Korrika-txikia 2026 Asteasu.mp4KORRIKA TXIKIA
Martxoaren 23an ospatu genuen Pello Errotako guztien artean Korrika txikia, gurasoek hasi zuten korrikaldia eskolatik, suziria bota ondoren, hauek langileei eman zieten lekukoa eta horrela joan ginen handitik txikira lekukoa eskuz esku herria gurutzatzen. EUSKARA GARA!! Noski baietz, Euskarari auspoa emateko egiten da eta KORRIKA.
Aurten PILI LEGARRA omendu dugu, Asteasuri, euskarari eta umeei asko eman dielako!
Argazkiak eta HH 2 urteko korrika-txikiaren bideoa ikusi nahi badituzue lotura honetan daude: korrika-txikia 2026 Asteasu
INAUTERIAK
SANTA AGEDA BEZPERA
Santa Ageda Pello Errota.mp4VID_20260204_090618.mp4ABENDUAK 3, EUSKARAREN NAZIOARTEKO EGUNA
Gaur Euskararen Eguna ospatu dugu. Bi ekintza desberdin izan ditugu:
*Lehenengoan ikasle eta irakasleek jolasean ospatu dugu, jolasa tresna ezin hobea delako hizkuntza barneratzeko eta sendotzeko, lagunarteko harremanak euskaraz eraikitzeko.
* Bigarrenean aldiz, guraso eta Udal ordezkariak ere etorri dira. Ekitaldi xume bat egin dugu, bertan aurkezleek jolasaren garrantzia aipatu dute. Ondoren, LH5ekoen bertsoak entzun ditugu eta jarraian Behin betiko abestia abestu eta Txulalai dantzatu dugu.
EDERKI PASA DUGU!!!
UDAZKEN FESTA SAN MARTIN EGUNEZ OSPATU DUGU
GAU BELTZA JANGELAN
Gau Beltza badator eta jangelara izaki beldurgarriak iritsi dira.
pelloerrota.mp4Aurten ere, ikasturtea Ongi etorri planarekin hasi dugu: lehen egunetan dinamikak eta jolasak egin genituen, "kidez kide" lagunekin elkartu eta jolastu ginen...
Irailaren 17an Larraulera joan ginen HH4 urtekoetatik hasi eta LH 6. mailararte. Ondoko bideoan ikusi dezakezue nola jeitsi ginen kidez kideko lagunekin egun ederra pasa eta gero.
Maiatzaren 15ean San Isidro eguna ospatu genuen herri kirol probak egiten. Saioari buruzko bideoa ikusi nahi baduzue klikatu HEMEN.
Rodrigo eta Lorena: Portugesez
Aurten Inauterietan San Fermin festak irudikatu ditugu: entzierroa, txaranga, peñak, turistak, erraldoiak, buruhandiak,...
Aiurriko erreportaian ikusiko dituzu nahi adina argazki.
SANTA AGEDA BEZPERA
Lurrari esnatzeko eskatu genion gure makilen hotsez.
TXIMELETAK HEGAN PALESTINAREN ALDE
Ospakizunak bi alderdi izan zituen:
*Lehenengoan ikasle eta irakasleek jolasean ospatu genuen, jolasa tresna ezin hobea delako hizkuntza barneratzeko eta sendotzeko, lagunarteko harremanak euskaraz eraikitzeko.
* Bigarrenean aldiz, guraso eta Udal ordezkariak ere etorri ziren. Ekitaldi xume bat egin genuen, bertan aurkezleek jolasaren garrantzia aipatu zuten eta jarraian Behin betiko abestia abestu eta dantza bat dantzatu genuen.
EDERKI PASA GENUEN!
GURE HAURRAK ERE BADIRA, PALESTINAREKIN ELKARTASUNA
UDAZKEN FESTA SAN MARTIN EGUNEZ OSPATU GENUEN
KALEJIRA KANPOAN HASIERA.mp4GENOZIDIOARI STOP
Gernika-Palestina herri ekimenarekin batera, LAB-Steilas-ELA-CCOO-UGT sindikatuek deituta elkarretaratzea egin dute eskolako irakasleek gaur goizean, urriak 21.
Palestinak elkartasuna eta konponbideak behar dituela, eta nazioarteko komunitateari genozidioa nahiz okupazioa amai dadin presio mekanismoak areagotzeko asmoz.
Urtero bezala, aurreko asteazkenean, HH 4 urtetik LH 6. mailararte Larraulera igo ginen bide desberdinetatik eta bazkaldu ondoren, jolasak egin genituen. Bukaeran, gure Kidez kideko lagunekin jeitsi ginen Asteasuko plazara. Ederki pasa genuen eguna!!
