شعراء أمارة عبادة في العراق ولوطن العربي

..................................................................................................................

عيوني من السهـــــــر مالت و سالت

وعليه احباب مــــا نشــــدت و سالت؟

الـــف ‏دمعه الجــــرت مــني و سالت

لا دمعه أإلـــجـــرت منهـــم عليـــــه

الحاج علي صاب الفهد ال عجيل العبادي

..................................................................................................................................

العليى غير اهلها من علاها

أوروحي يخسه الكلك من علاها

بعزم الله نخلتي من علاها

يراموها بحجر وتضل سخيه

الشيخ فاضل الفهد ال عجيل العبادي

.....................................................................................................................................

دهر وياي دومه سابقاني

سباق نوك وكتي سابقاني

اذا وكتي رماني ساباقني

اصد سهم الهجر بثنين اديه

الحاج علي صابر الفهد ال عجيل العبادي

.....................................................................................................................................

الدهر بسهام صوبني ترابي

صلب وتحمل اجروحه ترابي

تضل عيني علي دربك ترابي

ازيح الضيم من تجبل عليه

الشيخ فاضل الفهد ال عجيل العبادي

....................................................................................................................................

عيني من السهر مالت وسالت

وعليه حباب مانشدت وسالت

الف دمعه الجرت مني وسالت

لادمعه الجرت منكم عليه

الحاج علي الفهد ال عجيل العبادي

.................................................................................................................................

عبادي وبلشجاعه والكرم معروف=يشهدلي التاريخ وجداده

كل من يرجع لاصل اجداده=راعي الشرف يشرف ولانذال يخسون

وعبادة مـن الاصايـل الـمـدادة = الضعف والنذالة والخسي ما يدانـون

ايـام الطـيـب عنـدهـم عــوادة = وما صفاتهم الكذب واللئم ومايعرفـون

اللي ينذل معهـم يقفـوا لـو سـدادة = وبحـذر شديـد وخـوف مايعانـون

واللي يلجأ للعبادي يرتكـي بالوسـادة(لوضاع اصلك كول عبادي )

يعجبـون بشجاعتهـم ساعه الكون=

تشهد ثورة العشرين بيوم الكون سطرو اروع بطولات الشهاده

ومـن صفاتهـم الـوفـا بالـوعـادة = ثمن عمرهم ومهما صار ما يخونـون

ومن قمة الصفـات المرجلـة شـدادة = ومابيهم الخـذل لـو دمهـم يبذلـون

والكـرم والطيـب ماخـذينه من جدهم عباده

والبخل عندهم مستحيل بس يكرمـون الضيف وكذب من كال باعو شنانك عبادة

الكرامـة عنـدك عجيل السـيـادة = وان ضاعت يستردوها لو يجرمـون

الشهامـة عنـد العبادي جــوادة = وبطيب الخلق وحسن الادب عباده

للسلم مايتركونـه بـدادة = وعلى ذلات الجبان والفاجر يصبرون

وصفاوت كلوبهم امكنهـم مـن نـاده= وباحلى الخصال الامير الحسن العبادي يتمتع اليوم

كـل القبايـل تاكـد لهـم بالسيـادة = وبكـل خصـال عبادة يشهـدون

عجيل يشـارك بمواضيـع عـدادة = ولو كان صلـح او حـرب يفـوزون

ولو اخـذ حـق قـام وشـد وتـادة = ياخذونـه ومـا يمكـن يتخـاذلـون

العبادي دايـم علـى كلمـة وحـادة = القبايل تشهد لهـم بالطيـب وزيـادة

الحاج علي صابر الفهد ال عجيل العبادي

.............................................................................

عشرة هالوكت صارت مصالح ليش غريبة اتغيرت ياوسفه مدريها التحية وتعتقد شاريك بالروح اذا مصلحتة خلصت باع تاليها مثل كلبي اعتقد ضنيت كل الناس احب الناس كلها وكلبها اداريها اثاري اني غشيم وكلبي غلطان لذالك مااعيد الغلطة وثنيها راح اترك الطيبة وانسا كل الراح وابدا من جديد وروحي اباريها واحاول بلكي اعوض مني مافات وصفحات المضت فدنوب اطويها

......................................

