გარდა ჯანმრთელობისა, ახალგაზრდებისთვის სპორტი არის თანატოლებთან ურთიერთობის, მეგობრების შეძენის, ჯგუფურ აქტივობებში ჩართვისა და საჯარო აღიარების მოპოვების შესაძლებლობა. სპორტული თამაშები გუნდურ მუშაობას გვასწავლის და თვითდისციპლინის გამომუშავებაში გვეხმარება.

სპორტით დაკავებული ადამიანი, ნაკლებად შეიძლება გახდეს ისეთი ჩვეულებების მსხვერპლი როგორიცაა თამბაქოს მოწევა, ალკოჰოლიზმი, ნარკოტიკული საშუალებების მოხმარება და ა.შ.

ლოგოსში, სპორტულ ცხოვრებას ძალიან დიდ ყურადღებას ვაქცევთ, ჩართულები ვართ უამრავ ღონისძიებაში. გვყავს კალათბურთის, ფეხბურთისა და რაგბის გუნდები, რომლებიც რეგულარუად იღებენ სხვადასხვა ტურნირებში მონაწილეობას, საკმაოდ წარმატებულად.

2020 წელს, ლოგოსში, მთავარი სპორტული მოვლენა საერთაშორისო საკალათბურთო ჩემპიონატში მონაწილეობის მიღება იყო. ეს გამოწვევა, ჩვენთვის უდიდესი მოტივაციის წყარო გახდა, რომელმაც ყველანაირ შესაძლებლობებს გადააჭარბა და ნახევარფინალურ ეტაპზე გავედით.

წინ უამრავი გამოწვევა გველოდება, რომლებსაც მოუთმენლად ველით და გვჯერა, რომ მონდომებისა შრომის შედეგად ძალიან ბევრ წარმატებას მივაღწევთ!