「無歧畢友」體驗營

【JUSSO CAMP SECRETS】「無歧畢友」體驗營

Source:Joint University Social Service Organization (JUSSO), Facebook

一連三日一夜既「無歧畢友」JUSSO體驗營喺7月8號(一)完滿結束，呢三日一夜包括6號既Pre-camp以及7-8號既正camp。

今次這個CAMP由POLYU, CITYU及SYU擔任PIC及OC。多日黎辛苦晒來自九間院校、超過120位的參加者及莊員，特別係我哋既POLYU既營長HANDSOME ELVIS啦！

今次我哋既camp以「殘障人士生活體驗」為主題，目的令參加者能夠體驗殘障人士的生活及提升他們對有關人士的了解。而家就等我逐日帶大家回憶呢次既充實又chur既體驗營，仲有唔少由我哋jusso camp 2位camman CU既Eric同LU既Vicky拍低大家既「靚相」，我就順勢爆少少內幕secret比大家聽啦！

[6/7 - Pre-camp]

為咗令組爸媽、跟組OC及組仔女們之間可以有更深入既認識，喺入camp前一日(6/7)特設pre-camp。

Pre-camp由下午二時開始，於BU進行。內容包括改組名口號、熱身遊戲、集體遊戲及營火舞學習。首先約90個參加者早己安排分成6組，分別以眼、耳、口、鼻、手、腳做組名的主題，最後設計出黎既有「獅眼殘」、「皮耳收」、「山口組」、「鼻堅泥」、「手裡劍」及「獨腳秀」等等好有創意既組名。

喺熱身遊戲及集體遊戲的環節，參加者都十分投入，發揮團結互助的精神，就例如喺會說話的氣球中，「鼻堅泥」組爸POLYU Kong就從隔離某組明「借」咗決勝關鍵的氣球紙仔，令「鼻堅泥」能順利完成遊戲。所以話跟組OC HKU Mabel點可以咁偏心男神架？！

最後喺營火舞學習環節，大家圍成一個外圓一個內圓，圍住中間企喺枱上面係其中一位MC，HKU的Jennifer。整個環節喺Jennifer帶領下，每位參加者都表現投入，就例如喺「狂歡」呢首歌裡面，轉圈的部份較多，有唔少參加者都用盡全力「fing」人/被人用盡全力「fing」，暈低的情況可以說是正常不過，「山口組」組仔肥羊直程將該組OC轉暈咗，真Sad！

Pre-camp於當日大約六點完結，之後不少組爸媽都帶組仔女共晉晚餐，以及有組爸媽行街街買組物比仔仔囡囡。如果2個A既做組爸媽就啱晒喇！

[7/7 – Camp 1st Day]

早於清晨7半，莊員們陸續到逹BU準備，雖然大家都好眼瞓，但都落力準備及聽Elvis 講briefing。

到咗9點，參加者陸續抵達BU，一系列的集體遊戲正式開始。參加者都表現得非常投入，其中「物以類聚」呢個game的輸家需要出來受懲罰，最後一班莊員就當場即跳老豆阿伯萊；而喺二人三足足球賽中亦出現了入球爭拗的小插曲，各隊都極力支持自己隊伍。相信當時有唔少人仍然確信當時B team係有入到架！

10半，終於到咗最chur最熱最立痴痴的環節—cityhunt。二十個得分點分佈在港九新界，各隊並需在下午三點前到逹粉嶺浸會園(campsite)。汗流浹背的旅程正式開始！

不少組別都選擇到旺角行人專用區、旺角花墟、沙田snoopyland及浸大大學會堂等得分點。而在cityhunt的過程中組爸媽仔女們必需要坐下進行午饍最少30分鐘。喺過程中，跑到背脊多咗對翼既有，借位同紅衫人影相既有，八達通唔夠錢既有，走散咗既有，半組人太多人落唔切地鐵既都有，總之就係無奇不有！

3點，各組都陸續到達浸會園，大家都急不及待將行李搬入安排好的房間。每一組人入到房都會有同一個反應，「咁少床位既？！」。係，係無錯既！標準一組人會有18人，而房內只有12個床位。有爆粗既衝動是正常的。