الـــــخوه أتريد واحد يبعدلهه الشوف

ولا يحجي امراوغ يحجي بالمكشوف

وذا ظكهم وكتهم ما يظل مــــــجتوف

يشيل الحمل كله ويحجي بالمعروف

الخــــوه اتريد اليتعب ويدور الزينـــــه

الحاج علي صابر الفهد العبادي ....

...............................................................................................

وحق الله وي القاسم ولعباد

الغير الباري ما أسجد ولعباد

من عجيل انه اصلي ولعباد

ويضل جدنه المكن تاج الحميه

الشيخ فاضل صابر الفهد ال عجيل العبادي

...............................................................................................

الامير ابو محمد ذخر الايام تتباها الصفاتك

وندري بيك انته وسام وادري دوم الي يجيلك

دوم ماينساك امير عباده امير عباده ابو محمد

وقائدنه العام عباده تعله باسمك وانته للقاده وسام

سفير لاماره الشيخ مهدي صالح الصرايفي العبادي

....................................................

الامير الحسن امير انته وعلى الخلان يازن

وكلامك من صفات الذهب يازن

ونكول نحب ابو محمد يلشهم يازين

بكثر سعف النخل بعماره وناصريه

الحاج علي صابر الفهد ال عجيل العبادي

.......................................................

ابو ابراهيم العبادي

اريد اكتب شعر بس خاف اقصر بي

لان ديوان قلبي وياك هم ينسد

گلت وافيتك انه وبس صفنت وياك

طلعت بدين وجهك انه هم ملحد

يا اول حبيب بقلبي شاعل نور

لان وجهك جنان من الحسن ورّد

ويا اول بشر فصلّه رب الكون

صفات من الحسن للموت ماتنعد

مو من طين من فردوس اظن سواك

اذا بيك البياض بكل شهر ينمد

واذا افكر ابوسك انه بيك احتار

ابدي منين من الشفه لو بالخد

حقي احتار واعجز اوصف انت شبيك

اذا نورك يضوي الليل لو ينهد

ابليس شگد كفر وابتعد عن الدين

بس من شاف وجهك ل الله ضل ينشد

وشكثر حساد جانو ع البشر يحجون

كدامك حچيهم كام ما يحسد

هذا انت حبيبي مقصر ابقه وياك

شما اوصف جمالك يبقه مابي حد

صقر الامارة

................................................................................................

رد ايدك فلا محتاج مالاك

لان روحي ملك للذي مالاك

تسألني على حالي تكول مالاك

ضنك عوز لاموعوز بيه

.........................................