Dagoeneko hasi dugu Ikasturte berria eta elkarri ongi etorria emateko jolas kooperatibo batzuk burutu ditugu, mailaka, zikloka, eta etapaka. Eguraldiak laguntzen digunean abiatuko gara bakoitza bere bidetik Larraul aldera, eta han ere bazkal ondoren jolasak egingo ditugu eta Asteasurako bidea gure Kidez-Kideko lagunarekin egingo dugu. Izan dezagula denok ikasturte eder bat!!
PALESTINAKO HAURRAK GOGOAN HARTU GENITUEN GURE ESKOLAN EKAINAREN 20an.
KORRIKA TXKIA 2024 LABURTUA.mp4Martxoaren 15ean Korrika txikia ospatu genuen Asteasun. Eguraldia lagun, ibilbidea pausoz pauso, eta lekukoa eskuz esku, plazaraino egin genuen eskolako komunitate osoaren artean. Lekukoa hartzen azkenak aurtengo omenduak izan ziren, Baserritar emakumeak. Plazako ekitaldian adarra, agurra, bertsoak, omenduen hitzak, abestia eta lore eskaintza egon ziren. Ekitaldi xamurra eta hunkigarria izan zen, hainbat begi lanbrotzeraino. Gora Korrika Txikia!
MARTXOAK 8
EMAKUMEEN NAZIOARTEKO EGUNA
Gaur, martxoak 8, Emakumeen Nazioarteko Eguna aldarrikatzen dugu eta eskolan zenbait jarduera egin ditugu. Irudietan ikasleek osatutako horma-irudiak ikus ditzakezue.
Gaur, otsailak 15, Haur Minbiziaren Nazioarteko Eguna dela gogoratu dugu eskolan. Aurten, Aspanogi elkarteak "Urrezko begiztaren Indarra " ekimena jarri du martxan. Patioan urrezko begizta osatu dugu minbizia duten haurrei indarra eta animoak bidaltzeko.
INAUTERIAK PELLO ERROTA ESKOLARA IRITSI DIRA
Gabon kantuak 2023.pdfGabonetako kantuak errepasatzen hasiak gara...etxean ere kantatu nahi? Hemen dituzue hitzak eta ohiko kantuez gain, Bitorio Gaindiagak gabonei eskainitako olerki eder bat. Gabonei beste ikuspuntu batetik begiratzeko leihotxo bat.
Abenduaren 1ean Euskararen Nazioarteko Eguna ospatu genuen. Eskolako ikasleek etxeetan jaso dituzten ama hizkuntza desberdinei erreparatuz, beraien garrantziaz jabetuz, 9 hizkuntza horietan hitzak esanaz, eta idatziz, lore eder hau osatu genuen.
Horretaz gain, abestu eta dantzatu ere egin genuen.
Ekitaldi polita izan zen eta oso ondo pasa genuen ikasle, irakasle, jangelako begirale, udaleko ordezkari eta gurasook denok elkarrekin euskararen alde bat eginik.
Azaroaren 10ean Udazken Festa ospatu genuen eskolan, San Martin egunaren bezperan. Eguraldiak ez zigun lagundu, hala ere, kalejira egin genuen eskola barrutik ikasle musikariei esker, bertsoak entzun genituen, gaztainak jan genituen... eta oso ondo pasa genuen. Gurasoek gaztain goxoak prestatu zizkiguten. Eskerrik asko!!!
Iritsi da ikasturte hontako azken eguna eta berarekin, LH 6-koei agur esateko garaia. Plazer bat izan da urte hauek zuekin konpartitzea. Onena opa dizuegu!!!
Ederki pasa dugu gaur herriko igerilekuan!
Ikasle Batzordetik zaborrontzi berriak eskatu genizkion Udalari, parke aldean eta frontoi atzean jartzeko. Udalak segituan jarri zituen eta guk etiketak egin dizkiegu. Begira zein dotore geratu diren!
Zientziaren astea badator! Datorren aste osoan zientziarekin lotutako ekintzak izango ditugu eskolan.
Begira HH2 urteko gelakoak zertan dabiltzan:
"Zetazko beldarrek morera hosto asko jan zituzten eta bakoitzak bere kuskua egin zuen metamorfosia egin ahal izateko. 2-3 astez kuskuan egon ondoren, zulotxo bat egin dute kuskuaren goiko aldetik eta tximeleta bihurtu dira. Tximeleta txuriak dira!