接著下來的水game沒有因黃色暴雨而取消，大家換好衫後就浩浩蕩蕩地去到籃球場。水game分別有4個區域，每組輪流到不同的區域跟其他組進行水game。

喺密集既雨水下，水槍、水桶、水勺、水喉樣樣出齊，當場冇一個人既身會係乾既。變態既組仔女們玩辣辣壽司時無論輸贏都互淋，但組仔女認為最變態既係莊員們，咁又啱既，全場最濕身既「獨腳秀」組爸cityu佐治就係被好好人既莊員們整個人抬入水筒既。不少在場既莊員當時都食緊花生XD。

6點開始晚餐時間，7點開始detective game。今次detective game需要每組組仔女到營內不同的地方完成指定任務才可獲得在場工作人員提示，並於限時之內完成遊戲並作出故事推理。任務包括四人五足不作聲來回走、連環五回跳大繩、矇眼過障礙物、二人接龍乒乓球等等，讓參加者嘗試在感官限制下進行活動。但同時亦有危機發生，例如喺四人五足不作聲來回走，因為捆綁腳後有組仔們企唔隱，令到「山口組」組爸SYU耀仔就乘機抱過唔少組仔入懷，另類獸父呀@@

9半，終於到了最熱烈最hyper 既環節—營火晚會。全體齊集在籃球場，營火為中心圍起外圈內圈，音樂響起，大家就開始跟住Jennifer的口號跳campfire。相信大家最深入民心的口號一定有「搞左邊‧插右邊」、「切菜」、「畫心心」等等，令到參加者可以更易掌握舞步，加上舞步上有不少多人一齊轉圈的動作，令氣氛更容易高漲！唔少男仔都轉到女仔差啲雙腳離地人，尖叫聲四起。

當第一日所有活動結束後，先至係camp重點既開始！每組都喺自己房玩唔同既房game，但相信差唔多每組都有玩First Impression。當日後有某啲組就出現唔少pairs成為組內既被做對象，有啲係因為互投最理想男女朋友，有啲係因為房內床位唔夠位一齊瞓。(P.S.: 一齊瞓嗰對男男來的)

[8/7 – Camp 2nd Day]

2個鐘？！1個鐘？！又或者冇瞓過？！

一大早清晨，組仔女組爸媽們都眼瞓樣去到飯堂食早餐。到咗9點立即進行soci game，組仔女以三個人為一個單位，三個人分別飾演盲、啞、肢體殘障的人士，到場內的6個booth進行考驗，唔同的booth都對佢哋的金錢、聽力、視力等等有著不同的增減，他們要衡量各種能力及金錢去玩不同的booth。有啲組向hold booth 既莊員討價還價，要求加大難度以換取唔收錢，亦有組不斷重玩同一個booth去賺錢。

Soci game 完結後就到咗最後環節，賭分遊戲。兩日來各組玩過的各個環節的分數都會累積成總分，每組的總分就是他們的籌碼，賭分內會有不同的task，每組要賭各個task是否可行，最後由最高賭可行/最低賭不可行的組別當眾進行task。而其中賣組爸媽OC係可以加分既，其中「山口組」組爸耀仔被賣要1分鐘內做30下掌上壓，「手裡劍」組爸UST呀土及「皮耳收」組爸HKU Randolf同時被賣要拗手瓜，拗贏的先可以為組加分，喺極度緊張的氛圍下，最後由Randolf 勝出！最後傳奇地最高總分的，就係由一開始只有最少籌碼的「手裡劍」！

最後最後，我哋全體影過大合照，就由營長Elvis被當眾con來完滿地結束呢個一年一度的Jusso Camp。當時當場知情人士只好大叫：「佢未成年架！」>

希望你哋喺呢個camp入面係玩得開心，同埋識到一班來自唔同u又志同道合既朋友，大家如果你哋組有re-u既記住去，冇re-u既記住搞！

Admin: 請原諒我提供呢幾日既內幕只係非常非常片面！但我相信身為組爸媽、跟組OC及組仔女既你哋一定會比我知道更多內幕、感受更多歡樂！最後，記往like我哋Jusso的fanpage Joint University Social Service Organization (JUSSO)，我哋會為你哋送上第一手的官方資訊架！:p