لاياعوز كبلك ضايك العوز

كريم وعزبت وطيته دمعات

بلسم جرحي ضن فلوسك تصير

تكدر بالفلوس ترجع المات

احس روحي غريب ابين الوجوه

لان فاكد وطن مابي خلافات

اسولفلك كبل من جانت وياي

جان الخير وي ماعونها يبات

جانت شيلت امي فراشي بالنوم

بحيث بحضن امي تشوف نجمات

جانت من يجينا العوز ترثي

الحد هسه بخيالي باقيه ابيات

جانت ضحكت امي

تارسه البيت

هسه البيت وحشه وكله صفنات

لجمو جرحي يمه وسولفو بيج

سوالف من يتيم تصير ومضات

يمه الخاطر الله وحشه الكبور

ردي البيتنه وطشيله ضحكات

يمه اسمع لحن من بيتنا يكول

رديلي تره الحيطان شمات

يمه مواعدتني العرسي تبقين

شجاج ورحتي وابنج عرسه مافات

يمه الشيب يترس خاطر البال

عكب ماجان بالي اترسه لعبات

فرحتي تعثرت بأول خطوتين

بجدم تعبان شيخلص المسافات

هيمه عيوني صارت تنبيني كبور

ودفنت احلام بيهن عمر وردات

جنت البس ضحكتج من يجي العيد

واعيد تارس جيوبي ابتسامات

جنت اغفه بحضن بي رحيت حسين

وكبل التنام تقره الزينب ابيات

من كد مستحاج عيونج زغار

وحته ادموعج ايلبسن حجابات

من كد مارقيقه يجرحج الصوت

ومن كد ماعظيمه تذكرج ايات

عدج فطره تشبه فطرت الماي

ماتقرين بس جنج حضارات

خذو من طيبتج خلطوها بالكاع

لذالك خظرت طيبه النباتات

يمه اسمع الناس تكول مسكين

وتجرح خاطري هاي العبارات

حسيت الستر مو ستر الهدوم

المشاعر تنستر جانت ضرورات

الحاج علي صابر الفهد أل عجيل العبادي

......................................................................................................

راح السيف منه المايضمه اكراب

اوعليه احزن وونن ولدمع سجاب

انلجم جرحي الغميج اوبعد لا ما طاب

اوعندي ويه اليالي الجرحني عتاب

الشايل حيد الشايل زيد الون عليه

الشيخ سعيد حسين العبادي

...................................................................................................................

الفرق بين الكتابة الأكاديمية والكتابة الصحافية هي أن الأكاديميين مطالبون بتحري الدقة والبحث عن تعريفات واضحة ومحددة للمصطلحات التي يستخدمونها، بينما يمكن للصحافيين أن يهربوا من هذا الالتزام عبر التذرع بأن الكتابة الصحافية غير ملزمة بهذا النوع من الرصانة بقدر ما يُفترض فيها أن تجذب القارئ. لكن هذا الواقع يجعل الكثيرين، لا سيما أولئك الذين يتعاطون العمل الأكاديمي والصحافة في نفس الوقت، بمواجهة سيل من التشويش والتعميمات السهلة التي تضعهم في موضع الاختيار بين التعامل مع الخطأ الشائع بوصفه أفضل من الصحيح النادر أو إضفاء المنطق الأكاديمي على ما ينتجون والمجازفة بفقدان القارئ الراغب في وجبة سريعة. ينطبق هذا إلى حد كبير على الكيفية التي يتم التعامل فيها مع مصطلحات مثل العلمانية والإسلاموية والطائفية في الكتابة الصحافية، لا سيما مع ميل واضح إلى إطلاق هذه المصطلحات على شخصيات أو دول أو أحزاب أو تيارات بلا تدقيق فيما إذا كانت تلك التصنيفات صحيحة وتعكس الواقع أو لا. ينسحب الشيء نفسه على التوظيف المتزايد لمصطلح الطائفية خصوصا ونحن نعيش عصرا تزدهر فيه الولاءات ذات البعد الطائفي لأسباب تميل الدراسات الأكاديمية إلى بحثها ضمن إطار التحولات الاجتماعية السياسية المقترنة بإشكاليات هيكلية في المنطقة وبطبيعة دولها ونظمها السياسية، وتميل الكتابات الصحافية إلى تقديمها بوصفها خيارات يتخذها بعض الأشرار والسيئون رغم وجود خيارات أخرى بديلة، وبالطبع فإن أولئك الأشرار هم في العادة خصومنا وبالتالي هم من يستحق وصفه بالطائفية. وضمن هذا السياق من الطرح هنالك موقفين شائعين إعلاميا وأحيانا أكاديميا بحاجة إلى المناقشة المقتضبة هنا، الأول في طبيعة الظاهرة الطائفية والثاني في أن الطائفية تناقض العلمانية.

إن الظاهرة الطائفية تكاد تكون متجذرة في عموم المنطقة ولا يهرب منها أي مجتمع من مجتمعاتها، ليس لأننا جميعا قوم أشرار ولا نعرف أن نختار الخيار الصحيح، بل لان ذلك مقترن أساس بفشل مشروع الحداثة والدولة الحديثة الذي تم تبنيه بعد الاستقلال والإخفاق في إنتاج هويات وطنية راسخة تستوعب نزوع الأفراد إلى البحث عن هوية جمعية تمثلهم وتتلاءم مع ثقافتهم.

