3. adibidea: Funtzio baten deribatua eta ukitzailea. 1. bertsioa

Helburua: Sinu funtzioa, bere deribatua eta bere ukitzailea puntu batean irudikatzea, baita maldaren triangelu argigarria ere.

Sakatu grafikoaren gainean, eraikuntza ikusteko

1. bertsioa: Eraikuntza sarrera eremua, sagua eta komandoak erabiliz

Puntua funtzioaren grafikoan dago.

Tekleatu sarrera eremuan f(x) = sin(x) funtzioa eta sakatu Intro.

Aukeratu “Puntu berria” modua eta egin klik f funtzioaren irudikapenaren gainean. Honela A puntua sortzen da f–ren grafikoan.

Ondoren, aktibatu “Ukitzaileak” modua eta egin klik A puntuan eta f–ren grafikoan. Izendatu berriro t ukitzailea (eskuineko klik bere gainean eta “Izendatu berriro”).

Tekleatu m=Malda[t] komandoa.

Hautatu “Mugitu” modua eta herrestatu A puntua ukitzailearen mugimendua behatuz.

Tekleatu B = (x(A), m) eta aktibatu puntu horren trazua (eskuineko klik B-n “Aktibatu trazua”).

Hautatu “Mugitu” modua eta herrestatu A puntua B-ren trazua behatuz.

Tekleatu Deribatua[f] komandoa.

Zenbait trikimailu

• Sartu beste funtzio bat sarrera eremuan, adibidez f(x) = x³ - 2x²; segituan bere deribatua eta ukitzailea agertuko dira.
• Hautatu “Mugitu” modua eta herrestatu f-ren grafikoa saguarekin. Aztertu aldaketak funtzioaren adierazpenean eta bere deribatuan.