2. adibidea: Zirkunferentzia baten ukitzaileak

Helburua: Irudikatu GeoGebrarekin (x - 3)² + (y - 2)² = 25 ekuazioa duen zirkunferentzia eta bere ukitzaileak, A(11,4) puntutik pasatuz.

Sakatu grafikoaren gainean, eraikuntza ikusteko

Eraikuntza sarrera eremua eta sagua erabiliz

Sartu zirkunferentziaren ekuazioa c: (x - 3)² + (y - 2)² = 25 sarrera eremuan eta Intro sakatu (trikimailua: ² ikurra eskura dago sarrera eremuaren aldamenean, eskuinaldean, dagoen menu hedagarrian).

Sartu C = Zentroa[c] komandoa sarrera eremuan.

Marraztu A puntua A = (11, 4) tekleatuz.

Aukeratu orain “Ukitzaileak“ (laugarren ikonoa/menua) eta egin klik A puntua eta c zirkunferentziaren gainean.

“Mugitu“ modua aukeratu eta gero, herrestatu A puntua saguarekin eta aztertu ukitzaileen mugimendua.

c zirkunferentzia ere herrestatu ahal da, Aljebra leihoan nola aldatzen den bere ekuazioa aztertuz.

Zenbait trikimailu

• Hurbildu edo aldendu irudia Zoomaren bidez: egin eskuineko klik zona grafikoko toki libre baten gainean eta aukeratu zoom faktorea edo lortu zoom leiho bat saguaren eskuineko botoiarekin herrestatuz.
• Posible da zirkunferentziaren ekuazioa aldatzea Aljebra leihoan bere ekuazioaren gainean klik eginez.
• “Entrada Algebraica” atalean, “Laguntza” menuan, azalpen zehatzagoak daude sarrera eremuaren aukeren inguruan.