BASES DO CONCURSO (EDICIÓN 2023):
Concurso de vídeo patrocinado por nós mesmos, alumnado de 1º de bacharelato da materia de ATENCIÓN EDUCATIVA do Colmeiro, para dar a coñecer a música que se fai en galego (ou en calquera variante lingüística da lusofonía, OU EN CATALÁN, OU EN EUSKERA, VALENCIÁ, MALLORQUÍ...)
Pode participar calquera persoa menor de 21 anos de idade, estudante (ou non) de Infantil, Primaria, ESO , Bacharelato, FP e Universidade.
Bases do concurso O VIDEOGHIT Primum videre, deinde philosophare
Obxectivos:
- Dar a coñecer a música que se fai en Galicia en galego (e por extensión, na lusofonía) ou en calquera lingua minorizada do Estado.
- Sacar proveito dos obradoiros audiovisuais dos institutos galegos
- Dar a coñecer o noso entorno xeográfico, persoal e cultural (nas imaxes debe aparecer reflectida a túa localidade ou comarca. Mención especial para os vídeos rodados no Concello de Silleda, que optarán a un premio específico).
- Promover valores como a tolerancia, a convivencia, a interculturalidade, a reflexión, a responsabilidade…
- Poñer de manifesto as contradicións da nosa propia realidade galega, dende unha perspectiva crítica.
Medios:
- Son: (Base musical) unha canción en galego ou portugués (ou en calquera lingua minorizada)
- Imaxe: Nós mesmos, no noso entorno, na nosa realidade e, por extensión, no noso mundo.
Duración máxima: 6 minutos (8 minutos se inclúe extras ou tomas falsas).
Capacidade máxima: 1 Gb (ou subido a youtube, vimeo, etc...)
Formato de presentación: MPEG 2, MPEG 4, avi, etc...
Data tope para enviar os vídeos (ou o seu embed): 1 de maio de 2023.
PREMIOS: TROFEOS PARA OS MELLORES. (Publicadas as categorías de premios na páxina principal).
Remite “embed” a eticolmeiro@gmail.com
TODOS PODEDES PARTICIPAR. ANIMÁDEVOS!
ESTES FORON OS VIDEOGHITS PRESENTADOS NA EDICIÓN 2011 (1ª EDICIÓN DO CERTAME):
1. Interpreta: Quempallou
Tema: Rosiña na Quinta
Reinterpreta: Lucía Presas (eticolmeiro)
Sinopse: Esta canción fai unha crítica sobre a gran sociedade consumista que existe hoxe en día, e sobre o poder que teñen as grandes áreas comerciais en comparación ó pequeno comercio tradicional.
2.Interpreta: Som do galpom
Tema: Antes de pequeno
Reinterpreta: Cris Núñez (eticolmeiro)
Sinopse: A canción fai unha reflexión, e o mesmo tempo unha crítica, de como unha persoa vai cambiando ao longo da súa vida desde a infancia ata a madurez e o orgulloso que se sente o protagonista das súas raíces. Tamén nos fala de como coa sociedade de agora se está destruíndo o medio que nos rodea.
3.Interpreta: Lamatumbá
Tema: Watercumbia
Reinterpreta: Natalia Fdez. Montero (eticolmeiro)
Sinopse: Esta canción aparentemente non ten ningunha reflexión ética. Supoño que cada persoa pode sacar unha diferente, xa que engloba cousas como o consumismo ou a política.
4.Interpreta: Lamatumbá
Tema: Aquí
Reinterpreta: Sindy Gómez (eticolmeiro)
Sinopse: esta canción é unha forma de dicirnos que debemos perseguir o que queremos e non parar ata conseguilo.
5.Interpreta: Lamatumbá
Tema: Camiños
Reinterpreta: Kris Glez. (eticolmeiro)
Sinopse: Non valen excusas para estar parados, é tempo de vivir.
6.Interpreta: Limones
Tema: Ferrol
Reinterpreta: Mariluz Sánchez(eticolmeiro)
Sinopse: Fala sobre un pobo que foi vítima da emigración, e que pese a iso permaneceu sempre no corazón desas persoas que tiveron que deixar a súa terra nai e as súas tradicións por un mundo totalmente descoñecido. A través disto tamén pretende facer unha crítica sobre a mala situación que vive Galicia nese momento.
