Webgunea sortu

Webgunea sortu

Orain Google Drivetik Siteak sortzeko aukera ematen du.

Webgunea zein karpetetan eduki nahi dugun erabaki, eta bertan kokatuko gara. Ondoren pauso hauek eman:

• Berria > Gehiago > Google Sites

Izena eta izenburua

Sitea Driven dugun fitxategi bat modukoa da, beraz izena eman behar diogu. Webgunearen goiburuan agertzeko izenburua ere jarri behar diogu.

Goiburua

Erakuslea goiburuaren gainean jartzen baduzu Aldatu irudia eta Goiburu mota aukerak ditugu.

• Aldatu irudia: irudi bat ordenagailutik kargatzeko aukera ematen digu edo aurrediseinatutako irudi bat aukeratzeko.
• Goiburu mota: aukera hauek ditugu Iragarki-banda handia, Iragarki-banda edo Izena soilik.

Nabigazio ezarpenak

Goiburuaren gainean dagoen nabigazio barrara erakuslea eramanez gero ezarpenaren gurpiltxoa agertzen zaigu. Bertan sakatuz gero Goiko nabigazioa edo Alboko nabigazioa aukerak ditugu.

• Goiko nabigazioa: webguneak dituen orriak goiburuaren gainean ikusiko dira.
• Alboko nabigazioa: webguneak dituen orriak ezkerreko aldean ikusiko dira.

Gehitu logotipoa

Goiburuaren gainean dagoen nabigazio barrara erakuslea eramanez gero Gehitu logotipoa agertuko zaigu. Hemen bi aukera ditugu:

• Kargatu: ordenagailutik igotzeko
• Hautatu: URL bidez edo drivetik aukeratzeko.

Edizio moduan orrietatik nabigatu

Edizio moduan gaudela orrietatik nabigatzeko goiburuaren gainean, ezkerreko ertzean (webgunearen izenaren alboan), dauden hiru marratxo horizontal horietan klikatuz izango dugu aukera.