Euskal Ipuin Klasikoak

PROIEKTUA: "KUTXA MAGIKOA"

ZER DA?

Euskal ipuin klasikoekin, ikasleek marrazki bizidunak sortu dituzte, ondoren marrazki bizidun horiek Odon de Apraiz ikastetxean ikasleei proiektatzeko. Horiek sortzeko kutxa magiko batzuk eraiki behar izan dituzte.

ZEIN DA HELBURUA?

Prozesu parte-hartzaile baten parte izatea da helburua. Talde txikietan, talde bakoitzak bere produktua sortu arte, bidean topatuko dituzten zailtasunei aurre egin beharko diete, eta horretarako haien artean negoziatu egin beharko dute, erabakiak hartu, lanak banatu,... Gainera, ahozkotasuna lantzeko ariketa egokia izan da.

NORTZUK PARTE HARTZEN DUTE?

DBH 1. mailako ikasleak izan dira protagonista nagusi.

Euskara ikasgaian euskal ipuina egokitu eta gidoia sortu dute, eta ondoren, kontaketaren ahots grabazioak egin dituzte.

Teknologia ikasgaian, kutxa magikoa eraiki dute.

Plastika ikasgaian, ipuinen irudiak kutxa magikoan marraztu dituzte eta guztia bideoan grabatu.

Amaitzeko Lehen Hezkuntzako ikasleei ipuinak aurkeztu dizkiete, prozesu guztia nola aurrera eraman duten azalduz.

DBH 4. mailako ikasleak, Informatika ikasgaian, grabazio guztiak bateratu dituzte bideo edizioa landuz.

.................................


Ideia https://www.ventanaaladiversidad.org webgunetik jaso dugu.