Ang Alpha Radiation ay maaaring magdulot ng panganib kapag ito ay nasa loob ng katawan dahil sinisira nito ang mga sensitibong nabubuhay na tisyu ng katawan.

Maaaring tumagos sa balat ang Beta Radiation ng ilang sentimetro at maging dahilan ng pagkakaroon ng sugat sa balat.

Bagaman ginagamit sa pagpapagaling ng mga sakit, ang Gamma rays ay kayang wasakin ang mga nabubuhay na selula sa ating katawan at magdulot ng gene mutation at kanser, tulad ng Lukemia at Thyroid cancer.

Ang X-ray naman ay maaaring magdulot ng radiation burn, sirain ang mga nabubuhay na selula ng katawan, at magdulot ng gene mutation na maaaring mauwi sa kanser.

Ang Neutron Radiation ay maaaring magdulot ng biological damage, sumira sa mga soft tissue tulad ng cornea, at baguhin ang punsyon ng mga selula sa katawan o tigilan ang pagrereplika ng mga ito.

Ang UV rays ay maaaring makapagdulot ng sunburn, kanser sa balat at katarata dahil sa labis na pagtatambad dito.

Ang masyadong pagkakalantad sa Visible light ay maaring magdulot ng pinsala sa ating balat at mga mata.

Ang sobrang dami ng Infrared Lights ay maaaring makasira ng ating mga mata at maaari din itong makapagdulot ng pagkabulag.

Kapag ang infrared mula sa araw ay nakulong sa atmospera, maaari itong makagawa ng mga greenhouse gas na nagpapalala ng init sa kapaligiran at ito ay maaaring maging sanhi ng pagbabago ng klima.

Ang mga laser ay maaaring makasunog at makapinsala sa katawan at mata. Maaari din itong humantong sa pagkabulag.

Ang sobrang pagkakalantad sa mga Microwave ay maaaring magdulot ng mga katarata at pagkasunog ng balat.

Ang mga Radio wave ay maaaring magpainit ng mga nakalantad na bahagi ng katawan.