ჯგუფში დავდებთ ბევრ საინტერესო და პოზიტიურ პოსტებს, სტატიებსა და ვიდეოებს, საიდანაც შევძლებთ უფრო მეტი გავიგოთ ჩვენი საყვარელი ანიმეების შესახებ, გავუზიარებთ ერთმანეთს გამოცდილებებს და ვეცდებით უფრო სიღრმისეულად შევიცნოთ "ანიმე სამყარო".
კლუბში, ონლაინ შეხვედრის თარიღები: 5 მაისი, 12 და 26 მაისი- 5სთ, 9 და 23 ივნისი- 5სთ.
Death Note. ქეთო ჩიქვინიძე.mp4ადამიანი, ბუნებით ექვემდებარება ნებისმიერი სახის დამოკიდებულებას. თავდაპირველად მას შეუძლია მარტივად დააიგნოროს იგი,შემდეგ მოდის ძლიერი სურვილი რომ ისევ და ისევ დაუბრუნდეს თავის მანკიერ სურვილს.ხოლო საბოლოოდ ვიღებთ იმას რომ ინდივიდი ცხოვრებას უბრალოდ ვეღარ აგრძელებს.
არსებობს მრავალი სახის დამოკიდებულება.შეიძლება იყო დამოკიდებული საკვებზე, მოწევაზე, წამლებზე, ალკოჰოლზე...
მათ შორის, ალბათ, რაც ერთდროულად უფრო გავრცელებულ და საზიანოდ არის მიჩნეული, აზარტული თამაშებისადმი დამოკიდებულება, რომელიც რისკის ქვეშ აყენებს უამრავი ადამიანის სიცოცხლეს და ბედნიერებას.
ახალგაზრდა ადამიანებში, ძალიან ხშირად გამოიხატება ლტოლვა ისეთი საქმიანობის მიმართ,რომელიც ადამიანურ ბუნებას ამახინჯებს. მათ სხვადასხვა თამაშები იზიდავთ. წაგებას კი მნიშვნელობა არ აქვს, რადგან ყოველთვის ჩნდება იმედი, რომ შემდეგ თამაშში გაუმართლებთ და გაიმარჯვებენ.
ანიმე Kakegurui მოგვითხრობს Yumeko Jabami-ს აზარტული ცხოვრების შესახებ, რომელიც ახალ სკოლაში სულ ცოტა ხნის წინ გადავიდა. გოგონასთვის არ აქვს მნიშვნელობა ფულის დაკარგვას. მას შანსის სჯერა და იცის, რომ შეუძლია თავი მოიტყუოს და მოგებაზე იფიქროს.
Hyakkaou Private Academy არის მნიშვნელოვანი აკადემია, იმ ბავშვებისათვის, რომლებსაც სხვადასხვა თამაშებში, კერძოდ კარტის თამაშში, ნიჭი აქვთ და უამრავი ტყუილის გზა აქვთ მოფიქრებული. Yumeko ყველასთვის საინტერესო პერსონაჟი გამოდგება, მისი შეხედულებების გამო. ის ცხოვრობს იმისათვის, რომ გარისკოს.მისთვის ცხოვრება ხალისი და რისკია. რათქმაუნდა, ფულს ისე არ აღიქვამს როგორც დანარჩენი მოსწავლეები.
Meari Saotome ერთ-ერთი გამორჩეული მოთამაშეა. მას თამაშში იუმეკო დაამარცხებს, რასაც სტუდენტები გამოწვევად მიიღებენ. სკოლაში წაგებულ ადამიანს კი სახლის შინაურ ცხოველებად (მონად) მიიჩნევენ. ამის შემდეგ კი, Meari-ი Yumeko-ს მეტოქედ თვლის.
აკადემიაში დიდი ადგილი უკავია სტუდენტურთა საბჭოს, რომელშიც საუკეთესო მოთამაშეები ერთიანდებიან. ისინი აკონტროლებენ იმ მოსწავლეების ცხოვრებას რომელთაც კარტის თამაშში წაგებული ფული არ გადაუხდიათ და ამით მათ ძალაუფლებას ამჟღავნებენ.
“ჩემი მტრის მტერი ჩემი მეგობარია“. სწორედ ეს სიტყვებია მთავარი პერსონაჟის მოსაზრება და ეს მის ქმედებებშიც აისახება.