Laister arrautzak jarriko dituzte..."
Ekainaren 3an ospatu genuen eskolako jaia. Goizean jolasak, ginkana eta aurpegi margoketak izan genituen. Ikasleen eskulanen erakusketa eta argazki proiekzioak ere ikusgai egon ziren. Bapo bazkaldu ondoren, zumba dantzaldia, "ur zaparradak" eta karaokearekin borobildu genuen festa. Giro bikainean, txiki, gazte zein heldu, ederki ibili ginen denok elkarrekin. ARGAZKIAK
Gaur LGTBIQfobiaren aurkako eguna aldarrikatu dugu. Eskolan gaia landu eta zenbait jarduera burutu ditugu.
LH-ko ikasleek baserrian sustraia duten herri kirolekin eta jokoekin goiz-pasa egin dute San Isidro egunean.
Aiurrik jasotako testigantza ondorengoa:
Asteasuko baserritarren taldeak antolatu du San Isidro jaia. Aitor Usandizaga taldeko kideak azpimarratu duenez, “zerbait berezia egin nahi izan dugu aurtengoan, San Isidro eguna ospatzeko beti erabili izan ohi den eskematik urrunduz. Gizarteko belaunaldirik gazteenei baserriaren errealitatea pittin bat hurbilaraztea izan da gure asmoa, eta horretarako, gaurkoan, baserriaren bizimodura sustraituta dauden kirol eta jokoen erakustaldia antolatu dugu, Usarrabi frontoian. Denetik egiteko aukera eman zaie herriko haurrei: harri jasotzea, txingak, soka-tira, trontza, sagar-biltzea, artazuriketan... Gozatu egin dutela esango nuke”.
Haurrek saio ederra egin dute bateko eta besteko jokoekin, eta nahikoa asetua hartu dutenean, kalabazaren landareak jaso dituzte sari gisa. Ohartarazi zaienez, ondo zaintzen badituzte kalabaza bikainak aterako zaizkie, Gau Ilunean ospakizunerako.
Aurtengoan Aiztondo bailaran ospatuko da Bizipoza elkartearen jaia. Ekainaren 18an izango da jaia.
Bizipoza 36 elkartez osatuta dago, guztiak izaera bereziko gaiak lantzen dituzten elkarteak, haurren eta familien ongizatea helburu duten elkarteak. Elkarteak Bizipozaren balore transmisoreak dira, Bizipoza eta bertako kideak baloreetan aberastu eta hezten dituztenak.
Hala, egun hauetan hauetariko 3 elkartetaik etortzen ari zaizkigu eskolara sentsibilizazio tailerrak egitera.
"Beroa" elkartekoak (Gipuzkoako harrera familien elkartea) LH5 eta 6ekoekin bildu ziren.
"Biak bat" elkartekoak (Animaliekin lagundutako eskuhartzeak) LH1 eta 2koekin aritu dira gaur bertan.
"Kirol egokituen federazioa"-koak (Kirol eta jarduera fisiko egokitua eta inklusiboa) datorren astean etorriko dira HH3,4,5 eta LH3 eta 4koekin egotera.
Bizipoza elkarteari buruz gehiago jakin nahi baduzu: bizipoza.eus/nor-gara/
Asiatik datorren liztor honek gure erleak jaten ditu. Azken urteotan izugarrizko triskantza eragiten ari da gure inguruan, erleak jan eta ziklo naturala hausten duelako. Erlezain elkartekoak liztor honen berri eman eta proposamen batekin etorri zaizkigu: liztor asiarra harrapatzeko tranpak prestatzea. Guraso Elkartea eta Udalaren laguntzaz tailer bat antolatu dugu ostegunean 14:45tan herriko plazan. Bertan argazkiko tranpa bezelakoak prestatuko ditugu. Hilabetez tranpa zintzilikatuta izango dugu eta astero erregistro orri bat betetzen joango gara. Apirila bukaeran jasotako datu guztiekin erlezainek liztor hauen kabiak topatu eta suntsitzeko aukera izan dezakete.
Murgildu gara aurtengo literatura astean! Gaurtik hasita 8 egunez antzezlanak, olerki musikatuak, kidez-kideko ipuin kontaketak, idazleak etab. izango ditugu gurean. Argazkiak
Porrotxen bisita jaso genuen martxoaren 14ean. Bizipoza elkartearen berri ematera etorri zitzaigun Porrotx. Aurtengoan Bizipoza jaia Aiztondo bailaran ospatuko da. Ekainaren 18an izango da. Jai hori baino lehen, girotze fase bat egingo dugu eta horren harira etorri zaigu Porrotx eskolara.
