAMP既HIGHLIGHT就係，每一組係第二日都要特定既服務對象，真真正正去將義工精神實踐出黎。果然，我地既義工都係見「義」勇為

之士、愛行俠仗「義」之人，我地收番黎既FEEDBACK係，一眾PARTI仲嫌唔夠喉，想瘋狂做義工！

你地既反應收到咖啦，我地會為大家走遍港九新界離島，務求為大家搜羅最新鮮既義工，你地記住要踴躍參與啊～

不論係邊層面黎睇，依個CAMP對所有人黎講，都好難忘。

辛苦哂所有台前幕後既工作人員！