9. JARDUERA (PSIKOMOTRIZITATE-GELAN)

• "MAITE ZAITUT" JOLASA:

LURREAN ESERIKO GARA DENOK ETA BIRIBILA OSATUKO DUGU. LAGUN BAT ZUTIK GERATUKO DA ERDIAN, ESERITA DAGOEN KIDE BATENGANA HURBILDUKO DA, ETA HAUXE ESANGO DIO: “MAITE ZAITUT”.

1. ESERITA DAGOENAK, BERRIZ, ERANTZUN EGIN BEHARKO DIO: “ZERGATIK?” ETA ERDIKO JOLASKIDEAK ARRAZOIREN BAT EMAN BEHARKO DIO. EDOZEIN GAUZA IZAN DAITEKE, BAINA BETI IZAN BEHAR DU KONTUAN ESERITA DAGOEN JOKALARIAREN EZAUGARRI BAT:
   • EZAUGARRI FISIKOA (ILEAREN KOLOREA, SUDURRAREN NEURRIA, BEGIEN KOLOREA...)
   • JANTZITA DUEN ZERBAITEN EZAUGARRIA (GALTZEN KOLOREA, OINETAKO MOTA, ALKANDORAREN KOLOREA...).
   • BESTELAKO EZAUGARRIREN BAT (MUTILA ALA NESKA DEN, HERRI BATEKOA EDO BESTE BATEKOA DEN, ADINA...) ETA ABAR.

ADIBIDEZ, ERDIKOAK ZERA ESAN DEZAKE: “OINETAKO BELTZAK DITUZULAKO”. EZAUGARRI HORI DUZUEN GUZTIOK ALTXATU EGINGO ZARETE ORDUAN, ETA BESTE LEKU BATEAN ESERTZEN SAIATUKO ZARETE. EZAUGARRI HORI BETETZEN EZ DUZUENOK EZ ZARETE LEKUTIK MUGITUKO. BITARTEAN, ERDIKO JOKALARIA HUTSIK GELDITU DEN TOKI BATEAN ESERTZEN SAIATUKO DA. HORRELA, HURRENGO TXANDARAKO BESTE JOLASKIDE BAT GERATUKO DA ERDIAN; JOLASA ERREPIKATU EGINGO DUGU, BESTELAKO EZAUGARRIREN BAT ESANEZ.