ببساطة لا تنتظر من الفرد أن يكون وطنيا عندما لا يكون للوطن معنى واضح في حياته اليومية وفي التعليم الذي يتلقاه وفي الأنظمة الصحية والاجتماعية التي يرتبط بها، وعندما يكون حضور القبيلة والعشيرة والشيخ والطائفة أكثر قوة في حياته من حضور المؤسسة العقلانية المحايدة. الأمم الأوروبية بُنيت خلال مراحل تطور تدريجية وطويلة انتهت إلى أن يصبح فيها ولاء الفرد الأول إلى الأمة القومية وهذا الولاء ينعكس بشكل واضح في حياته اليومية عبر تفكك الولاءات المنافسة وعبر وجود اقتصاد قومي ومؤسسات قومية محايدة ونظام تعليم وطني وعبر ذهابه إلى المحطة الانتخابية بشكل دوري للتصويت لحكومة وطنية، أي عبر ممارسته المواطنة كواقع أكثر منه كشعار.

أمام هذا الحال نتساءل فعلا عما إذا كانت في منطقتنا علمانية حقيقية كحركة سياسية متكاملة وواضحة المعالم، والشك هنا مصدره أن العلمانية بوصفها أحد عناصر الحداثة لا يمكن أن تكون حركة مؤثرة وجماهيرية في مجتمعات لم تدخلها الحداثة بعد، وربما نحن نخلط بين كون الشخص لا يصلي وكونه علمانيا، كما أننا نخلط بين كون الشخص يصلي وكونه إسلاميا، فكلا الاستنتاجين خاطئ إذا ما فهمنا العلمانية بوصفها تشبعا بقيم حداثية وبولاءات حداثية أعمق من الموقف تجاه الممارسات الدينية. الشيء نفسه ينطبق على إصرار البعض على وضع العلمانية نقيضًا للطائفية، فذلك ليس صحيحًا في منطقتنا وإن كان صحيحا في الغرب، فالطائفية في الشرق الأوسط ليست ظاهرة دينية بقدر ما هي ظاهرة اجتماعية، وهي غير معنية بالصراع الديني القديم والاختلافات حول تفسير النصوص والوقائع التاريخية بقدر ما هي معنية بالصراعات الاجتماعية الناتجة عن إخفاق مشروع الحداثة وعودة الولاءات ما قبل الحديثة وتصارعها واصطدامها حول السلطة والموارد، ومن هنا لم يعد لزاما على الشخص أن يكون متدينا لكي يكون طائفيا، ولو ألقينا نظرة على زعماء الطوائف في المنطقة لرأينا ببساطة أن كثيرين منهم ليسوا متدينين وربما بعضهم ملحد أو لا دينيّ، لكنهم طائفيون بمعنى أن ولاءهم ومصدر قوتهم مقترن بارتباطهم بكيانهم الطائفي، إلا أنه يجدر الالتفات إلى أن هذه الطائفية هي ليست سبة لهم لأنهم يعكسون طبيعة المجتمع وتركيبته وهي طبيعة متشابهة إلى حد كبير في عموم الرقعة الجغرافية الممتدة من أفغانستان إلى الأطلسي.

الحاج علي صابر لفهد العبادي

.......................................................................................................

ماالك تاريخ بنيبه والدنيه تمحيها

هواي الهشت واليهبكون مانلتف ليها

صدك مايضل ابكاع من اطك سراكيها

احنا زلام كلفه والعتبة نكضيها

والله العليه اتعنانه احنى مانعتنيها يحتار ابلمها المد ايده,

الشيخ فاضل صابر لفهد ال عجيل العبادي عام الفهد

الشيخ فاضل صابر الفهد العبادي

................................................................................................................................................................................................