7. Interpreta: Diplomáticos de Monte Alto
Tema: Esta noite hei d'ir aló
Reinterpreta: Lucía Domínguez (eticolmeiro)
Sinopse: Crítica ó clasismo que deixa ver que cando se trata do amor esquécense esas clases sociais, e así, dúas persoas aparentemente moi diferentes e de mundos distintos convértense no complemento perfecto. Un Romeo e Xulieta moderno e en galego.
8. Interpreta: Diplomáticos de Monte Alto
Tema: Oda ó futbolín
Reinterpreta: Marta Nercellas (eticolmeiro)
Sinopse:crítica a todas as persoas que se pasan horas e horas diante dunha consola podendo facer outras actividades, como xogar unhos ferros!
9- Interpreta: The homens
Tema: Calamar
Reinterpreta: Tania Nogueira (eticolmeiro)
Sinopse: Neste tempo no que todo o noso redor é negativo e incerto, non sería mellor ser un calamar? ou poder fuxir por un desauge? ou poder facer todo o que che gustaría en todo momento?... Pois creo que o imos ter difícil, e haberá que botarlle imaxinación! :D
10. Interpreta: Medomeda
Tema: Quero ver como te ris
Reinterpreta: Erea (eticolmeiro)
Sinopse: Apoloxía do sorriso. Non hai mal que cen anos dure, como transmite esta canción, que nos anima a poñerlle un sorriso á vida.
11. Interpreta: Ataque escampe
Tema: Quero ser o malo da película
Reinterpreta: Marcos F. Fuertes (CEIP Quiroga Palacios)
Sinopse: Quero ser malo, quero falar e escribir en galego.
12.Interpreta: Fany & Alexander
Tema: Vigo ou Berlín
Reinterpreta: Felipe Villamayor (Eticolmeiro)
Sinopse: Somos estudantes dunha nova xeración, que traballará algún día en Vigo, ou quizais en Berlín. O mundo está aberto para nós.
13. Interpreta: La pegatina
Tema: O camareiro
Reinterpreta: Alberto Pereiras (Eticolmeiro)
Sinopse: As penas veñen e van. Despois de toda decepción, hai que mirar para diante e seguir camiñando.
14. Interpreta: Sacha na horta
Tema: Biocultivos
Reinterpreta: Suso Iglesias (Eticolmeiro)
Sinopse: Apoloxía da nosa terra, con todos os seus contrastes.
15. Interpreta: DJ son 1c
Tema: A festa non vai parar
Reinterpreta: Jorge R. Serrada (Eticolmeiro)
Sinopse: Con tanta desgraza que hai na vida, o mellor é saír de festa e pasalo ben, esquecendo todos aqueles males que nos rodean.
16. Interpreta: Aerolíneas Federales
Tema: Non todo é o que parece
Reinterpreta: Nati, Xes, Sandra, Bran e Marta. (Bandeira)
Sinopse: As veces, as cousas non son o que parecen, e todo é máis difícil do agardado.
17. Interpreta: Heredeiros da crus
Tema: (María) O teu fillo fuma porros
Reinterpreta: Pablo Nogueira (eticolmeiro)
Sinopse: As imaxes desta produción non pretenden ser documentais, os personaxes que aparecen son simplemente actores representando unha ficción.
18. Interpreta: RUXE-RUXE
Tema: Amolado
Reinterpreta: Lucía Bibián
Sinopse: Un día espertas... reflexionas... e atopas un mundo cheo de inxustizas, de cobiza, miseria, desigualdades sociais... Un arrepío de tristeza e frustración que se mantén na túa conciencia.
19. Interpreta: Ataque Escampe
Tema: Criptozooloxía aplicada
Reinterpreta: Paula F. Fuertes (CEIP Quiroga Palacios)
Sinopse: Estamos rodeados de animais, algúns deles incluso son humanos.
20. Interpreta: Faltriqueira
Tema: Mariñeiro
Reinterpreta: Xaquín F. (Colexio M. Peleteiro) e Marcos F. (CEIP Quiroga Palacios)
Sinopse: Vídeo documental da última regata do campionato galego de Optimist.
