2014年教學

台灣歌謠【四季紅】詞曲介紹

—口白編製/音訊剪接：廖崇仁20140924

寫稿：廖崇仁20140904

口白：青山國小部601班 李恩澤同學

「…春天的花吐清芳（tò cīng pang）、夏天（ha-tiⁿ）的風正輕鬆、秋天的月照紗窗（sē-tang）、冬天的風真難當（lān dang）…」這馬欲（zit mà bheh）介紹的這條歌叫做〈四季紅sù-gùi-hŏng〉，是鄧雨賢（ding-u-hiăn）作曲（zok-kīk）、李臨秋作詞（zok sŭ），兩人（īn nng lăng）佇1938年日本時代合作的歌曲（gūa kīk），由著彼當時的日東唱片公司灌錄的（gùan lok e^o），鄧雨賢是桃園縣平鎮鄉（pīng-dìn-hiong）出身的客家人，伊是去日本留學的作曲家，一生創作的歌曲有五十條，其中較出名的有《四季紅》、《月夜愁（ghuat-ia-ciŭ）》、《望春風》、《雨夜花》，這四條歌曲予人共伊合起來叫做『四月望雨（sì ghueh bhang hō）』。逐家（dak gē）攏稱呼鄧雨賢是台灣歌謠之父。1944年的6月11伊就來過身去矣（a^o），攏總才活38歲爾（niă）。

歌 詞

詞：李臨秋 / 曲：鄧雨賢

春天花吐清芳 雙人心頭齊振動

有話想欲對你講 毋知通也毋通

佗一項 敢猶有別項 肉紋笑目睭降 你我戀花朱朱紅

夏天風正輕鬆 雙人坐船欲遊江

有話想欲對你講 毋知通也毋通

佗一項 敢猶有別項 肉紋笑目睭降 水底日頭朱朱紅

秋天月照紗窗 雙人相好有所望

有話想欲對你講 毋知通也毋通

佗一項 敢猶有別項 肉紋笑目睭降 嘴唇胭脂朱朱紅

冬天風真難當 雙人相好毋驚凍

有話想欲對你講 毋知通也毋通

佗一項 敢猶有別項 肉紋笑目睭降 愛情熱度朱朱紅

◎【望你早歸】歌謠介紹—口白編製/音訊剪接：廖崇仁20141002

作詞：那卡諾 譜曲：楊三郎

我是六年二班的周宜葳（ziū-ghī-ui），今仔日我欲介紹的台灣歌謠，歌名叫做「望你早歸」，是楊三郎作曲，那卡諾作詞的。

1946年，中央廣播電台接收日本的放送局，彼當時請呂泉生佮楊三郎等人主持播放台灣歌謠。每個月攏會發表一條新歌，呂泉生就鼓勵楊三郎試寫看嘜，楊三郎當咧苦無歌詞通好配曲的時陣，拄好樂團內底的鼓手那卡諾（なかの日本名字）提予伊這條「望你早歸」的歌詞，楊三郎看了後，嫌講那卡諾寫的歌詞無押韻，意思嘛傷過粗淺，那卡諾就應伊講：「這是新時代的歌詞啦！」雖然楊三郎對這條歌無啥物自信，毋過呂泉生試聽了後，煞一直呵咾講：「袂、袂！這條歌讚！」。

果然，一下放送出去，煞轟動全台灣。這條歌雖然是佇戰後發表的，毋過，故事的背景是咧講二次大戰中，台灣的查某人逐日數念去南洋相戰的尪婿，干焦會當拜託月娘，予的尪婿趕緊平安倒轉來。楊三郎所寫的歌曲有時代背景，而且旋律優美，會當深入台灣人內心的情感。雖然伊在生並無因為作曲得著誠濟錢財佮尊重，毋過，伊留予咱真濟條好聽閣感動人心的台灣歌謠。1989年5月25，楊三郎七十一歲，煞因為心臟病佇台北國泰病院過身去。

【歌詞】

每日思念你一人，袂得通相見。

親像鴛鴦水鴨不時相隨，無疑會來拆分開。

牛郎織女二人，每年有相會。

怎樣你那一去全然無回，放捨阮孤單一個。

若是黃昏月亮欲出來時，加添阮心內悲哀。

你欲共阮離開彼一日，也是月亮欲出來的時。

阮只好來拜託月娘，替阮講予你知。

講阮每日悲傷流目屎，希望你早一日轉來。