مامحي الدنيه ابزمانه

علينا ونته تمحي دنيه

وتمشيها علينا هز غيرنه

بهاذا الهبك لاتعتنينا أحنا سيوف بتاره

ونته تدريبنا قائد للنيبه لليدرس عدنه

الشيخ فاضل صابر الفهد العبادي

.................................................................................................................................................

الدنيا تحلفت بيه وانا الها،،،

،وتبيني أنوب اخاويهاوانا الها،،

،،،،وحك سادت بني هاشم وانا الها،،

،،مكول ادخيل اوتنكلب بيه.

سفير الامارة محسن الفهد ال عجيل الغبادي

.................................................................................................................................................

بدول أوربا ياعلي نشرت اسمنا

وعبر القارات أصبحت انته علمنا

هاي ضنتنا بيك وهاذا أملنا

انته السيف القاطع يوم النيبه

الشيخ فاضل صابر الفهد العبادي

.........................................................................................................................................................................................

نداء من العراق الجريج الى كل عراقي شريف وغيور

..............................................

مل مني القلم ومن القلم مليت

عمت عينه قلمنه الما نفع شِعره

تعب حته الشِعر ويه العراقيين

وصار بحال اهلنه وبالعراق ادره

رسمت حروف العراق برسم فنان

وجمعت اربيل والانبار والبصره

وگلت لازم حروفي توحد الخوّان

ما معقوله هيچ تصير فد مره

ورديت ولگيت دموع عالوجنات

حروف الي رسمتهه اليوم متطشره

كردستان تحچي بزودهه وتگول

احنه العاصمه وبغــداد متأخره

والانبار شالت سيف عالخوان

لو ليه الحكم لوفلّش الاسره

والبصره تگول احنه نريد اقليم

ومن نفط العراق الكُم فقط عُشره

وشفت للفتنه والله العراقيين

دون حروف جر يا ناس منجرّه

مذبوحه المحبه وناس تكره ناس

سويه الي يحب والقابض الجمره

حته الورد ما يرضه بعد بالماي

من دمنه تريد الورده والشجره

رقم جبنه قياسي بالقتل والموت

وصرنه اول شعب نص اهله متهجره

نهر دجله يـا ناس من الجثث غرگان

خلي نمد ادينه لدجـــــــــله وانجرّه

على جثثنه ادور هالفضـــــــــــائيات

ياهو الي يصــــور ياخذ الاجــــــره

معصوبه العـــــيون مچتفه الايدين

وانواع الرصاص يچوب بـــــصدره

لا اهله اجوي وچــــــــفّنوا بچـــفان

مجــــهوله الـــهويه ومن درة بأمره

اذا امّه الــــحنونه الصايمه برمضان

ما اكــــلت اكلهه وبقت تـــــــنتضره

تنــــــتضره يرد وتريد تحــجي وياه

اثاري العيـــــــــد لازم ينگطع مهره

لان باعت ذهبهه بشارع الصياغ

حته تزوج ابنهه الما فرح عمره

ما نامت بقت سهرانه كل اليل

ايا ليل العراق الما بزغ فجره

وما جاهه صبر طلعت تدور عليه

مثل طلعة حمامه بعينهه العبره

وما شافت ابنهه وجاهه ملك الموت

تعرف شنهي يعني تموت بالحسره ؟؟

معناها الفرح صاير مثل رجال

شايل ورده بيده وخنجر بضهره

معناها عراقك كاتل ومكتول

سوده گلوبهم وعقول مفتره

وكل هذا ويگلي احنه العراقيين

سنه وشيعه عشنه الحلوه والمره !!