Begira aurtengoan Aiurri aldizkariak gure inauteriari buruz zer argitaratu duen:
Postal irabazlea.mp4Bertan ditugu gabonak eta berekin datoz elkarri opa dizkiogun hitz goxoak ere. Aurtengoan, gabonetako postal elektronikoa lehiaketara atera dugu. LH5 eta 6ko ikasleek hartu dute parte. Postal irabazlea: Naroa, Ane, Izei, Kerman eta Leirek osatutako taldea. Zorionak!
Gure artean 17 urtez jangelako begirale izan den Pili-txikik erretiroa hartuko du. Omenaldi txiki bat egin genion ostegun arratsaldean. Ongi merezitako deskantsua izan dezala!
Gabonetako kantuak errepasatzen hasiak gara...etxean ere kantatu nahi? Hemen dituzue hitzak eta ohiko kantuez gain, Bitorio Gaindiagak gabonei eskainitako olerki eder bat. Gabonei beste ikuspuntu batetik begiratzeko leihotxo bat.
Eskolan ere nabaritzen hasiak gara gabonak badatozela. Jangelako begiraleek, urtero lez, dotore apaindu dute jangela.
Pello Errotako eskola-komunitatea Euskaraldian murgildu da azaroaren 18tik abenduaren 2a bitartean. Aurtengo Euskaraldian ARIGUNEA izan gara, euskaraz aritzeko gunea, alegia.
Arigunean talde/gela bakoitzak aurtengo ikasturterako euskararekiko konpromezua agertu du. Hartara, 10 ikasgeletako konpromezuez gain, jangelako begiraleena, irakasleena, gurasoena eta udalaren konpromezuak bildu ditugu. Argazkian duzue testigantza.
Konpromezuak banan bana ikusteko:
Euskaraldia hitzak 11 hizki ditu. Gelaka banatu dira hizkiak eta baita jangela eta Guraso Elkarteari ere. Egunero, azaroak 18tik abenduaren 2ra, patio garaian, zegokion hizkia atera dugu portxera eta horman itsatsi. Zegokion taldeari beste guztiok pasiloa egin diogu eta pasatzean txaloak eskaini dizkiegu. Momentu hunkigarriak bizitu ditugu. Gaurkoan, abenduak 2, EUSKARALDIA hitza osorik taularatu dugu euskararen eguneko ospakizunean.
Kartelaren egileak: LH6ko Ane eta Nora
Gaur, Azaroak 25, Bortizkeria Matxistaren kontrako eguna aldarrikatzen dugu eta eskolan ere, egun hauetan berarekin zerikusia duten zenbait jarduera egin ditugu.
UDAZKEN FESTA.mp4Azaroaren 11ean, San Martin egunez, Udazken Festa ospatu genuen. Eguzki gozoa lagun, kalejira, bertsoak, gaztain-jana eta dantzatzeko aukera izan genuen. Trikitilari eta panderojole bikainak dauzkagu gure artean! Mila esker zuen laguntzagatik. Eskerrak eman nahi dizkiegu gaztainak danbolinean erretzen eta ondoren banatzen jardun zuten 4 gurasoei ere. Festa zoragarria egin genuen denon artean.
Martxan dugu Tranpazulo Irratia aurtengoan ere!
Ostiralero 09:15tatik 09:45tara
106.7 dialean
Bertan izango gaituzue entzungai zuzen-zuzenean.
Ordu horretan ez duzula aukerarik gu entzuteko? Lasai! Hor dituzu irratsaioaren podcastak nahi duzunean entzuteko.
LARRAUL.mp4Gure eskolan, ikasturte hasierako Ongi-Etorri planean errotuta daukagu Larraulera irteera. Irailaren 23an, eguraldi bikainaz gozatuz, egin genuen ibilbidea. Txikitxoenak, HH2 eta HH3koak eskolan geratu ziren eta beste denok ttipi-ttapa bide desberdinetatik igo ginen Larraulera.
Bertan, elkarrekin bazkaldu eta ondoren jolasak egin genituen. Irteera bukatzeko, Kidez-kideko bikoteetan, armoni onean jaitsi ginen Asteasura.
2022-2023 ikasturtea webgune berriarekin hasi dugu!
KORRIKA.mp4Apirilaren 7an ederki pasa genuen euskararen alde korrika Korrika Txikian. Egin klik eta ikus ezazu bideoa.