ამ ანიმეში თითოეული მოქმედი პირი ერთმანეთისაგან საკმაოდ განსხვავდება. მათში ამოიცნობთ სხვადასხვა თვისებებს და უფრო მეტი ინფორმაციის გაგებას მოისურვებთ. მოსწავლეებს სხვადასხვა მიზნები, ისტორიები და მოსაზრებები აქვთ.
შელაძლოა, რომ აქ იკიშიმა იყოს ყველაზე მძაფრი პერსონაჟი. მისთვის ძალადობა ჩვეულებრივი რამაა, რაც იმას ნიშნავს, რომ ტკივილი, მისი აზრით ფულს იმსახურებს. მისი ქმედებებიდან გამომდინარე, გამახსენდა რუსული თამაში რულეტი. იკიშიმას არ ეშინია იარაღის, არამედ ენდობა მას. ამ პერსონაჟის ყურადღებას ჯაბამი მიიქცევს და ფიქრობს, რომ იუმეკო ჯაბამის მსგავსი რისკიანი ადამიანი საკმაოდ მიმზიდველი და ხალისიანია.
ჩემი აზრით, მნიშვნელოვანია გავითვალისწინოთ ასაკობრივი შეზღუდვა, რადგან გამოსახული სცენების ყურების შემდეგ, ბავშვში შესაძლოა გამოიწვიოს ინტერესი აზარტული თამაშებისადმი. უამრავი ქვეყანა სხვადასხვა ასაკობრივ შეზღუდვას იყენებს. მაგ: სამხრეთ კორეა:18; აშშ:14; არგენტინა:13 და ა.შ.
პირველ რიგში, ჩემზე საკმაოდ იმოქმედა ასახულმა სცენებმა და საკუთარი თავი წარმოვიდგინე თითოეული პერსონაჟის ადგილას, რაც დამეხმარა იმაში, რომ ამომეცნო ისინი. განვიცდიდი სხვადასხვა ემოციებს. ვინაიდან მოქმედ პირებს შორის ძალიან დიდი სხვაობაა.
გავაანალიზე თუ რა არის აზარტული თამაშები და რა განსაცდელი მოაქვთ მათ. გავიაზრე მათი დადებითი და უარყოფითი მხარეები, რაც მომავალში როგორც მე, არამედ სხვა უამრავ ადამიანს გამოადგება.
ამ ყველაფერთან ერთად Kakegurui-ში ხელოვნების სტილი არის საკმაოდ სტილიზებული. ჩემზე დიდი გავლენა მოახდინა მუსიკამ და ვფიქრობ, რომ ამ ანიმეში ერთ-ერთი საუკეთესო საუნდტრეკია გამოყენებული. ეს მუსიკა გვიქმნის სხვადასხვა შთაბეჭდილებებს და ზუსტად შეესაბამება თამაშის სცენას.
რაც შეეხება ანიმაციას, ძალიან კარგი ხარისხითაა შესრულებული. განსაკუთრებით მინდა ავღნიშნო თვალების გამომეტყველება და ემოციის გამომხატველი მიმიკები. ანიმეში თანამედროვე დეკორაციებია. კარგად ასახავს თუ როგორი მიმზიდველია გარემო აზარტული თამაშის დროს.
ახლა კი, მინდა გაგაცნოთ ჩემთვის გამორჩეული პერსონაჟი და ვფიქრობ, რომ ის თქვენც დაგაინტერესებთ. მისი სახელია Runa Yomozuki. ის სტუდენტურთა საბჭოს ერთ-ერთი წარმომადგენელია. რუნა ძალიან ხშირად ხალისობს სხვა მოსწავლეების თამაშით და საკმაოდ საინტერესო მოქმედი პირია. ვფიქრობ, რომ მისი პერსონაჟის ამოკითხვა არც ისე მარტივია. თუ ანიმეს ყურებისას ამ გოგონას დააკვირდებით აღმოაჩენთ სხვაობას მის და სხვა მოსწავლეებს შორის. მიმაჩნია, რომ რუნა თავის ნამდვილ სახეს არ აჩენს და არ ამჟღავნებს საკუთარ მიზნებს.
საბოლოოდ მინდა ავღნიშნო, რომ Kageurui ნამდვილად იმსახურებს ყურადღებას მისი საინტერესო ეპიზოდების, საუკეთესო საუნდტრაკების და დაძაბული სიუჟეეტის გამო. თითოეულ მკითხველს გირჩევთ ამ ანიმეს ყურებას. ის თქვენ სხვა რეალობაში გადაგიყვანთ და სამყაროს Yumeko Jabami-ს თვალებით დაგანახებთ...