21. Interpreta: Dj Sonic
Tema: Sen ti
Reinterpreta: Yasmín, Rubén, Marta, Laura, Yolanda, Rocío e Lucía.
Sinopse: Así é a xente de Silleda
22. Interpreta: A Banda de Balbina
Tema: Estomballada
Reinterpreta: Esteban, Marcos e Natalia
Sinopse: Así é a natureza silledense e o efecto que produce no ser humano.
23. Interpreta: Tasmanian Devils
Tema: Aí ven Pistón
Reinterpreta: Jacobo, Pablo e Paco.
Sinopse: Aí vai Pistón, por Bandeira.
24. Interpreta: Kogito
Tema: Tipo feliz
Reinterpreta: JuanMa, Ramón, Cris e Lucía.
Sinopse: Non debemos pretender ser iguais que os demais, debemos disfrutar da nosa personalidade e ser felices.
25. Interpreta: Tasmanian Devils
Tema: Aí ven Pistón
Reinterpreta: Brais Gutiérrez, Rubén Lanzó, Amanda Fdez e Suso Iglesias.
Sinopse: Aí vai Pistón, explorando outra parte de Trasdeza.
26. Interpreta: Andrés Do Barro
Tema: O tren
Reinterpreta: Sandra Varela
Sinopse: Aí vai o tren, que me leva pola beira do Miño, como símil da emigración galega.
27. Interpreta: A Banda de Balbina
Tema: Estomballada
Reinterpreta: Tania Couso
Sinopse: A leira pa quen a queira. Temos terra dabondo para traballar, pero...
28. Interpreta: Siniestro Total
Tema: Quen me dera na casiña
Reinterpreta: Alumnado de 3º e 2º de ESO do Colmeiro
Sinopse: A saudade que sentimos os galegos cando imos fóra, nas voces do grupo galego máis coñecido.
29. Interpreta: Sacha na Horta
Tema: Entroido todo o ano
Reinterpreta: Lucía Domínguez
Sinopse: En Bandeira, Entroido!
30. Interpreta: Lamatumbá
Tema: Malas herbas
Reinterpreta: Alba Rodríguez
Sinopse: A situación do agro galego: cheo de malas herbas.
31. Interpreta: NAO
Tema: Desexos
Reinterpreta: José Parada Torres (do IES LELIADOIRA, DE RIBEIRA)
Sinopse: Espectacular festival de entroido, o que celebra o alumnado do Leliadoura.
32. Interpreta: Xil Ríos
Tema: Xirarei
Reinterpreta: Mariluz (Eticolmeiro)
Sinopse: Especial evocación dun clásico da canción galega á luz de Nietzsche.
33. Interpreta: Despe e Siga
Tema: Astro da bóla
Reinterpreta: Equipo alevín do Conxo (promocionado por Marta Nercellas)
Sinopse: Era necesario incorporar un vídeo deportivo. Aquí o temos.
34. Interpreta: Skarmento
Tema: Seguiremos sendo
Reinterpreta: Alumnado de 1º de bacharelato do Colmeiro.
Sinopse: Estamos xuntos, pero todo irá cambiando, paseniñamente. Sempre quedará algo.
35. Interpreta: Heredeiros da Crus
Tema: R-7 (O Jran Batacaso)
Reinterpreta: Órrea, David, Mingucho e Diego R. O.
Sinopse: Son tempos de diálogo para aproximar posturas.
36. Interpreta: Skarmento
Tema: Tempos duros
Reinterpreta: Ana Mato
Sinopse: Lembranzas de amizade, día a día, ano a ano.
37. Interpreta: Lamatumbá
Tema: Na noite
Reinterpreta: Erea Rey
Sinopse: Recoñecedes a noite silledense, coas súas xentes, e a súa alegría.
38. Interpreta: Diplomáticos de Monte Alto
Tema: Coma o vento
Reinterpreta: Tania Nogueira e todos os eticolmeiros
Sinopse: Queremos dicir grazas. Grazas a todos os que estivestes ao noso lado durante este curso.