لا والله چذب احنه العراقيين

سنه وشيعه مثل الضره عالضره

ملينه الچذب وليمته وليا دوب

واقع حال لازم نخضع لامره

ملينه الچذب وليمته وليا دوب

قصايدنه اجت للناس متأخره

نعم خوان احنـــــــــــــــــــــه

نعم خوّان احنه وياك آني بهاي

بس مو من بعد تفجير سامرّه

بعد تفجير سامرّه العراقيين

مثل فلم الرعب ودمايته الحمره

مو فتنه صحيح الصايره ابّغداد

سونامي الفتن بغداد منتشره

قتل مو عالهويه هواي متوهمين

صارت عالاسم گص راسه ويشمره

واليگلي تبالغ انته حيل بهاي

جبت حجه ودليل وياي هالمرّه

اتحده بكر واتحده ابو الخطاب

افن واحد البيهُم يوصل الثوره

واتحده على واتحده هم حسين

اذا فلوجه طبهه ومنكسر ضهره

صـــــــــفر كل النتايج للعراقيين

بس بالفتنه جابوا عشره من عشره

هذا يگول سني ناصبي اغتالوه

وهذا يگول شيعي رافضي نكفره

ضلّوا بهالسوالف يا خزي ويا عار

واسرائيل علگت نارهه الــــــكبره

يول وين الــــــــشرف گدامكم بغداد

شــــــگّوا ثوبهه واخذوهه متأسره

غتصبوهه الكُفر ... ما تسمعوهه تصيح

آنه ام الــــــــــــشرف واليوم مو عذره

بعد والله ما يــــــــــــــنفعنه قيل وقال

لات كـــلشي انتهه وانكــــسرت الجرّه

مرحوم الـــــــعراق استشهد من سنين

يا وسفه صفـــت أشلائه مـــــتنثره

متنـــثره بمزابل يمـــهه كوم چلاب

اكلت من لــــــحومه وما درت سرّه

صــــير وياي بس هالمره اترجاك

عيب من الــــــــــــعراق اليوم نتبرّه

الحاج علي صابر الفهد العبادي

................................................................................................................................

مو من طبعنه عْله الشماته نْعيش

وْ لا من طبعنه نشمَتِ بْمهضوم

.

بْنار العدو حْتارت شباب وْشيب

مْن اهل العراق الصابر المظلوم

.

يالتدّعون . الخوّه . والاسلام

شو ما سِمَعنه اصواتكم فد يوم

.

للدواعش . تْئايدون . وِتْمجدون

جْروح العراق سْنين تجري دْموم

.

مَحّد فزعله مْن اخوِتَه وْ داواه

بْنار الشماته مْلوّع وْ مالوم

.سبحان الله أنبار وموصل

نْدارت . عليكم . نار . هالانذال

وْ حرت معاذ بْنار كلها سْموم

لا والغريبه . نْلبتِ . الاحوال

صار الدواعش ظالم وْ مذموم

.

وْهسّه نْتفضتوا عْله البغي الغدّار

والله . العظيم . الشر. ابد ميدوم

بْعَدله . الاله . اليقهر . الظلّام

احنه الشيعه ولد علي الكرار

عدنه اليقين وْنرضه بالمقسوم

.ربّ العرش . ما ينصر . الارجاس

ينصر عباده وْيرضي كل محروم

الحاج علي صابر الفهد ال عجيل العبادي

.....................................................................................................................................

أنا عراقي اوبلميدان صولات إليه

يشهدلي التاريخ بفعال عربيه

آلي بصمة بثورة العشرين وليوم الوهابيه

قوتي.حشد شعبي وغيره شيعيه

هزيت اعروش الطغات المتحزمه ليه

متوهمين أهل الكفر من خططو ليه

بعون الله انا الغالب والنصر ليه

لن عندي علي والحسين والعباس والايمه البقيه

بعزمهم لكضي كل لدواعش والوهابية

هذا انا بلحد ثابت

الشيخ ابو وسام الفهد ال عجيل العبادي

......................................................................................................................................

العبادي فاضل الفهد

إلى من يهمه الأمر

ياهو الدافعك اوياهو لوجهك ليه

ورطوك بنار كبره وحيه ملويه

أحنا اماره بادله ومواثيق وطوابو عثمانية

وذا مسلوب حقك قدم ادلتك الثبوتيه

لاتثرثر وتصبح خصم ليه متوهم كلمن لاوانا

شيخ عام عشيرة ال فهد ابو وسام الفهد العبادي

.............................................................................................................................................

مضايفنا عامره من اجدود والها بابين

باب للكرم وثاني لإصلاح ذات البين

احنا ماعدنا تعالي بخدمت الطيبين

زورنا اوشوف شكد بصيطين

كلوبنا كبل ابيوتنا مفتوحه للمجبلين

والمجبل علينا نفرشله بيابي العين

لكن يوم الكون حنضل لاتضمن هينين

يلتايه بلبر مربينا

الشاعر الشيخ فاضل لفهد لعبادي

.......................................................................................................................................................

صدكني الوكت وك لعب دوره وياي والدنيا بعفل من حالي

باكتنى زرعتني بجروح وضوكتني الويل وتب فوك التعب

وياهه تعبتني غسلتني بدمع وبليل وبكابوس ولمن كملت

بالنار شرتني جرحتني وكبر بيه الجرح اظعاف وبسهوم الدهر

صدكني داوتني ومن ملت ولك فلت ضمادي بساع وبحلك الجرح

مجروح خلتني حبيت الحيات برغم كل الجور حبس دنياي ابد مايوم حبتني

الشيخ مهدي صالح ال هلال الصرايفي العبادي

....................................................................................................................................................

اجعل من يراك يتمنى ان يكون مثلك ومن يعرفك يدعولك بالخير ومن يسمع عنك يتمنى مقابلتك فمن تعطر بأخلاقه لن يجف عطره حتى لوكان تحت التراب

.......................................

اذا بدأت بتقييم الناس فانك لن تجدالوقت لتحبهم"

........................................

الأناقه الحقيقيه أن يكون الإنسان باهظ الكرامه

ثابت المبادئ ،عزيز النفس،غني الأخلاق

.........................................

اجمع ما شئت فسترحل كما جئت..!"

..........................................

"الدنيا لم تأتي يوماً على مقاس امزجتنا..

..........................................

ادا عجز القلب عن احتواء الصدق

عجز اللسان عن قول الحق.."

.....................................

يعجبني أشخاص سلاحهم العقل وليس اللسان

وضربتهم القاضيه الصمت وليس كثرة الكلام"

..............................................................................................................................................

وحق حيدر علي والبطل عباس

جثيره ادعت بيها لاكن ماكو أساس

احنا ثايه للعرب وتعرفنا كل الناس

مشهوده انا احنا انجيس ما ننجاس

احنا الموكر اوكلها اجوجي عليه

الشيخ فاضل الفهد العبادي شيخ عام عشيرة ال فهد امارة عبادة

..............................................................................................................................................

العركه من تشتد تريد رجالها..

.عشنه راس ومانصير اذيالها ..

.

هنه ثارن والزمط يمهن عجيد .

.. المو كفو بزماطه لا يدنالها

.

.. لا تقيس الزلم وتعد ع السان .

.

. هيه تنقاس الزلم بفعالها ...

.

.(احنه الطومرنه بأحدهم يوم صاحو ها لولاد)..

وسام الفهد العبادي

..................................................................................................................................................

الباري مطالب الوادم عباده

وبحور العين يجزيهم عباده

الشجره الفرعت منها عباده

بعون الله تظل شجره سخيه

الحاج علي الفهد العبادي

............................................................................................................................................

الوكت عدو ويه الشهم ويهين

وجوانين الهظم بحشاي ويهين

ليش الناس نص أصبحت ويهين

وجه يضحك وجه سجين بيه

الشيخ فاضل الفهد العبادي

.........................................................................................................................................................................................

بن عمي اجنت اميزنه وفضله

ايصيح وين معروفه وفضله

طلايب كلفه اكظيله وفضله

اخلصها ويشتم انوب بيه

شيخ عام الفهد ابو وسام الفهد العبادي

.....................................................................................................................................................................................